ନୂଆଦିଲ୍ଲୀ, ୩୧ ମାର୍ଚ୍ଚ (ହି.ସ.)।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଭଗବାନ ମହାବୀରଙ୍କ ଜନ୍ମ କଳ୍ୟାଣକ ଅବସରରେ ଦେଶବାସୀଙ୍କୁ
ଶୁଭେଚ୍ଛା ଜଣାଇଛନ୍ତି। ସେ କହିଛନ୍ତି ଯେ ଭଗବାନ ମହାବୀରଙ୍କ ଜୀବନ ଏବଂ ତାଙ୍କର ଉପଦେଶ ସତ୍ୟ, ଅହିଂସା ଏବଂ କରୁଣାର
ପଥକୁ ପ୍ରକାଶିତ କରେ। ପ୍ରଧାନମନ୍ତ୍ରୀ ଏକ୍ସ ପୋଷ୍ଟରେ କହିଛନ୍ତି ଯେ ଭଗବାନ ମହାବୀରଙ୍କ ଆଦର୍ଶ
ଆଧ୍ୟାତ୍ମିକ ଭାବରେ ପ୍ରେରଣାଦାୟକ ହେବା ସହିତ ଆଜିର ସମୟରେ ମଧ୍ୟ ବହୁତ ପ୍ରାସଙ୍ଗିକ। ସମାନତା
ଏବଂ ଦୟା ପ୍ରତି ତାଙ୍କର ଜୋର ଆମକୁ ସମାଜ ପ୍ରତି ଆମର ସାମୁହିକ ଦାୟିତ୍ୱର ସ୍ମରଣ କରାଏ।
ପ୍ରଧାନମନ୍ତ୍ରୀ ଅନ୍ୟ ଗୋଟିଏ ପୋଷ୍ଟରେ କହିଛନ୍ତି ଯେ ସତ୍ୟ, ସଦ୍ଭାବ, ସଦ୍ବ୍ୟବହାର ଏବଂ ସମାନତା
ଉପରେ ଆଧାରିତ ଭଗବାନ ମହାବୀରଙ୍କ ସନ୍ଦେଶରେ ଅଦ୍ଭୁତ ପ୍ରେରଣା ରହିଛି। ତାଙ୍କର ମହାନ
ଚିନ୍ତାଧାରା ସର୍ବଦା ମାନବତାର ପଥପ୍ରଦର୍ଶକ ହୋଇ ରହିବ।
ପ୍ରଧାନମନ୍ତ୍ରୀ ସଂସ୍କୃତରେ ଏକ ସୁଭାଷିତ ମଧ୍ୟ ସେୟାର
କରିଛନ୍ତି—
“ଶୃୟତାଂ ଧର୍ମସର୍ବସ୍ୱଂ ଶ୍ରୁତ୍ୱା ଚୈବାବଧାର୍ୟତାମ୍।
ଆତ୍ମନଃ ପ୍ରତିକୂଳାନି ପରେଷାଂ ନ ସମାଚରେତ୍॥”
ଏହି ସୁଭାଷିତର ଅର୍ଥ ହେଉଛି ଯେ ଯେପରି ବ୍ୟବହାର ଆମେ ନିଜ
ପାଇଁ ଭଲ ମନେ କରୁନାହିଁ, ସେହିପରି ବ୍ୟବହାର ଆମେ ଅନ୍ୟମାନଙ୍କ ସହିତ ମଧ୍ୟ କରିବା
ଉଚିତ୍ ନୁହେଁ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା