ବାଗଲକୋଟ, ୨୧ ଫେବୃଆରୀ (ହି.ସ.)- ଶନିବାର ଭୋର୍ ସମୟରେ କର୍ଣ୍ଣାଟକର ବାଗଲକୋଟ ଜିଲ୍ଲାର ଜାମଖଣ୍ଡି ତାଲୁକାର କଟ୍ଟେ କେରେ ନିକଟରେ ଏକ ଭୟଙ୍କର ଦୁର୍ଘଟଣାରେ ଜଣେ ଦୁଇ ବର୍ଷର ଶିଶୁ ସମେତ ଚାରି ଜଣଙ୍କର ମୃତ୍ୟୁ ହୋଇଛି । ଅନ୍ୟ ଆଠ ଜଣ ଆହତ ହୋଇଛନ୍ତି ଏବଂ ସେମାନଙ୍କୁ ନିକଟସ୍ଥ ହସ୍ପିଟାଲରେ ଭର୍ତି କରାଯାଇଛି ।

ରିପୋର୍ଟ ଅନୁଯାୟୀ, ଆଖୁ ଅମଳ ପାଇଁ ଶ୍ରମିକମାନଙ୍କୁ ନେଇ ଯାଉଥିବା ଏକ ଟ୍ରାକ୍ଟର-ଟ୍ରଲି ହଠାତ୍ ଅଲଗା ହୋଇ ଓଲଟି ପଡ଼ିଥିଲା, ଯାହା ଫଳରେ ଦୁର୍ଘଟଣା ଘଟିଥିଲା । ଦୁର୍ଘଟଣାଟି ପ୍ରାୟ ରାତି ୨ଟା ସମୟରେ ଘଟିଥିବା ଜଣାପଡ଼ିଛି । ମୃତକଙ୍କ ନାମ ମନୀଷ ପାଣ୍ଡେ (୨୩), ହଲକି ପାଣ୍ଡେ (୨), ଲକ୍ଷ୍ମୀ ଚିରମଡି (୨୭) ଏବଂ ରେଖା ଭୁକେ । ସମସ୍ତ ମୃତକ ମହାରାଷ୍ଟ୍ରର ୟବତମାଲ ଜିଲ୍ଲା ବୁସା ତହସିଲ ଅନ୍ତର୍ଗତ ଗୁପୱାଡି ଗ୍ରାମର ବାସିନ୍ଦା ଥିଲେ । ସେମାନେ ଆଖୁ ଅମଳ କାର୍ଯ୍ୟ ପାଇଁ ଜାମଖଣ୍ଡି ଅଂଚଳକୁ ଆସିଥିଲେ । ଘଟଣା ସମ୍ପର୍କରେ ସୂଚନା ପାଇବା ପରେ, ଜାମଖଣ୍ଡି ପୋଲିସ ଘଟଣାସ୍ଥଳରେ ପହଂଚି ଯାଂଚ୍ କରିଛି । ପୋଲିସ ଏକ ମାମଲା ରୁଜୁ କରି ଅଧିକ ତଦନ୍ତ ଆରମ୍ଭ କରିଛି ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ