କଚ୍ଛାର (ଆସାମ), ୨୦ ଫେବୃୟାରୀ (ହି.ସ.) – କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଶୁକ୍ରବାର ଦିନ କଛାର ଜିଲ୍ଲାର ଭାରତ-ବାଂଲାଦେଶ ସୀମନ୍ତ ନାଥୁନପୁରରେ ଭାଇବ୍ରାଂଟ ଗ୍ରାମ କାର୍ଯ୍ୟକ୍ରମ-୨ର ଶୁଭାରମ୍ଭ କରିଛନ୍ତି । ଏହି ଅବସରକୁ ଏହି ଅଂଚଳ ପାଇଁ ଏକ ଐତିହାସିକ ମୁହୂର୍ତ ବୋଲି ଅଭିହିତ କରି ସେ କହିଛନ୍ତି ଯେ, ସୀମାନ୍ତ ଗ୍ରାମ ଗୁଡ଼ିକ ଏବେ ଦେଶର ବିକାଶର ନୂତନ କେନ୍ଦ୍ର ହେବ । ଏହି କାର୍ଯ୍ୟକ୍ରମରେ ଆସାମ ମୁଖ୍ୟମନ୍ତ୍ରୀ ଡକ୍ଟର ହିମନ୍ତ ବିଶ୍ୱଶର୍ମା ମଧ୍ୟ ଉପସ୍ଥିତ ଥିଲେ । ମୁଖ୍ୟମନ୍ତ୍ରୀ ସୀମାନ୍ତ ଗ୍ରାମ ଗୁଡ଼ିକୁ ଜାତିର ପ୍ରଥମ ଗ୍ରାମର ଏକ ନୂତନ ପରିଚୟ ଦେବା ବିଷୟରେ କହିଥିଲେ ।

କେନ୍ଦ୍ର ଗୃହମନ୍ତ୍ରୀଙ୍କ ସହ ମୁଖ୍ୟମନ୍ତ୍ରୀ ଆସାମ ରାଜ୍ୟ ଗ୍ରାମୀଣ ଜୀବିକା ମିଶନ ଅଧିନରେ ସ୍ଥାପିତ ୨୦ଟି ସ୍ୱୟଂ ସହାୟକ ଗୋଷ୍ଠୀର ଷ୍ଟଲ ପରିଦର୍ଶନ କରିଥିଲେ ଏବଂ ମହିଳା ଉଦ୍ୟୋଗୀମାନଙ୍କ ସହିତ ଆଲୋଚନା କରିଥିଲେ । ଏହି ଷ୍ଟଲ ଗୁଡ଼ିକରେ ସ୍ଥାନୀୟ ହସ୍ତଶିଳ୍ପ, ବସ୍ତ୍ର ଏବଂ ଅନ୍ୟାନ୍ୟ ଉତ୍ପାଦ ପ୍ରଦର୍ଶିତ ହୋଇଥିଲା । ମୁଖ୍ୟମନ୍ତ୍ରୀ କହିଛନ୍ତି ଯେ, ଏହି ପଦକ୍ଷେପ ବାରାକ ଉପତ୍ୟାକାର ମହିଳାମାନଙ୍କ ମଧ୍ୟରେ ବଢ଼ୁଥିବା ଅତ୍ମନିର୍ଭରଶୀଳତର ଭାବନାକୁ ପ୍ରତିଫଳିତ କରେ ଏବଂ ଗ୍ରାମୀଣ ଜୀବିକାକୁ ସୁଦୃଢ଼ କରିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ।

ହିନ୍ଦୁସ୍ଥାନ ସମାଚାର / ଭାନୁ ଚରଣ