ପାଟନା, ୩୧ ମାର୍ଚ୍ଚ (ହି.ସ.)।
ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆଜି ଏକଦିନିଆ ଗସ୍ତରେ ବିହାର ଆସୁଛନ୍ତି। ରାଷ୍ଟ୍ରପତି
ଅନ୍ତର୍ଜାତୀୟ ନାଳନ୍ଦା ବିଶ୍ୱବିଦ୍ୟାଳୟର ଦ୍ୱିତୀୟ ସ୍ନାତକ ସମ୍ମାନ ସଭାରେ ଅଂଶ ନେବେ। ଏହି
କାର୍ଯ୍ୟକ୍ରମ କେବଳ ଶିକ୍ଷାମୂଳକ ନୁହେଁ, ବରଂ ଭାରତର ପ୍ରାଚୀନ ସଂସ୍କୃତି
ଏବଂ ଆଧୁନିକ କୂଟନୀତିର ସଙ୍ଗମ ମଧ୍ୟ ମନାଯାଉଛି।
ରାଷ୍ଟ୍ରପତି ରାଜଗୀର ଅବସ୍ଥିତ ନାଳନ୍ଦା ବିଶ୍ୱବିଦ୍ୟାଳୟର
ଭବ୍ୟ ସମ୍ମାନ ସଭାରେ ମୁଖ୍ୟ ଅତିଥି ଭାବେ ମେଧାବୀ ଛାତ୍ରଛାତ୍ରୀଙ୍କୁ ସ୍ନାତକ ସମ୍ମାନ ପ୍ରଦାନ
କରିବେ। ଏହି ଅବସରରେ ୩୧ଟି ଦେଶରୁ ଆସିଥିବା ୬୧୭ ଛାତ୍ରଛାତ୍ରୀ ଉପସ୍ଥିତ ରହିବେ। ରାଷ୍ଟ୍ରପତି
ଜଗତ ପ୍ରସିଦ୍ଧ ନାଳନ୍ଦା ମହାବିହାରର ଧ୍ୱଂସାବଶେଷ ମଧ୍ୟ ଦେଖିବେ।
ରାଷ୍ଟ୍ରପତିଙ୍କ ଗସ୍ତକୁ ନେଇ ସୁରକ୍ଷା ବ୍ୟବସ୍ଥା ଗ୍ରହଣ
କରାଯାଇଛି। ନାଳନ୍ଦା ସହିତ ଗୟା, ପାଟନା, ଜହାନାବାଦ ଓ ଆଠଟିରୁ ଅଧିକ
ଜିଲ୍ଲାରୁ ପ୍ରାୟ ଢାଇ ହଜାର ପୋଲିସ ଏବଂ ପ୍ରଶାସନିକ ଅଧିକାରୀଙ୍କ ନିଯୁକ୍ତି ହୋଇଛି। ସମ୍ମାନ
ସଭାରେ ବିଦେଶମନ୍ତ୍ରୀ ଏସ. ଜୟଶଙ୍କର, ରାଜ୍ୟପାଳ ସଇୟଦ ଆତା ହସନେନ୍ ଏବଂ କୁଲପତି ପ୍ରଫେସର ସଚିନ୍
ଚତୁର୍ବେଦୀ ସହ ଅନେକ ପ୍ରସିଦ୍ଧ ବ୍ୟକ୍ତି ଅଂଶ ନେବେ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା