କୋଲକାତା, ୨୨ ଏପ୍ରିଲ୍(ହି.ସ.) – କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହା ବୁଧବାର କହିଛନ୍ତି ଯେ ଏଥର ପଶ୍ଚିମବଙ୍ଗ ବିଧାନସଭା ନିର୍ବାଚନ କେବଳ ଭାରତୀୟ ଜନତା ପାର୍ଟି ସପକ୍ଷରେ ଭୋଟ୍ ନୁହେଁ ବରଂ ବେଆଇନ ଅନୁପ୍ରବେଶ, ଦୁର୍ନୀତି ଏବଂ ମହିଳାଙ୍କ ବିରୋଧରେ ଅପରାଧ ବିରୋଧରେ ଜନମତ ସଂଗ୍ରହ।

ଉତର ୨୪ ପ୍ରଗଣା ଜିଲ୍ଲାର ଦମ୍ଦମ୍(ଉତର) ବିଧାନସଭା ନିର୍ବାଚନ ମଣ୍ଡଳୀରେ ଏକ ନିର୍ବାଚନ ସଭାରେ ଉଦବୋଧନ ଦେଇ ଅମିତ ଶାହା କହିଛନ୍ତି ଯେ ଏପ୍ରିଲ ୨୯ରେ ଦ୍ୱିତୀୟ ପର୍ଯ୍ୟାୟ ମତଦାନରେ ଯେତେବେଳେ ଭୋଟରମାନେ ଇଲେକ୍ଟ୍ରୋନିକ୍ ଭୋଟିଂ ମେସିନ୍ର ବଟନ୍ ଦବାଇବେ, ସେତେବେଳେ ଏହା କେବଳ ଭାରତୀୟ ଜନତା ପାର୍ଟି ପ୍ରାର୍ଥୀଙ୍କୁ ଜିତାଇବା ପାଇଁ ନୁହେଁ, ବରଂ ଏହା ବେଆଇନ ଅନୁପ୍ରବେଶ, ଦୁର୍ନୀତି ଏବଂ ମହିଳାଙ୍କ ଉପରେ ଅତ୍ୟାଚାର ବିରୁଦ୍ଧରେ ଭୋଟ୍ ହେବ।

ଅମିତ ଶାହା ତାଙ୍କ ଭାଷଣରେ କଂଗ୍ରେସ ଏବଂ ଲୋକସଭାରେ ବିରୋଧୀ ଦଳ ନେତା ରାହୁଲ ଗାନ୍ଧୀଙ୍କୁ ମଧ୍ୟ ଟାର୍ଗେଟ କରିଥିଲେ। ସେ କହିଛନ୍ତି ଯେ ରାହୁଲ ଗାନ୍ଧୀଙ୍କ ପ୍ରଭାବରେ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ ମଧ୍ୟ ଅପ୍ରାସଙ୍ଗିକ ମନ୍ତବ୍ୟ ଦେବା ଆରମ୍ଭ କରିଛନ୍ତି। ଶାହା ଦାବି କରିଛନ୍ତି ଯେ ଆସାମରେ କଂଗ୍ରେସ ଏହାର ସବୁଠାରୁ ଖରାପ ଫଳାଫଳ ପାଇବ। ସେ କହିଛନ୍ତି ଯେ କଂଗ୍ରେସ ପଶ୍ଚିମବଙ୍ଗରେ ଖାତା ଖୋଲି ପାରେ, କିନ୍ତୁ ତାମିଲନାଡୁ ଏବଂ ପୁଡୁଚେରୀରେ ଦୁଇ ଅଙ୍କରେ ପହଂଚିବ ନାହିଁ।

ହିନ୍ଦୁସ୍ଥାନ ସମାଚାର/ବୀଣାପାଣି

.......................................

ହିନ୍ଦୁସ୍ଥାନ ସମାଚାର / ବୀଣାପାଣି