ଭୁବନେଶ୍ୱର, 19 ଫେବ୍ରୁଆରି (ହି.ସ.)- ସଡ଼କ ସୁରକ୍ଷା
ଦିଗରେ ଏନ୍ଏଚ୍ଏଆଇର ବଡ଼ ପଦକ୍ଷେପ। ୧୬ ନମ୍ବର ଜାତୀୟ ରାଜପଥରେ ପଳାଶୁଣିରୁ ରସୁଲଗଡ଼
ପର୍ଯ୍ୟନ୍ତ ୫୦୦ ମିଟର ଲମ୍ବା ଏକ ସ୍କାଇୱାକ୍ ନିର୍ମାଣ ହେବ। ଏହି ପ୍ରକଳ୍ପର ଆନୁମାନିକ ବ୍ୟୟ
ହେଉଛି ୨୦ କୋଟି ଟଙ୍କା। ଏହି ସ୍କାଇୱାକ୍ ପଥଚାରୀମାନଙ୍କୁ ବ୍ୟସ୍ତ ରାସ୍ତା ଅତିକ୍ରମ କରିବାରେ
ନିରାପଦ ଓ ସୁବିଧାଜନକ ପଥ ଯୋଗାଇ ଦେବ। ଏହା ଭଲ ଭାବେ ଆଲୋକିତ ହେବ ଏବଂ ବ୍ୟବହାର କରିବା ସହଜ
ହେବ। ଫଳରେ ଲୋକମାନେ ଭାରୀ ଯାନବାହନ ମଧ୍ୟରେ ଚାଲିବାକୁ ପଡ଼ିବ ନାହିଁ, ଯାହା ଦୁର୍ଘଟଣା ହ୍ରାସ କରିବ ଏବଂ ସମଗ୍ର
ଅଞ୍ଚଳରେ ସଡ଼କ ସୁରକ୍ଷା ବଢ଼ାଇବ। ପଥଚାରୀମାନଙ୍କୁ ରାସ୍ତା ଉପରେ ରଖିବା ଦ୍ୱାରା ତଳ ଦେଇ ଯାତାୟତ
ଅଧିକ ସୁଗମ ଓ ଦ୍ରୁତ ହେବ। ଏନ୍ଏଚ୍ଏଆଇ ପକ୍ଷରୁ କୁହାଯାଇଛି, ଏହି
ପ୍ରକଳ୍ପ ସଡ଼କ ସୁରକ୍ଷା ଉନ୍ନତି ଓ ଜନସାଧାରଣଙ୍କ ପାଇଁ ଉତ୍ତମ ସୁବିଧା ଯୋଗାଇବାର ଏକ ଅଂଶ।
ନିର୍ମାଣ କାର୍ଯ୍ୟ ଶୀଘ୍ର ଆରମ୍ଭ ହେବ। କାମ ସରିବା ପରେ ଏହି ସ୍କାଇୱାକ୍ ଭୁବନେଶ୍ୱରବାସୀଙ୍କ
ଦୈନନ୍ଦିନ ଯାତାୟତକୁ ଅଧିକ ନିରାପଦ ଓ ସହଜ କରିଦେବ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
