ଚମୋଲି, ୨୧ ଏପ୍ରିଲ୍(ହି.ସ.) – ଚାରିଧାନ ଯାତ୍ରାର ପ୍ରମୁଖ ପର୍ଯ୍ୟାୟ ବଦରୀନାଥ ଧାମର କବାଟ ୨୩ ଅପ୍ରେଲ ସକାଳ ୬ଟା ୧୫ ମିନିଟ୍ରେ ଶ୍ରଦ୍ଧାଳୁଙ୍କ ଦର୍ଶନ ପାଇଁ ଖୋଲିଦିଆ ଯିବ। କବାଟ ଉଦ୍ଘାଟନ ପରମ୍ପରାରେ ମଙ୍ଗଳବାର ଦିନ ନୃସିଂହ ମନ୍ଦିର ଜ୍ୟୋର୍ତିମଠ ସହିତ ପୂଜା-ଅର୍ଚ୍ଚନା ପରେ ଆଦିଗୁରୁ ଶଙ୍କରାଚାର୍ଯ୍ୟଙ୍କ ପବିତ୍ର ଗଦ୍ଦି ଏବଂ ଭଗବାନ ଗରୁଡ଼ଙ୍କ ଉତ୍ସବ ଡୋଲି ବୈଦିକ ମନ୍ତ୍ରୋଚାର ସହିତ ବଦରୀନାଥ ଧାମ ପାଇଁ ପ୍ରସ୍ତାନ କରାଯାଇଛି।

ବଦରୀନାଥ ଯାତ୍ରାର ଧାର୍ମିକ ପରମ୍ପରାରେ ମଙ୍ଗଳବାର ଦିନ ଶ୍ରୀ ନୃସିଂହ ମନ୍ଦିରରେ ବିଶେଷ ପୂଜାଅର୍ଚ୍ଚନା ପରେ ଏକ ଭବ୍ୟ ଧାର୍ମିକ ଆୟୋଜନ ସମ୍ପନ୍ନ ହୋଇଥିଲା। ଆଦିଗୁରୁ ଶଙ୍କରାଚାର୍ଯ୍ୟର ପବିତ୍ର ଗଦ୍ଦି ଏବଂ ଗରୁଡ଼ଜୀଙ୍କ ଉତ୍ସବ ମୂର୍ତିକୁ ବୈଦିକ ମନ୍ତ୍ରୋଚ୍ଚାର ମଧ୍ୟରେ ବିଧିବଦ୍ଧ ରୂପେ ବଦରୀନାଥ ଧାମ ପାଇଁ ବାହାର କରାଯାଇଥିଲା। ଏହି ଅବସରରେ ରାୱଲ ଅମରନାଥ ନଂବୁଦରୀ ଏବଂ ବଦରୀନାଥ-କେଦାରନାଥ ମନ୍ଦିର ସମିତିର ଉପାଧ୍ୟକ୍ଷ ଋଷି ପ୍ରସାଦ ସତି ଉପସ୍ଥିତ ଥିଲେ। ଡୋଲି ପ୍ରସ୍ତାନ ସମୟରେ ବଡ଼ ସଂଖ୍ୟାରେ ଶ୍ରଦ୍ଧାଳୁ ଉପସ୍ଥିତ ରହିଥିଲେ ଏବଂ ସେମାନେ ଜୟକାର ସହିତ ଧାର୍ମିକ ଯାତ୍ରାର ସ୍ୱାଗତ କରିଥିଲେ।

ବଦରୀନାଥ-କେଦାରନାଥ ମନ୍ଦିର ସମିତି(ବିକେଟିସି)ର ମିଡିଆ ପ୍ରଭାରୀ ଡା. ହରିଶ ଗୌଡ଼ କହିଥିଲେ ଯେ ୨୨ ଅପ୍ରେଲକୁ ଯୋଗ ବଦରୀ ପାଣ୍ଡୁକେଶ୍ୱରରୁ ଉଦ୍ଧବ ଜୀ, କୁବେର ଜୀ ଏବଂ ଶଙ୍କରାଚାର୍ଯ୍ୟ ଗଦ୍ଦି ବଦରୀନାଥ ଧାମ ପହଂଚିବି। ଗରୁଡ଼ ଜୀଙ୍କ ଡୋଲି ଅଗ୍ରିମ ରୂପେ ପ୍ରସ୍ଥାନ କରିସାରିଛି। ଏହି କ୍ରମରେ ଶ୍ରୀ ଡିମରୀ ଧାର୍ମିକ କେନ୍ଦ୍ରୀୟ ପଂଚାୟତର ପଦାଧିକାରୀ ପାରମ୍ପରିକ ତେଲ କଳଶ(ଗାଡ଼ୁ ପଡ଼ା) ସହିତ ଜ୍ୟୋର୍ତିମଠ ପହଂଚିଥିଲେ। ତେଲ କଳଶ ୨୨ ଅପ୍ରେଲରେ ବଦରୀନାଥ ଧାମ ପହଂଚିବ।

ହିନ୍ଦୁସ୍ଥାନ ସମାଚାର/ବୀଣାପାଣି

.......................................

ହିନ୍ଦୁସ୍ଥାନ ସମାଚାର / ବୀଣାପାଣି