ଗ୍ୱୌହାଟୀ, ୩୧ ମାର୍ଚ୍ଚ (ହି.ସ.)। ଆସାମ
ପ୍ରଦେଶ ଭାରତୀୟ ଜନତା ପାର୍ଟି (ବିଜେପି) ମଙ୍ଗଳବାର ସକାଳେ ପାର୍ଟି ମୁଖ୍ୟାଳୟ ‘ଅଟଲ ବିହାରୀ
ବାଜପେୟୀ ଭବନ’ରେ ବିଧାନସଭା ନିର୍ବାଚନ ପାଇଁ ‘ସଙ୍କଳ୍ପ ପତ୍ର’ ଜାରି କରିଛି।
ଏହି ସଙ୍କଳ୍ପ ପତ୍ରର ଔପଚାରିକ ଉନ୍ମୋଚନ କେନ୍ଦ୍ରୀୟ
ଅର୍ଥମନ୍ତ୍ରୀ ନିର୍ମଳା ସୀତାରମଣ କରିଥିଲେ। କାର୍ଯ୍ୟକ୍ରମରେ କେନ୍ଦ୍ରୀୟ ମନ୍ତ୍ରୀ ସର୍ବାନନ୍ଦ
ସୋନୋୱାଲ, ମୁଖ୍ୟମନ୍ତ୍ରୀ ଡା. ହିମନ୍ତ ବିଶ୍ୱ ସର୍ମା, ପ୍ରଦେଶ ବିଜେପି ଅଧ୍ୟକ୍ଷ ଏବଂ
ସାଂସଦ ଦିଲୀପ ସୈକିଆ,
କେନ୍ଦ୍ରୀୟ ମନ୍ତ୍ରୀ ପବିତ୍ର ମାର୍ଘେରିଟା, ଆସାମ ବିଜେପିର ପ୍ରଭାରୀ ବୈଜୟନ୍ତ
ପଣ୍ଡା, ଆସାମ ସରକାରଙ୍କ ମନ୍ତ୍ରୀ ରଞ୍ଜିତ କୁମାର ଦାସ, ସାଂସଦ ପ୍ରଦାନ ବରୁଆ ଆଦି
ଉପସ୍ଥିତ ଥିଲେ।
ସୀତାରମଣ ଆସାମରେ ବିଜେପି ନେତୃତ୍ୱାଧୀନ ରାଜଗ ସରକାରଙ୍କ ଗତ
ଦଶବର୍ଷର କାର୍ଯ୍ୟକଳାପ ସମ୍ପର୍କରେ ତଥ୍ୟ ଦେଇ ରୋଜଗାର, ଶିକ୍ଷା, ସ୍ୱାସ୍ଥ୍ୟ, ଶିଳ୍ପ, ସୁରକ୍ଷା, ଆଧାରଭୂତ ଢାଞ୍ଚା, ଶାନ୍ତି, ମହିଳା ଉନ୍ନତି ଇତ୍ୟାଦି ବିଷୟରେ
ଆଲୋକପାତ କରିଥିଲେ। ସେ କଂଗ୍ରେସ ସରକାର ଦ୍ୱାରା ରାଜ୍ୟର ଅବହେଳା ମୁଦ୍ଦାକୁ ମଧ୍ୟ ଉଠାଇଥିଲେ।
ସେ ଆସନ୍ତା ପାଞ୍ଚବର୍ଷରେ ରାଜ୍ୟର ସମଗ୍ର ଉନ୍ନତି ପାଇଁ ବିଜେପିଙ୍କ ସଙ୍କଳ୍ପ ବିଷୟରେ ମଧ୍ୟ
ଉଲ୍ଲେଖ କରିଥିଲେ।
କାର୍ଯ୍ୟକ୍ରମର ଆରମ୍ଭରେ ଅଧ୍ୟକ୍ଷ ଦିଲୀପ ସୈକିଆ ସ୍ୱାଗତ
ଭାଷଣ ଦେଇଥିଲେ। ଏହି ଅବସରରେ ସଙ୍କଳ୍ପ ପତ୍ର ପ୍ରସ୍ତୁତି ପାଇଁ ନିଆଯାଇଥିବା ପଦକ୍ଷେପ
ସମ୍ପର୍କରେ ସେ ବିସ୍ତାରିତ ତଥ୍ୟ ଦେଇଥିଲେ। ଏହାସହିତ କେନ୍ଦ୍ରୀୟ ମନ୍ତ୍ରୀ ସର୍ବାନନ୍ଦ
ସୋନୋୱାଲ ମଧ୍ୟ ଏହି ଅବସରରେ ନିଜ ମତାମତ ପ୍ରକାଶ କରିଥିଲେ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା