ପଶ୍ଚିମ ସିଂହଭୂମୀ, 01 ମାର୍ଚ୍ଚ (ହି.ସ.)- ଝାରଖଣ୍ଡର

ପଶ୍ଚିମ ସିଂହଭୂମ ଜିଲ୍ଲାର ସାରଣ୍ଡା ଜଙ୍ଗଲରେ ନକ୍ସଲମାନଙ୍କ ବିରୋଧରେ ଚାଲୁଥିବା ଅଭିଯାନ

ସମୟରେ ଆଜି ସକାଳେ ଏକ ଆଇଇଡି ବିସ୍ଫୋରଣରେ ୨୦୯ କୋବ୍ରା ବଟାଲିଅନ୍ର ସହାୟକ କମାଣ୍ଡାଣ୍ଟ ଅଜୟ

ମଲିକ ଗୁରୁତର ଆହତ ହୋଇଛନ୍ତି। ବିସ୍ଫୋରଣ ଏତେ ଭୟଙ୍କର ଥିଲା ଯେ ତାହାର ଶବ୍ଦ ଦୂରଦୂରନ୍ତରେ

ଶୁଣିବାକୁ ମିଳିଥିଲା। ଏହି ଘଟଣାର ସୂଚନା ପଶ୍ଚିମ ସିଂହଭୂମର ଏସ୍ପି ଅମିତ ରେଣୁ ଦେଇଛନ୍ତି।

ସୁରକ୍ଷା ବଳକୁ ସାରଣ୍ଡା ବନ

ଅଞ୍ଚଳରେ ନକ୍ସଲବାଦୀମାନଙ୍କ ଉପସ୍ଥିତି ସମ୍ପର୍କରେ ଗୁପ୍ତ ସୂଚନା ମିଳିଥିଲା। ଏହି ସୂଚନା

ଆଧାରରେ ୨୦୯ କୋବ୍ରା ବଟାଲିଅନ୍ ଏବଂ ଜିଲ୍ଲା ପୁଲିସର ଯୁକ୍ତ ଦଳ ସର୍ଚ୍ଚ ଅପରେସନ୍ ପାଇଁ

ଜଙ୍ଗଳକୁ ଯାଇଥିଲା। ଦଳଟି ଦୁର୍ଗମ ଏବଂ ଘନ ଅଞ୍ଚଳ ମଧ୍ୟରୁ ଯାଉଥିବାବେଳେ ମାଟି ତଳେ

ପ୍ରତ୍ୟାରୋପିତ ପ୍ରେସର ଆଇଇଡି ହଠାତ୍ ବିସ୍ଫୋରଣ ଘଟାଇଲା। ବିସ୍ଫୋରଣର ଆଘାତରେ ସହାୟକ

କମାଣ୍ଡାଣ୍ଟ ଅଜୟ ମଲିକ ଗୁରୁତର ଭାବେ ଆହତ ହୋଇଛନ୍ତି।

ଅନ୍ୟ ଜୱାନମାନେ ମୋର୍ଚ୍ଚା

ସମ୍ଭାଳି ସମଗ୍ର ଅଞ୍ଚଳକୁ ଘେରାବନ୍ଦୀ କରି ସର୍ଚ୍ଚ ଅଭିଯାନକୁ ତୀବ୍ର କରିଥିଲେ। ସମ୍ଭାବ୍ୟ

ଯେକୌଣସି ବିପଦକୁ ଦୃଷ୍ଟିରେ ରଖି ଅତିରିକ୍ତ ସୁରକ୍ଷା ବଳକୁ ମଧ୍ୟ ଡକାଯାଇଥିଲା। ବରିଷ୍ଠ

ଅଧିକାରୀମାନେ ଏବଂ ପୁଲିସ ମୁଖ୍ୟାଳୟକୁ ତତକ୍ଷଣାତ୍ ସୂଚନା ଦିଆଯାଇଥିଲା।

ଗୁରୁତର ଆହତ ସହାୟକ

କମାଣ୍ଡାଣ୍ଟ ଅଜୟ ମଲିକଙ୍କୁ ତୁରନ୍ତ ଘଟଣାସ୍ଥଳରୁ ସୁରକ୍ଷିତ ଭାବେ ବାହାର କରି ପ୍ରାଥମିକ

ଚିକିତ୍ସା ଦିଆଯାଇଥିଲା। ତାଙ୍କ ଅବସ୍ଥା ଗୁରୁତର ଥିବାରୁ ଅଧିକ ଚିକିତ୍ସା ପାଇଁ ତାଙ୍କୁ

ରାଞ୍ଚୀକୁ ଏୟାରଲିଫ୍ଟ କରାଯାଇଛି। ଏସ୍ପି ଅମିତ ରେଣୁ କହିଛନ୍ତି ଯେ, ନକ୍ସଲମାନଙ୍କ ବିରୋଧରେ ଅଭିଯାନ ଜାରି ରହିଛି ଏବଂ ସମଗ୍ର ଅଞ୍ଚଳରେ

ସୁରକ୍ଷା ବ୍ୟବସ୍ଥାକୁ କଡ଼ା କରାଯାଇଛି।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା