ନୂଆଦିଲ୍ଲୀ, 23 ମାର୍ଚ୍ଚ (ହି.ସ.)- ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୋମବାର ଦେବୀ
ସ୍କନ୍ଦମାତାଙ୍କର ଦିବ୍ୟ କୃପା ଓ ସମସ୍ତଙ୍କ ମଙ୍ଗଳ ପାଇଁ ତାଙ୍କ ଦିବ୍ୟ ଆଶୀର୍ବାଦ କାମନା କରି
ଗୋଟିଏ ସଂସ୍କୃତ ସୁଭାଷିତ ଅଂଶୀଦାର କରିଛନ୍ତି।
ପ୍ରଧାନମନ୍ତ୍ରୀ ମୋଦି ଏକ୍ସରେ ଲେଖିଛନ୍ତି, ଦେବୀ ସ୍କନ୍ଦମାତାଙ୍କୁ କରବଦ୍ଧ ପ୍ରାର୍ଥନା! ମୋର କାମନା ଯେ, ଆପଣମାନେ ସମସ୍ତେ ତାଙ୍କର
ମାତୃସ୍ନେହ ଓ ଆଶୀର୍ବାଦରେ ଆଲୋକିତ ହୁଅନ୍ତୁ। ମାଆଁ ଅମ୍ବେଙ୍କ ଦର୍ଶନରେ ଭକ୍ତିର ଅଦ୍ଭୁତ ଆନନ୍ଦ
ମିଳେ। ଏହା ମନକୁ ଶାନ୍ତି ଓ ଆତ୍ମିକ ଶକ୍ତି ଦେଇଥାଏ।
ସେ ‘ସିଂହାସନଗତା ନିତ୍ୟଂ ପଦ୍ମାଶ୍ରିତକରଦ୍ୱୟା। ଶୁଭଦାସ୍ତୁ
ସଦା ଦେବୀ ସ୍କନ୍ଦମାତା ଯଶସ୍ୱିନୀ’ ନାମକ ସଂସ୍କୃତ ସୁଭାଷିତ ମଧ୍ୟ ସେୟାର କରିଛନ୍ତି।
ଏହାର ଅର୍ଥ ହେଉଛି— ହେ ମହିମାମୟୀ ଦେବୀ ସ୍କନ୍ଦମାତା, ଯିଏ ସଦା ସିଂହ ଉପରେ
ବିରାଜମାନ ଓ ନିଜ ଦୁଇ ହାତରେ କମଳ ଫୁଲ ଧାରଣ କରିଛନ୍ତି, ସେ ଆମକୁ ସଦା ଶୁଭ ଫଳ ପ୍ରଦାନ
କରୁନ୍ତୁ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
23 Mar 2026