ନୂଆ ଦିଲ୍ଲୀ, ୨୨ ଏପ୍ରିଲ (ହି.ସ.) ଦିଲ୍ଲୀ, ପଞ୍ଜାବ, ହରିୟାଣା ଏବଂ ଅନ୍ୟାନ୍ୟ ଅନେକ ରାଜ୍ୟରେ ପ୍ରବଳ ଗ୍ରୀଷ୍ମ ପ୍ରବାହ ପରିସ୍ଥିତି ଦେଖାଦେଇଛି। ଭାରତୀୟ ପାଣିପାଗ ବିଭାଗ ସତର୍କ କରାଇ ଦେଇଛି ଯେ ଆଗାମୀ ଚାରିରୁ ପାଂଚ ଦିନ ମଧ୍ୟରେ ଉତର-ପଶ୍ଚିମ, କେନ୍ଦ୍ରୀୟ ଏବଂ ପୂର୍ବ ଭାରତର ବିଭିନ୍ନ ସ୍ଥାନରେ ଗ୍ରୀଷ୍ମ ପ୍ରବାହ ପରିସ୍ଥିତି ତୀବ୍ର ହେବାର ସମ୍ଭାବନା ରହିଛି। ବୁଧବାର ଦିନ ଆଇଏମଡି କହିଛି ଯେ ୨୪ ଏବଂ ୨୫ ଏପ୍ରିଲରେ ପଞ୍ଜାବ, ହରିୟାଣା, ଚଣ୍ଡିଗଡ଼ ଏବଂ ଦିଲ୍ଲୀର କିଛି ଅଂଚଳରେ, ୨୩ ଏବଂ ୨୫ ଏପ୍ରିଲ ମଧ୍ୟରେ ପଶ୍ଚିମ ଉତର ପ୍ରଦେଶରେ ଏବଂ ୨୨ ଏବଂ ୨୬ ଏପ୍ରିଲ ମଧ୍ୟରେ ପୂର୍ବ ଉତର ପ୍ରଦେଶରେ ଗରମ ପ୍ରବାହ ସମ୍ଭାବନା ରହିଛି। ୨୪ ଏବଂ ୨୬ ଏପ୍ରିଲରେ ରାଜସ୍ଥାନରେ, ୨୩ ଏବଂ ୨୬ ଏପ୍ରିଲରେ ମଧ୍ୟପ୍ରଦେଶରେ, ୨୪ ଏବଂ ୨୭ ଏପ୍ରିଲରେ ଛତିଶଗଡ଼ରେ ଏବଂ ୨୨ ଏବଂ ୨୩ ଏପ୍ରିଲରେ ପଶ୍ଚିମବଙ୍ଗ, ବିହାର ଏବଂ ଝାଡ଼ଖଣ୍ଡର ଗାଙ୍ଗେୟ ସମତଳ ଅଂଚଳରେ ଗରମ ପ୍ରବାହ ସମ୍ଭାବନା ରହିଛି।

ଗ୍ରୀଷ୍ମ ପ୍ରବାହ ସତର୍କତା ସହିତ, ପାଣିପାଗ ବିଭାଗ ୨୨ ଏବଂ ୨୫ ଏପ୍ରିଲ ମଧ୍ୟରେ ଓଡ଼ିଶା, ଉପକୂଳ ଆନ୍ଧ୍ର ପ୍ରଦେଶ, ୟାନମ୍, ଗାଙ୍ଗେୟ ପଶ୍ଚିମବଙ୍ଗ, ତାମିଲନାଡୁ, ପୁଡୁଚେରୀ, କରିକାଲ, କେରଳ, ମହେ, ଉପକୂଳ କର୍ଣ୍ଣାଟକ ଏବଂ ଉପକୂଳ ଗୁଜରାଟର କିଛି ସ୍ଥାନରେ ଗରମ ଏବଂ ଆର୍ଦ୍ର ପରିସ୍ଥିତିର ପୂର୍ବାନୁମାନ କରିଛି।

ହରିଆଣା, ଚଣ୍ଡିଗଡ଼, ଦିଲ୍ଲୀ, ଓଡ଼ିଶାର କିଛି ଅଂଶ ଏବଂ କୋଙ୍କଣ ଏବଂ ଗୋଆରେ ରାତିରେ ଗରମ ପାଗ ଅନୁମାନ କରାଯାଉଛି।

ବର୍ଷା ଉତର-ପୂର୍ବ ଏବଂ ପୂର୍ବ ଭାରତର କିଛି ସ୍ଥାନରେ ପରିସ୍ଥିତିରେ କିଛି ଆଶ୍ୱସ୍ତି ଆଣିବାର ମଧ୍ୟ ଆଶା କରାଯାଉଛି। ପାଣିପାଗ ବିଭାଗ ସପ୍ତାହ ସାରା ଝଡ଼ବର୍ଷା ସହିତ ବିକ୍ଷିପ୍ତରୁ ବ୍ୟାପକ ବର୍ଷା ହେବାର ପୂର୍ବାନୁମାନ କରିଛି, ଉତର-ପୂର୍ବ ଅଂଚଳର ବିଚ୍ଛିନ୍ନ ସ୍ଥାନଗୁଡ଼ିକରେ ପ୍ରବଳରୁ ଅତି ପ୍ରବଳ ବର୍ଷା ହେବ।

-----------------------------

---------------

ହିନ୍ଦୁସ୍ଥାନ ସମାଚାର / ଗଗନ