ବଲାଙ୍ଗିର, ୨ ମାର୍ଚ୍ଚ (ହି.ସ.)- ଭାରତୀୟ ସେନା ଅଗ୍ନିପଥ ଯୋଜନା ଏବଂ ନିୟମିତ କ୍ୟାଡର ପଞ୍ଜୀକରଣ ଅନଲାଇନ୍ ସାଧାରଣ ପ୍ରବେଶିକା ପରୀକ୍ଷା ପାଇଁ ୧୩ ଫେବୃଆରୀ ୨୦୨୬ ରୁ ୦୧ ଏପ୍ରିଲ୍ ୨୦୨୬ ପର୍ଯ୍ୟନ୍ତ ହେବ। ଭାରତୀୟ ସେନା ଅଗ୍ନିପଥ ଯୋଜନା ଏବଂ ନିୟମିତ କ୍ୟାଡର ପାଇଁ ୨୦୨୬-୨୭ ନିଯୁକ୍ତି ବର୍ଷ ପାଇଁ ଅନଲାଇନ୍ ସାଧାରଣ ପ୍ରବେଶିକା ପରୀକ୍ଷା (ସିଇଇ) ପାଇଁ ପଞ୍ଜୀକରଣ ୧୩ ଫେବୃଆରୀ ୨୦୨୬ ରୁ ୧ ଏପ୍ରିଲ୍ ୨୦୨୬ ପର୍ଯ୍ୟନ୍ତ ଆରମ୍ଭ ହୋଇଛି । ଯୋଗ୍ୟ ପ୍ରାର୍ଥୀମାନେ www.joinindianarmy.nic.in ୱେବସାଇଟ୍ ମାଧ୍ୟମରେ ଆବେଦନ କରିପାରିବେ । ପଞ୍ଜୀକରଣ ଏବଂ ଆବେଦନ ପ୍ରକ୍ରିୟା ବୁଝାଇବା ପାଇଁ ଭିଡିଓ ୱେବସାଇଟରେ ଉପଲବ୍ଧ ଅଛି । ଆଶାୟୀମାନେ ପ୍ରଥମେ ଏକ ଅନଲାଇନ୍ ସିଇଇ ପାଇଁ ଉପସ୍ଥିତ ହେବାକୁ ପଡିବ, ଯାହା ଏକ କମ୍ପ୍ୟୁଟର ଆଧାରିତ ପରୀକ୍ଷା ହେବ । ପ୍ରତ୍ୟେକ ଆଶାୟୀ ଅନଲାଇନ୍ ସିଇଇରେ ଉପସ୍ଥିତ ହେବା ପାଇଁ ୨୫୦/- ଟଙ୍କା ପରୀକ୍ଷା ଦେୟ ଦେବାକୁ ପଡିବ । ଅନଲାଇନ୍ ସିଇଇ ଜୁନ୍ ୨୦୨୬ ରେ ଅନୁଷ୍ଠିତ ହେବାର ସମ୍ଭାବନା ଅଛି । ଅନଲାଇନ୍ ସିଇଇ ପାଇଁ ସ୍ଥିର ତାରିଖ ପରେ ଘୋଷଣା କରାଯିବ । ସେଥିପାଇଁ www.joinindianarmy.nic.in ଯାଞ୍ଚ କରନ୍ତୁ ।

ଯଦି କୌଣସି ପ୍ରଶ୍ନ ଥାଏ, ତେବେ ଓଡିଶା ରାଜ୍ୟର ଅନୁଗୁଳ, ବରଗଡ଼, ବଲାଙ୍ଗୀର, ଦେଓଗଡ, ଢେଙ୍କାନାଳ, ଝାରସୁଗୁଡା, କେନ୍ଦୁଝର, ସୁବର୍ଣ୍ଣପୁର, ସମ୍ବଲପୁର ଏବଂ ସୁନ୍ଦରଗଡ ଜିଲ୍ଲାର ଆଶାୟୀମାନେ ଆର୍ମି ରିକ୍ରୁଟିଂ ଅଫିସ ସମ୍ବଲପୁର ସହିତ ଲ୍ୟାଣ୍ଡଲାଇନ ନମ୍ବର ୦୬୬୩-୨୫୨୦୮୪୫ ରେ ଯୋଗାଯୋଗ କରିପାରିବେ ।

ହିନ୍ଦୁସ୍ଥାନ ସମାଚାର / ଗୋପବନ୍ଧୁ