ଖୋର୍ଦ୍ଧା, ୨୦ ଏପ୍ରିଲ୍ (ହି.ସ.) - ଆଇଏନଏସ ଚିଲିକାରେ ପୁଣି ଏକ ଦୁଃଖଦ ଘଟଣା ସାମ୍ନାକୁ ଆସିଛି। ସୋମବାର ଜଣେ ଅଗ୍ନିବୀରଙ୍କ ଝୁଲନ୍ତା ମୃତଦେହ ପୋଲିସ ଉଦ୍ଧାର କରିଛି। ମୃତ ଅଗ୍ନିବୀର ଜଣକ ବିହାର ଭୋଜପୁର ଅଂଚଳର ବୋଲି ସୂଚନା ମିଳିଛି। ଦିନକ ପୂର୍ବରୁ ଅଗ୍ନିବୀରଙ୍କ ମୃତ୍ୟୁ ଘଟିଥିବା ପୋଲିସ ଅନୁମାନ କରୁଛି। ଅନ୍ୟପକ୍ଷେ ପୁଅର ମୃତ୍ୟୁକୁ ବାପା ସହଜରେ ଗ୍ରହଣ କରୁ ନ ଥିବା ବେଳେ ଘଟଣାର ଉଚ୍ଚସ୍ତରୀୟ ତଦନ୍ତ ଦାବି କରିଛନ୍ତି। ଏପରିକି ସେ ବାଲୁଗାଁ ଥାନାର ଦ୍ୱାରସ୍ଥ ହୋଇଛନ୍ତି। ଅନ୍ୟପକ୍ଷେ ଗତ ୮ତାରିଖରେ ଅନ୍ୟଜଣେ ଅଗ୍ନିବୀରଙ୍କ ଆଇଏନଏସ ଚିଲିକା ପରିସରରୁ ଝୁଲନ୍ତା ମୃତଦେହ ଉଦ୍ଧାର ହୋଇଥିଲା।

ହିନ୍ଦୁସ୍ଥାନ ସମାଚାର / ରାକେଶ