ଜୟପୁର, ୧୭ ମାର୍ଚ୍ଚ (ହି.ସ.)-ନାବାଳିକାକୁ ଦୁଷ୍କର୍ମ କରିଥିବା ଅଭିଯୋଗରେ ଅଭିଯୁକ୍ତକୁ ଗିରଫ କରିଛି ଜୟପୁର ମହିଳା ଥାନା ପୋଲିସ l ଗିରଫ ଅଭିଯୁକ୍ତ ଜଣକ ହେଲା ବାଟବାଇଗୁଡା ଗ୍ରାମର ଯୁଧିଷ୍ଠିର ଗୌଡ଼ l ସୂଚନା ଅନୁଯାୟୀ, ୨୦.୦୯.୨୦୨୫ ତାରିଖରେ ଲିଖିତ ଅଭିଯୋଗ ହୋଇଥିଲା ଯେ, ଗତ ଏକ ବର୍ଷ ତଳେ ଗଣେଶ ପୂଜା ସମୟରେ ତାଙ୍କ ୧୩ ବର୍ଷ ବୟସର ନାବାଳିକା ଝିଅର ବୟାନ ଅନୁଯାୟୀ, ବାଟବାଇଗୁଡ଼ା ଗ୍ରାମର ଜଣେ ଅଭିଯୁକ୍ତ ଯୁଧିଷ୍ଟିର ଗୌଡ଼ ତାଙ୍କ ଗାଁକୁ ଆସିଥିଲେ ଏବଂ ତାଙ୍କ ଝିଅ ସହ ଦେଖା ହୋଇଥିଲା ଏବଂ ତାଙ୍କୁ ଭଲ ପାଉଥିଲେ ବୋଲି କହିଥିଲେ ଏବଂ ପରସ୍ପର ସହିତ କଥା ହୋଇଥିଲେ। ଦୁଇ ଦିନ ପରେ ଯୁଧିଷ୍ଟିର ପୁଣି ତାଙ୍କ ଗାଁକୁ ଆସିଥିଲେ ଏବଂ ତାଙ୍କ ଝିଅକୁ ଡାକି ତାଙ୍କ ଗାଁ ନିକଟସ୍ଥ ମନ୍ଦିରକୁ ନେଇ ଯୌନ ନିବେଦନ କରିଥିଲେ ଯେତେବେଳେ ତାଙ୍କୁ ମନା କରାଯାଇଥିଲା l ତାହାକୁ ନମାନି ଦୁଷ୍କର୍ମ କରିଥିଲେ l ଏହା ପରେ ଯୁଧିଷ୍ଟିର ତାଙ୍କ ଗାଁକୁ ଅନେକ ଥର ଆସିଥିଲେ ଏବଂ ତାଙ୍କ ଝିଅ ସହିତ ଶାରୀରିକ ସମ୍ପର୍କ ରଖିଥିଲେ। ଏନେଇ ନାବାଳିକା ଜଣକ ପରିବାର ଲୋକଙ୍କୁ ସବୁ କଥା ଜଣାଇଥିଲେ l ଗାଁରେ ଏକ ଗ୍ରାମସଭା ହୋଇଥିଲା, ଯେଉଁଠାରେ ଅଭିଯୁକ୍ତ ଯୁଧିଷ୍ଟିର ତାଙ୍କ ଝିଅକୁ ନେବାକୁ ମନା କରିଥିଲେ। ଏନେଇ ଅଭିଯୋଗ ହେବା ପରେ ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା। ତଦନ୍ତରେ ଜାଣି ପୋଲିସ ଅଭିଯୁକ୍ତକୁ ଗିରଫ କରି କୋର୍ଟଚାଲାଣ କରିଥିବା ପୋଲିସ ତରଫରୁ ସୂଚନା ଦିଆଯାଇଛି l

ହିନ୍ଦୁସ୍ଥାନ ସମାଚାର / ପିକେପି