ଭଦ୍ରକ, ୨୭ ମାର୍ଚ୍ଚ (ହି.ସ.) ଭଦ୍ରକ ଜିଲ୍ଲା ତିହିଡି ବ୍ଲକ ସୟା ପଂଚାୟତର ଧୂଳିପଦା ଠାରେ ମା'ବାସନ୍ତୀ ଦୁର୍ଗାପୂଜା ମହାସମାରୋହରେ ପାଳିତ ହେଉଛି। ସପ୍ତମୀ ଠାରୁ ମା'ଙ୍କ ପୂଜା ଯଥାରୀତି ନୀତି ଅନୁସାରେ ଆରମ୍ଭ ହୋଇ ଦଶହରା ପର?୍ୟ୍ୟନ୍ତ ଚାଲିବ।ଅଷ୍ଟମୀରେ ଶ୍ରଦ୍ଧାଳୁମାନେ ମା'ଙ୍କୁ ଦର୍ଶନ କରିବାସହିତ ଭୋଗ ନୈବେଦ୍ୟ କରିଥିଲେ।ପ୍ରତିଦିନ ସନ୍ଧ୍ୟାରେ ହଜାର ହଜାର ଶ୍ରଦ୍ଧାଳୁ ପ୍ରସାଦ ସେବନ କରୁଛନ୍ତି।ବାସନ୍ତୀ ଦୁର୍ଗା ପୂଜାପାଇଁ ଆକର୍ଷଣୀୟ ତୋରଣ ଓ ସୁସଜ୍ଜିତ ଆଲୋକ ମାଳା ଶ୍ରଦ୍ଧାଳୁଙ୍କୁ ଆକର୍ଷିତ କରୁଛି।ମା'ଙ୍କ ପୂଜା ଉପଲକ୍ଷେ ସାଂସ୍କୃତିକ କାର୍ଯ୍ୟକ୍ରମ ଓ ଅପେରା ଅନୁଷିତ ହେଉଛି।ଏହି ପୂଜା ୧୯୮୮ ମସିହା ଠାରୁ ଆରମ୍ଭ ହୋଇ ଆଜିପର୍ଯ୍ୟନ୍ତ ଚାଲିଆସୁଅଛି।ଚଳିତ ବର୍ଷ କର୍ତା ଭାବେ ବାବୁରାମ ରାଉତ ତାଙ୍କ ପତ୍ନୀ ନିରୂପମା ରାଉତ,ମୁକ୍ତିକାନ୍ତ ନାୟକ, ତାଙ୍କ ପତ୍ନୀ କୁନ୍ତଳା ନାୟକ,ପୂଜକ ଭାବେ ଦେବେନ୍ଦ୍ର ପାଢ଼ୀ, କୃପାସିନ୍ଧୁ ପାଢ଼ୀ, ଅନ୍ତର୍ଯ୍ୟାମୀ ଆଚାର୍ଯ୍ୟ, ସନ୍ତୋଷ ପାଢ଼ୀ ପୂଜାକାର?୍ୟ୍ୟ ତୁଲାଉଛନ୍ତି।ପୂଜାକମିଟି ସଭାପତି ଧୀରେନ୍ଦ୍ର କୁମାର ସେଠୀ,ସଦସ୍ୟ ବୁଦ୍ଧିରାମ ରାଉତ,ଲକ୍ଷ୍ମଣ କୁମାର ନାୟକ, ଦେବାଶିଷ ନାୟକ,ଜୀବନ ନାୟକ, ପ୍ରଦୀପ ରାଉଳ,ଶରତ ଚନ୍ଦ୍ର ରାଉତ,କହ୍ନେଇ ନାୟକ,ସମରଜିତ ମହାପାତ୍ର ପ୍ରମୁଖ ପୂଜା ପରିଚାଳନରେ ସହଯୋଗ କରିଥିଲେ। ଅଷ୍ଟମୀରେ ସରପଂଚ ପ୍ରତିନିଧି ରବିନ୍ଦ୍ର ଶଥପଥୀଙ୍କ ସମେତ ବହୁ ଶ୍ରଦ୍ଧାଳୁ ମା'ଙ୍କୁ ଦର୍ଶକରି ଆଶିଷ ଭିକ୍ଷା କରିଥିଲେ।

ହିନ୍ଦୁସ୍ଥାନ ସମାଚାର / ପ୍ରମୋଦ କୁମାର ରାୟ