ନୂଆଦିଲ୍ଲୀ, ୨୧ ଫେବୃଆରୀ (ହି.ସ.)- ଅଖିଳ ଭାରତ ବନବାସୀ କଲ୍ୟାଣ ଆଶ୍ରମ (ଏବିବିକେଏ) ସାରା ଦେଶରେ ଆଦିବାସୀ ସଶକ୍ତିକରଣ ଏବଂ ଗ୍ରାମୀଣ ବିକାଶକୁ ପ୍ରୋତ୍ସାହିତ କରିବା ପାଇଁ ଏକ ଐତିହାସିକ ସର୍ବଭାରତୀୟ ବୁଝାମଣାପତ୍ର (ଏମଓୟୁ) ସ୍ୱାକ୍ଷର କରିଛି । ଏହି ପଦକ୍ଷେପ ଅଧୀନରେ, ୫୨,୦୦୦ ଗାଁରେ ବ୍ୟବସ୍ଥିତ ଏବଂ ପ୍ରଭାବଶାଳୀ ବିକାଶ କାର୍ଯ୍ୟକ୍ରମ କାର୍ଯ୍ୟକାରୀ କରାଯିବ । ଏହି ଜାତୀୟ ପଦକ୍ଷେପ ଆଦିବାସୀ ଏବଂ ଗ୍ରାମୀଣ କ୍ଷେତ୍ରରେ ସ୍ଥାୟୀ ବିକାଶ, ସାମାଜିକ ଅନ୍ତର୍ଭୁକ୍ତି ଏବଂ ସାଂସ୍କୃତିକ ସଂରକ୍ଷଣ ପାଇଁ ଏକ ନୂତନ ପ୍ରେରଣା ପ୍ରଦାନ କରିବ ।

ଏହି ଐତିହାସିକ ବୁଝାମଣାପତ୍ର ସମାରୋହରେ ବନବାସୀ କଲ୍ୟାଣ ଆଶ୍ରମର ସାଧାରଣ ସମ୍ପାଦକ ଯୋଗେଶ ଶ୍ରୀଧର ବାପଟ, ଅଣ୍ଡର ଟ୍ରାଏଲ୍ ୱେଲଫେୟାର ଆସୋସିଏସନ୍ (ୟୁଟିଡବ୍ଲ୍ୟୁଏ)ର ସଭାପତି ଦିଗନ୍ତ ଶର୍ମା, ସୌଭାଗ୍ୟ ଯୋଗ ସାଧନା ଫାଉଣ୍ଡେସନ୍ (ଏସୱାଇଏସଏଫ)ର ପ୍ରତ୍ୟୁଷ ଶର୍ମା, ଭାରତ ଟିକସଦାତା ପ୍ଲାଟଫର୍ମ ଫାଉଣ୍ଡେସନର ସିଏ ରବିନ୍ଦ୍ର ତୁରାଖିଆ ଏବଂ ଟୋରସ୍ ସୋସିଆଲ ଫାଉଣ୍ଡେସନ୍ (ଟିଏସଏଫ)ର ବିଶ୍ୱାସ ଜାଧବ ଉପସ୍ଥିତ ଥିଲେ ।

ଏହି ଅବସରରେ ଉପସ୍ଥିତ ପ୍ରତିନିଧିମାନେ କହିଥିଲେ ଯେ ଭାରତର ଆତ୍ମା ଏହାର ଜନଜାତୀୟ ସମାଜରେ ବାସ କରେ । ଏହି ବୁଝାମଣାପତ୍ର କେବଳ କାଗଜ ଖଣ୍ଡ ନୁହେଁ, ବରଂ ସମ୍ମାନ, ଅଂଶଗ୍ରହଣ ଏବଂ ଦୀର୍ଘକାଳୀନ ପ୍ରତିବଦ୍ଧତାର ପ୍ରତୀକ । ଏହି ସହଭାଗୀତା ୧୫ ବର୍ଷର ଦୀର୍ଘକାଳୀନ ଯୋଜନା ଅଧୀନରେ ଆଦିବାସୀ ଏବଂ ଗ୍ରାମାଚଂଳରେ ସ୍ଥାୟୀ ପରିବର୍ତନ ଆଣିବାର ଲକ୍ଷ୍ୟ ରଖିଛି । ବୁଝାମଣାପତ୍ର ଏକ ଦୃଢ଼ କାର୍ଯ୍ୟାନ୍ୱୟନ ଢାଂଚା ସ୍ଥାପନ କରେ ଯାହା ସ୍ଥାନୀୟ କାର୍ଯ୍ୟକଳାପକୁ ଜାତୀୟ ରଣନୀତି ଏବଂ ସମ୍ବଳ ସହିତ ସଂଯୋଗ କରେ ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ