ଚଣ୍ଡୀଗଡ଼, ୧୮ ଏପ୍ରିଲ୍(ହି.ସ.) – ପଂଜାବ ପୋଲିସ୍ର କାଉଂଟର ଇଂଟେଲିଜେନ୍ସ ୱିଂଗ ସୀମା ଆରପଟେ ହେଉଥିବା ଚାଲାଣର ର୍ୟାକେଟ୍ର ପର୍ଦ୍ଦାଫାଶ କରି ପ୍ରାୟ ୪୫୦ କୋଟି ଟଙ୍କାର ୬୪.୬୨ କିଲୋଗ୍ରାମ ହେରୋଇନ୍ ଜବତ କରି ଦୁଇ ଚାଲାଣକାରୀଙ୍କୁ କାବୁ କରିଛି। ଏହି ଗ୍ୟାଙ୍ଗ ପାକିସ୍ତାନୀ ତସ୍କର ମୁସା ଦ୍ୱାରା ଚଲାଯାଉଥିଲା। ମୁସା କିଛି ବର୍ଷ ପୂର୍ବରୁ ଭାରତରେ ସେହି ସମୟରେ ଚର୍ଚ୍ଚାରେ ଆସିଥିଲା ଯେତେବେଳେ କଷ୍ଟମ ଏଠାରେ ଅଟାରୀ-ବାଘା ବର୍ଡ଼ରରେ ଏକ ମାଲଗାଡ଼ିରୁ ୫୩୨ କିଲୋ ହେରୋଇନ୍ ଜବତ କରିଥିଲା। ପଂଜାବ ପୋଲିସ୍ ମହାନିର୍ଦ୍ଦେଶକ ଗୌରବ ଯାଦବ ଶନିବାର ଦିନ କହିଛନ୍ତି ଯେ ଅମୃତସରରେ ପଂଜାବ ପୋଲିସ୍ର କାଉଂଟର ଇଂଟେଲିଜେନ୍ସ ୱିଂଗର ଷ୍ଟେଟ୍ ସ୍ପେଶାଲ ଅପରେଶନ ସେଲ୍ ଏହି ଅପରେଶନର ସମାପ୍ତି କରାଯାଇଛି। ସେ କହିଛନ୍ତି ଯେ ପୋଲିସ୍ ଯାଂଚରେ ଆଗକୁ ଆସିଛି ଯେ ଏହି ହେରୋଇନ୍ ପାକିସ୍ତାନରୁ ମଗାଯାଇଛି, ଯାହାକୁ ଏବେ ଆଗକୁ ସପ୍ଲାଇ କରାଯିବାର ଥିଲା। ପୋଲିସ୍ ଏହା ପୂର୍ବରୁ ଧରିନେଇଥିଲା। ଯାଂଜରେ ଏହା ମଧ୍ୟ ଜଣାଯାଇଛି ଯେ ଏହି ନେଟ୍ୱର୍କର ସଂଯୋଗ ବିଦେଶରେ ବସିଥିବା ହ୍ୟାଣ୍ଡଲର୍ସ ଏବଂ ପାକିସ୍ତାନର ମୁସା ଗ୍ୟାଙ୍ଗ ସହିତ ମଧ୍ୟ ଯୋଡ଼ି ହୋଇଛନ୍ତି। ଏହି ଦଳ ସୀମା ଆରପଟୁ ଡ୍ରଗ ଚାଲାଣ କରି ପଂଜାବ ଏବଂ ଅନ୍ୟ ରାଜ୍ୟରେ ସପ୍ଲାଇ କରିବାର କାମ କରୁଥିଲା।
ହିନ୍ଦୁସ୍ଥାନ ସମାଚାର/ବୀଣାପାଣି
.......................................
ହିନ୍ଦୁସ୍ଥାନ ସମାଚାର / ବୀଣାପାଣି