ତେଲଅଭିବ, 18 ମାର୍ଚ୍ଚ (ହି.ସ.)- ଇସ୍ଲାମିକ ରିଭଲୁସନରୀ ଗାର୍ଡ କର୍ପସ (ଆଇଆରଜିସି) ଇରାନର

ପୂର୍ବତନ ଶୀର୍ଷ ସୁରକ୍ଷା ଅଧିକାରୀ ଡ଼ଃ ଅଲି ଲାରିଜାନିଙ୍କ ହତ୍ୟା ପରେ ଇସ୍ରାଇଲ ବିରୋଧରେ

ଜୋରଦାର କାର୍ଯ୍ୟାନୁଷ୍ଠାନ କରିଛି। ଆଇଆରଜିସି ଇସ୍ରାଇଲର ରାଜଧାନୀ ତେଲ ଆଭିଭରେ 100ରୁ ଅଧିକ

ସ୍ଥାନକୁ ଲକ୍ଷ୍ୟ କରି ଆକ୍ରମଣ କରିଛି। ଡ଼ଃ ଲାରିଜାନିଙ୍କ ମୃତ୍ୟୁ ଆମେରିକା-ଇସ୍ରାଇଲର ଯୁକ୍ତ

ସାମରିକ ଅଭିଯାନରେ ଘଟିଥିବା କୁହାଯାଇଛି। ଆମେରିକା-ଇସ୍ରାଇଲ ଓ ଇରାନ ମଧ୍ୟରେ ଯୁଦ୍ଧର ଆଜି

19ତମ ଦିନ।

ଇରାନର ପ୍ରେସ ଟିଭିର ଖବର ଅନୁସାରେ, ଏହି ସୂଚନା

ଆଇଆରଜିସିଙ୍କ ବିବୃତିରେ ଦିଆଯାଇଛି। ଆଇଆରଜିସି କହିଛି ଯେ, ସେମାନେ ଆମେରିକା-ଇସ୍ରାଇଲର ଆକ୍ରମଣକୁ ପ୍ରତିଉତ୍ତର

ଦେଇ ‘ଅପରେସନ୍ ଟ୍ରୁ ପ୍ରମିସ 4’ର 61ତମ ପର୍ଯ୍ୟାୟରେ ଏହି ଠିକଣାଗୁଡ଼ିକୁ ଲକ୍ଷ୍ୟ କରିଛନ୍ତି।

ବିବୃତିରେ କୁହାଯାଇଛି ଯେ, ଶତୃ ସ୍ଥାନଗୁଡ଼ିକୁ

ଆକ୍ରମଣ କରିବା ପାଇଁ ମଲ୍ଟି-ୱାରହେଡ୍ ଥିବା ଖୁର୍ରମଶହର-4 ଏବଂ କଦ୍ର ମିସାଇଲ ସହିତ ଇମାଦ ଓ

ଖୈବର ଶିକନ ପ୍ରୋଜେକ୍ଟାଇଲ୍ ବ୍ୟବହାର କରାଯାଇଛି। ଏହି ଆକ୍ରମଣ ଡ଼ଃ ଲାରିଜାନିଙ୍କ ମୃତ୍ୟୁର

ପ୍ରତିଶୋଧ ନେବା ପାଇଁ କରାଯାଇଥିବା କୁହାଯାଇଛି।

ପ୍ରେସ ଟିଭି ଅନୁସାରେ, ଏହି ଆକ୍ରମଣରେ ଇସ୍ରାଇଲର ଅତ୍ୟାଧୁନିକ ବାୟୁ ସୁରକ୍ଷା ପ୍ରଣାଳୀକୁ

ଧ୍ୱଂସ କରାଯାଇଛି। ଏହାର ପରିଣାମସ୍ୱରୂପ ତେଲଅଭିବରେ ଆଂଶିକ ବ୍ଲାକଆଉଟ୍ ହୋଇଯାଇଛି। ଏହି

କାରଣରୁ ଇସ୍ରାଇଲ ସେନାକୁ ପରିସ୍ଥିତି ନିୟନ୍ତ୍ରଣ କରିବା ଏବଂ ପ୍ରଭାବିତ ଲୋକମାନଙ୍କୁ ଉଦ୍ଧାର

କରିବାରେ ବହୁତ ସମସ୍ୟା ସାମ୍ନା କରିବାକୁ ପଡ଼ିଛି। ଏହି ମଧ୍ୟରେ, କର୍ପସ କହିଛି ଯେ

‘ଅପରେସନ୍ ଟ୍ରୁ ପ୍ରମିସ 4’ ଅଧୀନରେ ଏପର୍ଯ୍ୟନ୍ତ 230ରୁ ଅଧିକ ଇସ୍ରାଇଲୀଙ୍କ ମୃତ୍ୟୁ ଘଟିଛି।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା