ଭୁବନେଶ୍ୱର, 27 ମାର୍ଚ୍ଚ (ହି.ସ.) ରାଷ୍ଟ୍ରପତି ଦ୍ରୌପଦୀ
ମୁର୍ମୁଙ୍କୁ ସାକ୍ଷାତ କରିଛନ୍ତି ସାଂସଦ ପ୍ରତାପ ଷଡଙ୍ଗୀ । ଏନେଇ ସୋସିଆଲ ମିଡିଆ ଏକ୍ସରେ
ପ୍ରତାପ ଷଡଙ୍ଗୀ କହିଛନ୍ତି ଯେ, ଆଜି ରାଷ୍ଟ୍ରପତି ଶ୍ରୀମତୀ ଦ୍ରୌପଦୀ ମୁର୍ମୁଙ୍କୁ ରାଷ୍ଟ୍ରପତି
ଭବନରେ ସୌଜନ୍ୟମୂଳକ ସାକ୍ଷାତ କରି ଓଡ଼ିଶାର ବିକାଶ ସମ୍ପର୍କରେ ଆଲୋଚନା କଲି। ଓଡ଼ିଶାର
ବରପୁତ୍ର ଉତ୍କଳ ଗୌରବ ସ୍ୱର୍ଗତ ମଧୁସୂଦନ ଦାସ ଏବଂ ଉତ୍କଳମଣି ପଣ୍ଡିତ ଗୋପବନ୍ଧୁ ଦାସ ଓଡ଼ିଶା
ପ୍ରଦେଶ ଗଠନ, ଓଡ଼ିଆ
ଅସ୍ମିତାର ସୁରକ୍ଷା, ଓଡ଼ିଶାର
କଳା,
ସାହିତ୍ୟ, ଶିଳ୍ପ ଓ ସଂସ୍କୃତିର ସଂରକ୍ଷଣ, ସମ୍ବର୍ଦ୍ଧନ, ପ୍ରଚାର-ପ୍ରସାର, ସ୍ୱାଧୀନତା ଆନ୍ଦୋଳନ ଓ ଦୁର୍ଗତ ମାନବର ସେବା ଆଦି ବହୁବିଧ
କ୍ଷେତ୍ରରେ ଅସାଧାରଣ ଯୋଗଦାନ କରିଥିବାରୁ, ଏହି ଦୁଇଜଣଙ୍କ ମଧ୍ୟରୁ କୌଣସି ଜଣଙ୍କୁ ‘ଭାରତ ରତ୍ନ’ ଉପାଧି ପ୍ରଦାନ
ପାଇଁ ନିବେଦନ କଲି। ଏହି ବିଷୟରେ ବିଚାର କରିବାକୁ ମାନ୍ୟବର ରାଷ୍ଟ୍ରପତି ପ୍ରତିଶ୍ରୁତି ଦେଲେ।
ରାଷ୍ଟ୍ରପତିଙ୍କୁ ଅଶେଷ
କୃତଜ୍ଞତା ଜଣାଇଛନ୍ତି ପ୍ରତାପ ଷଡଙ୍ଗୀ ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
