ନୂଆଦିଲ୍ଲୀ, 19 ମାର୍ଚ୍ଚ (ହି.ସ.)- ଅନିଲ ଅମ୍ବାନୀଙ୍କ ସହ ଜଡିତ 2,929 କୋଟି ଟଙ୍କାର ଋଣ

ଠକେଇ ମାମଲାରେ କେନ୍ଦ୍ରୀୟ ଅନ୍ୱେଷଣ ବ୍ୟୁରୋ (ସିବିଆଇ) ଗୁରୁବାର ତାଙ୍କୁ ପଚରାପଚରା କରିଛି।

ସୂତ୍ର ଅନୁସାରେ, ଅମ୍ବାନୀ ଆଜି ସକାଳେ ସିବିଆଇ ମୁଖ୍ୟାଳୟରେ ପହଞ୍ଚିଥିଲେ, ଯେଉଁଠାରେ

ଏଜେନ୍ସିର କର୍ମଚାରୀମାନେ ତାଙ୍କୁ ପ୍ରଶ୍ନ କରିଥିଲେ। ପଚରାପଚରା ଶୁକ୍ରବାର ମଧ୍ୟ ଚାଲିବ।

ସିବିଆଇ ଏବେ ଏହି ମାମଲାରେ ସଂଗ୍ରହ କରାଯାଇଥିବା ଦଳିଲପତ୍ର ଓ ଅମ୍ବାନୀଙ୍କ ବକ୍ତବ୍ୟର ସମୀକ୍ଷା

କରିବ।

ଏହା ପୂର୍ବରୁ, ଆଜି ସକାଳେ ଅମ୍ବାନୀଙ୍କ ପ୍ରବକ୍ତା କହିଥିଲେ ଯେ ସେ 19 ଓ 20

ମାର୍ଚ୍ଚରେ ସିବିଆଇ ସମ୍ମୁଖରେ ଉପସ୍ଥିତ ହେଉଛନ୍ତି। ଏହି ଉପସ୍ଥିତି ଭାରତୀୟ ଷ୍ଟେଟ୍ ବ୍ୟାଙ୍କ

(ଏସବିଆଇ) ଦ୍ୱାରା ଦାଖଲ ହୋଇଥିବା ଅଭିଯୋଗ ଉପରେ ଆଧାରିତ ଏଫଆଇଆର ସମ୍ବନ୍ଧରେ ଅଟେ। ପ୍ରବକ୍ତା

କହିଥିଲେ ଯେ ଅମ୍ବାନୀ ସମସ୍ତ ତଦନ୍ତ ଏଜେନ୍ସୀକୁ ପୂର୍ଣ୍ଣ ସହଯୋଗ କରିବେ ଏବଂ ସେ ତାଙ୍କ

ପକ୍ଷକୁ ଦୃଢ଼ତାର ସହ ରଖିବେ।

ଉଲ୍ଲେଖନୀୟ ଯେ, ଏସବିଆଇର ଅଭିଯୋଗ ଉପରେ ସିବିଆଇ ପୂର୍ବବର୍ଷ ଅଗଷ୍ଟରେ ଅନିଲ ଅମ୍ବାନୀ

ଓ ରିଲାୟନ୍ସ କମ୍ୟୁନିକେଶନ୍ସ ଲିମିଟେଡ୍ (ଆରକମ) ବିରୋଧରେ ମାମଲା ରଜିଷ୍ଟର କରିଥିଲା। ଅଭିଯୋଗ

ଅନୁସାରେ କମ୍ପାନୀ ଉପରେ ବିଭିନ୍ନ ବ୍ୟାଙ୍କର ମୋଟ 40,000 କୋଟି ଟଙ୍କାରୁ ଅଧିକ ବକେୟା ଥିଲା, ଯାହାରୁ କେବଳ

ଏସବିଆଇକୁ 2,929.05 କୋଟି

ଟଙ୍କାର କ୍ଷତି ହୋଇଥିଲା। ସିବିଆଇ ଏହି ମାମଲାରେ ଅପରାଧିକ ସଢ଼ଯନ୍ତ୍ର, ଠକେଇ ଏବଂ ଆପରାଧିକ

ବିଶ୍ୱାସଘାତ ଧାରାରେ ଏଫଆଇଆର ରେଜିଷ୍ଟର କରିଛି।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା