ଡେରାଡୁନ, 17 ମାର୍ଚ୍ଚ (ହି.ସ.)- ଉତ୍ତରାଖଣ୍ଡର

ଆସନ୍ତା ଚାରଧାମ ଯାତ୍ରାକୁ ଦୃଷ୍ଟିରେ ରଖି ବଦ୍ରିନାଥ-କେଦାରନାଥ ମନ୍ଦିର ସମିତି (ବିକେଟିସି)

ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି। ଏହି ବର୍ଷ ଯାତ୍ରା ପାଇଁ ଏପର୍ଯ୍ୟନ୍ତ 6 ଲକ୍ଷରୁ

ଅଧିକ ଭକ୍ତ ପଂଜିକରଣ କରିସାରିଛନ୍ତି। ବର୍ତ୍ତମାନ ମନ୍ଦିର ପରିସରରେ ନିର୍ଦ୍ଧାରିତ ଦୂରତା

ପର୍ଯ୍ୟନ୍ତ ମୋବାଇଲ ଫୋନ ବ୍ୟବହାରରେ ପ୍ରତିବନ୍ଧକ ରହିବ। ଏହା ସହିତ ରିଲ୍, ଫଟୋଗ୍ରାଫି ଓ ଭିଡିଓଗ୍ରାଫି ଉପରେ ନିୟନ୍ତ୍ରଣ ପାଇଁ ମାନକ

କାର୍ଯ୍ୟପ୍ରଣାଳୀ (ଏସଓପି) ପ୍ରସ୍ତୁତ କରାଯାଉଛି।

ବିକେଟିସିର

ଅଧ୍ୟକ୍ଷ ହେମନ୍ତ ଦ୍ୱିବେଦୀ ମଙ୍ଗଳବାର ଡେରାଡୁନରେ ଆୟୋଜିତ ଏକ ସାମ୍ବାଦିକ ସମ୍ମେଳନରେ କହିଛନ୍ତି

ଯେ ଆସନ୍ତା ଚାରଧାମ ଯାତ୍ରା ପାଇଁ ପ୍ରସ୍ତୁତିକୁ ଅନ୍ତିମ ରୂପ ଦେବା କାମ ଆରମ୍ଭ ହୋଇଯାଇଛି।

ସମ୍ପ୍ରତି ସମ୍ପନ୍ନ ହୋଇଥିବା ବୈଠକରେ ଧାମମାନଙ୍କରେ ଅ-ସନାତନୀଙ୍କ ପ୍ରବେଶ ଉପରେ ପ୍ରତିବନ୍ଧ

ଲାଗୁ କରିବା ପ୍ରସ୍ତାବ ପାସ୍ କରାଯାଇଛି। ସେ କହିଥିଲେ ଯେ ବ୍ୟବସ୍ଥାମାନେ ଆଦି

ଶଙ୍କରାଚାର୍ଯ୍ୟଙ୍କ ପରମ୍ପରା ଏବଂ ଧାମମାନଙ୍କର ଧାର୍ମିକ ମର୍ଯ୍ୟାଦା ଅନୁସାରେ ପ୍ରସ୍ତୁତ

କରାଯାଉଛି।

ସେ କହିଛନ୍ତି ଯେ 6

ରୁ 16 ମାର୍ଚ୍ଚ ମଧ୍ୟରେ ଦୁଇ ସପ୍ତାହରେ ମୋଟ 6,17,853 ଭକ୍ତ ପଂଜିକରଣ

କରିଛନ୍ତି। ଏଥିରେ କେଦାରନାଥ ପାଇଁ 2,06,622, ବଦ୍ରିନାଥ ପାଇଁ 1,82,212, ଗଙ୍ଗୋତ୍ରୀ ପାଇଁ 1,15,763 ଏବଂ

ଯମୁନୋତ୍ରୀ ପାଇଁ 1,13,256 ଭକ୍ତ ଅନ୍ତର୍ଭୁକ୍ତ ଅଛନ୍ତି। ଏହି ବର୍ଷ ବହୁ ସଂଖ୍ୟାରେ

ଭକ୍ତମାନଙ୍କ ଆଗମନର ସମ୍ଭାବନା ବ୍ୟକ୍ତ କରାଯାଇଛି।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା