ଭିଣ୍ଡ, ୨୧ ଫେବ୍ରୁଆରି (ହି.ସ.) – ଶନିବାର ପ୍ରତ୍ୟୁଷରେ ମଧ୍ୟପ୍ରଦେଶର ଭିଣ୍ଡ ଜିଲ୍ଲାର ଜାତୀୟ ରାଜପଥ-୭୧୯ ର ଗୋହଦ ଥାନା ଅଂଚଳର ଛିମକା ଗ୍ରାମ ନିକଟରେ ଏକ ଦ୍ରୁତଗାମୀ ବସ୍ ଏବଂ ଏକ ଇକୋ ଭ୍ୟାନ ମଧ୍ୟରେ ମୁହାଁମୁହିଁ ଧକ୍କା ହେବା ଫଳରେ ପାଂଚ ଜଣଙ୍କର ମୃତ୍ୟୁ ଘଟିଛି ଏବଂ ଛଅ ଜଣ ଗୁରୁତର ଆହତ ହୋଇଛନ୍ତି । ପୋଲିସର ସୂଚନା ଅନୁଯାୟୀ, ଭିଣ୍ଡରେ ବିବାହ ଶୋଭାଯାତ୍ରା ଛାଡ଼ିବା ପରେ ଏକ ଦ୍ରୁତଗାମୀ ବସ୍ ଗ୍ୱାଲିୟର ଫେରୁଥିଲା ।

ଏହି ସମୟରେ ଶନିବାର ଭୋର ୪ଟାରେ ଭିଣ୍ଡ-ଗ୍ୱାଲିୟର ରାଜପଥର ଛିମକା ଗାଁ ନିକଟରେ ବସ୍ଟି ସାମ୍ନାପଟୁ ଆସୁଥିବା ଏକ ଭ୍ୟାନ ସହିତ ଧକ୍କା ଦେଇଥିଲା । ଧକ୍କା ଏତେ ଜୋରରେ ଥିଲା ଯେ, ଭ୍ୟାନଟି ସମ୍ପୂର୍ଣ୍ଣ ନଷ୍ଟ ହୋଇଯାଇଥିଲା ଏବଂ ଯାତ୍ରୀମାନେ ଭିତରେ ଫସି ରହିଥିଲେ ।

ଦୁର୍ଘଟଣା ସମ୍ପର୍କରେ ସୂଚନା ପାଇବା ମାତ୍ରେ ଗୋହଦ ଚୌରାହା ପୋଲିସ ଘଟଣାସ୍ଥଳରେ ପହଂଚି ସ୍ଥାନୀୟ ଲୋକଙ୍କ ସହାୟତାରେ ରିଲିଫ ଏବଂ ଉଦ୍ଧାର କାର୍ଯ୍ୟ ଆରମ୍ଭ କରିଥିଲା । ଭ୍ୟାନରେ ଥିବା ଚାରି ଜଣଙକର ଘଟଣାସ୍ଥଳରେ ମୃତ୍ୟୁ ହୋଇଥିବା ବେଳେ ଅନ୍ୟ ସାତ ଜଣ ଆହତ ହୋଇଥିଲେ । ପୋଲିସ ଆହତମାନଙ୍କୁ ହସ୍ପିଟାଲକୁ ସ୍ଥାନାନ୍ତର କରିବାକୁ ଚେଷ୍ଟା କରିଥିଲେ, କିନ୍ତୁ ବାଟରେ ଜଣଙ୍କର ମୃତ୍ୟୁ ହୋଇଥିଲା । ବାକି ଛଅ ଜଣ ଆହତଙ୍କୁ ଆମ୍ବୁଲାନ୍ସ ଯୋଗେ ଗୋହଦର ଏକ ହସ୍ପିଟାଲକୁ ନିଆଯାଇଥିଲା, ଯେଉଁଠାରେ ପ୍ରାଥମିକ ଚିକିତ୍ସା ପରେ ସେମାନଙ୍କୁ ଗ୍ୱାଲିୟରକୁ ରେଫର କରାଯାଇଥିଲା । ସେମାନଙ୍କର ଜୟାରୋଗ୍ୟ ହସ୍ପିଟାଲରେ ଚିକିତ୍ସା ଚାଲିଛି ।

ହିନ୍ଦୁସ୍ଥାନ ସମାଚାର / ଭାନୁ ଚରଣ