ନୂଆଦିଲ୍ଲୀ, 19 ଫେବ୍ରୁଆରି (ହି.ସ.)- ନରେନ୍ଦ୍ର

ମୋଦି ଗୁରୁବାର ଏଆଇ ଇମ୍ପାକ୍ଟ ଶିଖର ସମ୍ମେଳନରେ ବିଶ୍ୱ ନେତାମାନଙ୍କ ସମ୍ମୁଖରେ ଏଆଇର ନୈତିକ

ବ୍ୟବହାର ସମ୍ପର୍କରେ ତିନୋଟି ପ୍ରମୁଖ ପ୍ରସ୍ତାବ ରଖିଥିଲେ। ଏଥିରେ ଡାଟା ସ୍ୱାୟତ୍ତତା, ପାରଦର୍ଶୀ ନିୟମ ଏବଂ ମାନବୀୟ ମୂଲ୍ୟବୋଧକୁ

ସମ୍ମିଳିତ କରାଯାଇଥିଲା।

ବିଶ୍ୱ ନେତାମାନଙ୍କ ସହ

ଆୟୋଜିତ ପୂର୍ଣ୍ଣ ଅଧିବେଶନରେ ତାଙ୍କ ଆରମ୍ଭିକ ଉଦ୍ବୋଧନରେ ପ୍ରଧାନମନ୍ତ୍ରୀ ମୋଦି ଆଶା ବ୍ୟକ୍ତ

କରିଥିଲେ ଯେ, ଏହି ସମ୍ମେଳନ ବିଶ୍ୱ

ଏଆଇ ଇକୋସିଷ୍ଟମ ଗଠନରେ ଗୁରୁତ୍ୱପୂର୍ଣ୍ଣ ଭୂମିକା ନିଭାଇବ। ସେ କହିଥିଲେ ଯେ, ଆମେ ସମେତିକ ଭାବେ ଏହି ‘ଡିସରପ୍ସନ୍’କୁ ମାନବତା ପାଇଁ ସବୁଠାରୁ ବଡ଼ ସୁଯୋଗରେ ପରିଣତ କରିବା ଆବଶ୍ୟକ।

ନୈତିକ ବ୍ୟବହାର ବିଷୟରେ

ସେ କହିଥିଲେ ଯେ ଡାଟାର ମାଲିକାନା ଅଧିକାରକୁ ସମ୍ମାନ ଦିଆଯିବା ଉଚିତ। ଏଆଇ ଟ୍ରେନିଂ ପାଇଁ ଏକ

ସଠିକ୍ ଡାଟା ଫ୍ରେମୱର୍କ ତିଆରି କରାଯିବା ଦରକାର। ଡାଟା ସୁରକ୍ଷିତ, ସନ୍ତୁଳିତ ଏବଂ ବିଶ୍ୱସନୀୟ ହେବା ଆବଶ୍ୟକ।

ସେହିପାଇଁ ଗ୍ଲୋବାଲ୍ ଟ୍ରଷ୍ଟେଡ୍ ଡାଟା ଫ୍ରେମୱର୍କ ଅତ୍ୟାବଶ୍ୟକ ବୋଲି ସେ ଉଲ୍ଲେଖ କରିଥିଲେ।

ସେ କହିଥିଲେ ଯେ ଏଆଇ

ପ୍ଲାଟଫର୍ମମାନେ ନିଜମାନଙ୍କ ସୁରକ୍ଷା ନିୟମଗୁଡ଼ିକୁ ସ୍ପଷ୍ଟ ଏବଂ ପାରଦର୍ଶୀ ରଖିବା ଉଚିତ।

ଆମକୁ ‘ବ୍ଲାକ୍ ବକ୍ସ’ ପଦ୍ଧତି

ପରିବର୍ତ୍ତେ ‘ଗ୍ଲାସ୍ ବକ୍ସ’ ଅଭିଗମ ଆବଶ୍ୟକ,

ଯେଉଁଠାରେ ସୁରକ୍ଷା ନିୟମଗୁଡ଼ିକୁ ଦେଖାଯାଇପାରିବ ଏବଂ ସତ୍ୟାପିତ

କରାଯାଇପାରିବ। ଏହା ଫଳରେ ଉତରଦାୟୀ ସ୍ପଷ୍ଟ ହେବ ଏବଂ ବ୍ୟବସାୟରେ ନୈତିକ ଆଚରଣକୁ ମଧ୍ୟ

ପ୍ରୋତ୍ସାହନ ମିଳିବ।

ଏଆଇ ଗବେଷଣାରେ ‘ପେପର କ୍ଲିପ୍ ପ୍ରୋବ୍ଲେମ୍’ ଉଦାହରଣ ଦେଇ ପ୍ରଧାନମନ୍ତ୍ରୀ କହିଥିଲେ ଯେ, ଏଆଇକୁ ସ୍ପଷ୍ଟ

ମାନବୀୟ ମୂଲ୍ୟବୋଧ ଓ ଦିଗନିର୍ଦ୍ଦେଶର ଆବଶ୍ୟକତା ରହିଛି। ପ୍ରଯୁକ୍ତି ଶକ୍ତିଶାଳୀ ହେଲେ ମଧ୍ୟ,

ତାହାର ଦିଗ ସର୍ବଦା ମାନବମାନେ ନିର୍ଦ୍ଧାରଣ କରିବେ।

ନରେନ୍ଦ୍ର ମୋଦି କହିଛନ୍ତି

ଯେ ଏଆଇରେ ନୈତିକ ଆଚରଣର ପରିଧି ବହୁତ ବିସ୍ତୃତ। ଏହି ପରିସ୍ଥିତିରେ ଏଆଇ ପାଇଁ ଆମେ ନୈତିକ

ଆଚରଣ ଓ ମାନଦଣ୍ଡର ସୀମାକୁ ମଧ୍ୟ ଅସୀମିତ କରିବାକୁ ପଡିବ। ଏଆଇ କମ୍ପାନୀମାନଙ୍କ ସମ୍ମୁଖରେ ବଡ଼

ଦାୟିତ୍ୱ ରହିଛି। ଲାଭ ସହିତ ସହ ଉଦ୍ଦେଶ୍ୟ ଉପରେ ମଧ୍ୟ କେନ୍ଦ୍ରିତ ହେବା ଆବଶ୍ୟକ।

ସେ କହିଥିଲେ ଯେ ଭାରତ

ପାଇଁ ପ୍ରଯୁକ୍ତି ଶକ୍ତିର ମାଧ୍ୟମ ନୁହେଁ, ବରଂ ସେବାର ମାଧ୍ୟମ — “ପାୱର ନୁହେଁ, ଏମ୍ପାୱର କରିବା।” ଏଆଇର ଦିଗ ମଧ୍ୟ ଏମିତି ହେବା ଉଚିତ ଯାହା

ସମଗ୍ର ମାନବଜାତିର କଲ୍ୟାଣ କରେ।

ପ୍ରଧାନମନ୍ତ୍ରୀ କହିଥିଲେ

ଯେ ଭାରତ ଗୌତମ ବୁଦ୍ଧଙ୍କ ଧରିତ୍ରୀ ଏବଂ ଭଗବାନ ବୁଦ୍ଧ କହିଥିଲେ, “ରାଇଟ୍ ଆକ୍ସନ୍ କମ୍ସ ଫ୍ରମ୍ ରାଇଟ୍

ଅଣ୍ଡରଷ୍ଟାଣ୍ଡିଂ।” ତେଣୁ ଆମେ ସମେତିକ ଭାବେ ଏକ ଏମିତି ରୋଡମ୍ୟାପ୍

ତିଆରି କରିବା ଆବଶ୍ୟକ, ଯାହା ଦ୍ୱାରା ଏଆଇର ସଠିକ୍ ପ୍ରଭାବ ପ୍ରକାଶ

ପାଉ। ଏହା ସେତେବେଳେ ସମ୍ଭବ, ଯେତେବେଳେ ଆମେ ସଠିକ୍ ସମୟରେ ସଠିକ୍

ଉଦ୍ଦେଶ୍ୟ ସହିତ ସଠିକ୍ ନିଷ୍ପତ୍ତି ନେଉଛୁ।

ବିଶ୍ୱବ୍ୟାପୀ ମହାମାରୀ କୋଭିଡର

ଉଦାହରଣ ଦେଇ ସେ କହିଥିଲେ ଯେ ଏହା ଦୁନିଆକୁ ବୁଝାଇଦେଲା ଯେ ଏକାସାଥିରେ ରହିଲେ ଅସମ୍ଭବକୁ ମଧ୍ୟ

ସମ୍ଭବ କରାଯାଇପାରେ। ଟୀକା ବିକାଶରୁ ଆରମ୍ଭ କରି ସପ୍ଲାଇ ଚେନ୍ ପର୍ଯ୍ୟନ୍ତ, ଡାଟା ଅଦଳବଦଳରୁ ଜୀବନ ବଞ୍ଚାଇବା ପର୍ଯ୍ୟନ୍ତ —

ସହଯୋଗ ହିଁ ସମାଧାନ ଦେଇଥିଲା। କୋଭିଡ୍ କାଳରେ ଭାରତରେ ଆମେ ଦେଖିଥିଲୁ ଯେ

ପ୍ରଯୁକ୍ତି କିପରି ମାନବତାର ସେବାର ମାଧ୍ୟମ ହୋଇପାରେ।

ପ୍ରଧାନମନ୍ତ୍ରୀ ସ୍ୱୀକାର

କରିଥିଲେ ଯେ ପୂର୍ବରୁ ପ୍ରଯୁକ୍ତି କେତେବେଳେ ଭେଦଭାବର କାରଣ ହୋଇଛି। ସେ କହିଥିଲେ ଯେ ଏବେ ଏଆଇ

ପ୍ରଯୁକ୍ତିକୁ ସମସ୍ତଙ୍କ ପାଇଁ ସୁଲଭ ଏବଂ ପହଞ୍ଚଗମ୍ୟ କରିବା ଦରକାର। ଆମକୁ ଏଆଇ ଶାସନ

ବ୍ୟବସ୍ଥାର କେନ୍ଦ୍ରବିନ୍ଦୁରେ ଗ୍ଲୋବାଲ୍ ସାଉଥ୍‌ର ଆକାଙ୍କ୍ଷା ଓ ପ୍ରାଥମିକତାକୁ ମଧ୍ୟ ସ୍ଥାନ

ଦେବା ଆବଶ୍ୟକ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା