ତିରୁପ୍ପୁର,୨୧ ଫେବୃଆରୀ(ହି.ସ.) – ତାମିଲନାଡ଼ୁର ତିରୁପ୍ପୁର ଜିଲ୍ଲାରେ ଆତଙ୍କବାଦୀ ସଂଗଠନ ସମର୍ଥନରେ ସୋସିଆଲ୍ ମିଡିଆରେ ଗତିବିଧିରେ ସାମିଲ୍ ହେବା ଅଭିଯୋଗରେ ଦିଲ୍ଲୀ ପୋଲିସ୍ ୬ ବଙ୍ଗଳାଦେଶୀ ନାଗରିକଙ୍କୁ ଗିରଫ କରିଛି। ଏହି କାର୍ଯ୍ୟାନୁଷ୍ଠାନ ନୂଆଦିଲ୍ଲୀର ଲାଲ୍କିଲ୍ଲା ବିସ୍ଫୋରଣ ମାମଲାରେ ଯୋଡ଼ିଥିବା ଆତଙ୍କବାଦୀଙ୍କ ସମର୍ଥନରେ କରାଯାଇଥିବା ସୋସିଆଲ ମିଡିଆ ପୋଷ୍ଟର ଯାଂଚ ସମୟରେ କରାଯାଇଛି।

ଦିଲ୍ଲୀ ପୋଲିସ୍ ଟିମ୍ ତିରୁପ୍ପୁର ଜିଲ୍ଲାରେ ଅଚାନକ ଚଢ଼ାଉ କରି ଉଥୁକୁଲୀରୁ ୨ ପଲ୍ଲଡମରୁ ୩ ଏବଂ ତିରୁମୁରୁଗନପୁଣ୍ଡିରୁ ଜଣକୁ ଗିରଫ କରିଛି। ସମସ୍ତ ଅଭିଯୁକ୍ତଙ୍କୁ ହାଜତରେ ନେଇ ନିକଟସ୍ଥ ଥାନାରେ ପଚରାଉଚୁରା କରାଯାଉଛି। ସ୍ଥାନୀୟ ପୋଲିସ୍ ଅଧିକାରୀମାନେ ମଧ୍ୟ ଏହି କାର୍ଯ୍ୟାନୁଷ୍ଠାନକୁ ସ୍ପଷ୍ଟ କରିଛନ୍ତି।

ପୋଲିସ୍ ଅନୁଯାୟୀ, ନୂଆଦିଲ୍ଲୀ ସ୍ଥିତ ଲାଲ୍କିଲ୍ଲାରେ ହୋଇଥିବା ବିସ୍ଫୋରଣ ସହିତ ଯୋଡ଼ିଥିବା ଆତଙ୍କବାଦୀମାନଙ୍କ ସମର୍ଥନରେ ସୋସିଆଲ ମିଡିଆରେ କିଛି ଲୋକଙ୍କ ଦ୍ୱାରା ଟିପ୍ପଣୀ କରାଯିବାର ଅଭିଯୋଗ ମିଳିଥିଲା। ଏହି ଆଧାରରେ ଦିଲ୍ଲୀ ପୋଲିସ୍ ମାମଲା ରୁଜୁ କରି ଯାଂଚ ଆରମ୍ଭ କରିଛି। ଯାଂଚ ସମୟରେ ଜଣାପଡ଼ିଛି ଯେ ତାମିଲନାଡ଼ୁର ତିରୁପ୍ପୁର ଜିଲ୍ଲାରୁ ପାକିସ୍ତାନରୁ ଯୋଡ଼ିଥିବା ଆତଙ୍କବାଦୀଙ୍କ ସମର୍ଥନରେ ସୋସିଆଲ ମିଡିଆରେ ପୋଷ୍ଟ କରାଯାଇଥିଲା। ଟେକ୍ନିକ ଯାଂଚ ପରେ ପୋଲିସ୍ ସମ୍ବନ୍ଧିତ ସ୍ଥାନର ପରିଚୟ କରିଛନ୍ତି ଏବଂ ତିରୁପ୍ପୁର ପହଂଚି କାର୍ଯ୍ୟାନୁଷ୍ଠାନ କରିଛନ୍ତି।

ପୋଲିସ୍ ଯାଂଚରୁ ଆଗକୁ ଆସିଛି ଯେ ଗିରଫ ସମସ୍ତ ୬ ଅଭିଯୁକ୍ତ ବଙ୍ଗଳାଦେଶୀ ନାଗରିକ ଅଟନ୍ତି ଏବଂ ବିନା ବୈଧ ପାସପୋର୍ଟ ଏବଂ କାଗଜପତ୍ରର ଅବୈଧ ରୂପେ ଭାରତରେ ରହୁଥିଲେ। ତାଙ୍କ ପାଖରୁ ୮ ମୋବାଇଲ୍ ଫୋନ୍ ଏବଂ ୧୬ ସିମ୍ କାର୍ଡ଼ ମଧ୍ୟ ଜବତ କରାଯାଇଛି।

ହିନ୍ଦୁସ୍ଥାନ ସମାଚାର/ବୀଣାପାଣି

.......................................

ହିନ୍ଦୁସ୍ଥାନ ସମାଚାର / ବୀଣାପାଣି