ନୂଆଦିଲ୍ଲୀ, ୧୯ ଫେବୃଆରୀ (ହି.ସ.)- କେନ୍ଦ୍ର କୃଷି, କୃଷକ କଲ୍ୟାଣ ଏବଂ ଗ୍ରାମୀଣ ବିକାଶ ମନ୍ତ୍ରୀ ଶିବରାଜ ସିଂହ ଚୌହାନ ଗୁରୁବାର କହିଛନ୍ତି ଯେ ସମସ୍ତ ମନ୍ତ୍ରଣାଳୟ କାର୍ଯ୍ୟକ୍ରମ ଏବେ ବୃକ୍ଷରୋପଣ ସହିତ ଆରମ୍ଭ ହେବ। କୃଷି ବିଶ୍ୱବିଦ୍ୟାଳୟରେ ସମାବର୍ତନ ଉତ୍ସବରେ ପ୍ରଥମେ ବୃକ୍ଷରୋପଣ କରାଯିବ, ଏବଂ ଛାତ୍ରଛାତ୍ରୀମାନଙ୍କୁ ଜୀବନସାରା ସେମାନଙ୍କ ଜନ୍ମଦିନରେ ଗଛ ଲଗାଇବା ପାଇଁ ପ୍ରତିଜ୍ଞା ନେବାକୁ କୁହାଯିବ।

କେଭିକେ, କୃଷି କଲେଜ ଏବଂ ଗବେଷଣା ସହିତ ଜଡିତ ଯେକୌଣସି କାର୍ଯ୍ୟକ୍ରମରେ ବୃକ୍ଷରୋପଣ ଏକ ବାଧ୍ୟତାମୂଳକ ପ୍ରାରମ୍ଭିକ ପଦକ୍ଷେପ ହେବ। ଦିନେ ଗୋଟିଏ ଗଛ ଲଗାଅ ପ୍ରତିଜ୍ଞାର ପାଂଚ ବର୍ଷ ପୂରଣ ଅବସରରେ ଗୁରୁବାର ପୁସାର ଏପି ସିନ୍ଦେ ହଲରେ ଆୟୋଜିତ ଏକ ସ୍ୱତନ୍ତ୍ର କାର୍ଯ୍ୟକ୍ରମରେ କେନ୍ଦ୍ରମନ୍ତ୍ରୀ ଶିବରାଜ ସିଂହ ଚୌହାନ ଉଦବୋଧନ ଦେଉଥିଲେ। ଏହି ଅବସରରେ ସାଧ୍ୱୀ ରୀତାମ୍ବର, ପରିବେଶବିତ୍ ଡକ୍ଟର ଅନିଲ ଜୋଶୀ, ଆଇସିଏଆର ମହାନିର୍ଦ୍ଦେଶକ ଡକ୍ଟର ଏମ୍‌.ଏଲ୍‌. ଜାଟ ଏବଂ ସାଧନା ସିଂହ ଉପସ୍ଥିତ ଥିଲେ।

------------------------------

---------------

ହିନ୍ଦୁସ୍ଥାନ ସମାଚାର / ଗଗନ