ନୂଆଦିଲ୍ଲୀ, 20 ଫେବ୍ରୁଆରି (ହି.ସ.)- ମହାରାଷ୍ଟ୍ରର

ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡଣବୀସ୍‌ ଶୁକ୍ରବାର କହିଛନ୍ତି ଯେ କୃତ୍ରିମ ବୁଦ୍ଧିମତା (ଏଆଇ)

ବିଶ୍ୱସନୀୟ ତଥ୍ୟ, ନୈତିକ

ଶାସନ ଏବଂ ସାର୍ବଜନୀନ ଜବାବଦେହିତା ଉପରେ ଆଧାରିତ ହେବା ଉଚିତ। ଭାରତ ମଣ୍ଡପମ୍‌ରେ ଆୟୋଜିତ ଏଆଇ

ଶିଖର ସମ୍ମେଳନରେ “ଏଆଇ ମିଟ୍ସ ଏଗ୍ରିକଲ୍ଚର୍: ବିଲ୍ଡିଂ ଫୁଡ୍ ସିକ୍ୟୁରିଟି ଏଣ୍ଡ କ୍ଲାଇମେଟ୍ ରେଜିଲିଏନ୍ସ” ବିଷୟକ ବିଶେଷ ଅଧିବେଶନରେ ସେ ଏହି କଥା କହିଛନ୍ତି।

ସେ କହିଛନ୍ତି,

“ଏଆଇର ସଫଳତା ତାହାର ‘ଜାଦୁ’ରେ ନୁହେଁ, ବରଂ ତାହାର ନୈତିକତାରେ ରହିଛି।” ସେ ଆହୁରି କହିଥିଲେ ଯେ ଭାରତର ଏଆଇ ମିଶନ୍‌ ପ୍ରଯୁକ୍ତିର ବ୍ୟବହାର

ମାଧ୍ୟମରେ ପାରଦର୍ଶିତା, ସମାବେଶିତା ଏବଂ ବ୍ୟାପକ ପହଞ୍ଚ ସୁନିଶ୍ଚିତ କରିବାକୁ ଲକ୍ଷ୍ୟ ରଖିଛି। କୃଷିକୁ ଏହି ଏଆଇ

ମିଶନ୍‌ର କେନ୍ଦ୍ରସ୍ଥାନରେ ରଖିବା ଉଚିତ, କାରଣ ଆଜି ପ୍ରାୟ ୫ କୋଟି ଭାରତୀୟ ସିଧାସଳଖ କିମ୍ବା ପରୋକ୍ଷ ଭାବରେ

କୃଷି ଉପରେ ନିର୍ଭର କରୁଛନ୍ତି। ଛୋଟ ଚାଷୀମାନଙ୍କ ପାଇଁ ଏଆଇ ଅତ୍ୟନ୍ତ ସ୍ଥାନୀୟ ଆବହାବାଣୀ

ପୂର୍ବାନୁମାନ, କୀଟ

ନିୟନ୍ତ୍ରଣ ଏବଂ ସଠିକ୍ ଜଳସେଚନ ମାଧ୍ୟମରେ ଚାଷର ଚିତ୍ରକୁ ପରିବର୍ତ୍ତନ କରିପାରିବ।

କେନ୍ଦ୍ରୀୟ କୃଷି ଏବଂ

କୃଷକ କଲ୍ୟାଣ ମନ୍ତ୍ରାଳୟର ସଚିବ ଦେବେଶ ଚତୁର୍ବେଦୀ କହିଛନ୍ତି ଯେ କେନ୍ଦ୍ର ସରକାର ଏକ ଏକୀକୃତ

ଏଆଇ-ଚାଳିତ ପ୍ଲାଟଫର୍ମ ଉନ୍ନତ କରୁଛି। ‘ମହାବିସ୍ତାର’ ପରି ପ୍ଲାଟଫର୍ମର ଉଲ୍ଲେଖ କରି ସେ କହିଥିଲେ ଯେ ଏବେ ଚାଷୀମାନେ

ସାଧାରଣ ତଥ୍ୟ ପରିବର୍ତ୍ତେ ତାଙ୍କ ‘କିସାନ ଆଇଡି’ ଆଧାରରେ ତାଙ୍କ ଜମି ଏବଂ ଫସଲ ପାଇଁ ନିର୍ଦ୍ଦିଷ୍ଟ ପରାମର୍ଶ

ପାଇପାରିବେ, ଯାହା

କେବଳ ଗୋଟିଏ ବଟନ୍ କିମ୍ବା ଧ୍ୱନି ମାଧ୍ୟମରେ ଉପଲବ୍ଧ ହେବ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା