କେଦାରନାଥ (ରୁଦ୍ରପ୍ରୟାଗ), ଉତ୍ତରାଖଣ୍ଡ, 22 ଏପ୍ରିଲ (ହି.ସ.)। କେଦାରନାଥ ଧାମର ଦ୍ୱାର ଆଜି ସକାଳ

8ଟାରେ ନିର୍ଦ୍ଧାରିତ ଲଗ୍ନାନୁସାରେ ବିଧି-ବିଧାନ ଓ ପୂଜା-ଅର୍ଚ୍ଚନା ପରେ ଶ୍ରଦ୍ଧାଳୁମାନଙ୍କ

ପାଇଁ ଖୋଲାଯାଇଛି। ଏହି ଅବସରରେ ମନ୍ଦିରକୁ ପ୍ରାୟ 51 କ୍ୱିଣ୍ଟାଲ ଫୁଲରେ ସଜାଯାଇଛି।

ଦେଶ-ବିଦେଶରୁ ବହୁ ସଂଖ୍ୟକ ଶ୍ରଦ୍ଧାଳୁ ଏହି ଅବସରରେ ଉପସ୍ଥିତ ରହିଛନ୍ତି। କବାଟ ଖୋଲିବାର ଶୁଭ

ଅବସରରେ ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମୀ ମଧ୍ୟ ପୂଜାରେ ଯୋଗଦେଇଥିଲେ। ବାବା କେଦାରଙ୍କ ଡୋଲୀ

ମଙ୍ଗଳବାର ସନ୍ଧ୍ୟାରେ ଗୌରୀକୁଣ୍ଡରୁ କେଦାରନାଥ ଧାମରେ ପହଞ୍ଚିଥିଲା।

କେଦାରନାଥ ଧାମର ଦ୍ୱାର ଖୋଲିବା ସହିତ ସମଗ୍ର ଧାମ “ହର-ହର

ମହାଦେବ” ଧ୍ୱନିରେ ଗୁଞ୍ଜରିତ ହୋଇଉଠିଥିଲା। ଏହା ସହିତ କେଦାରନାଥ ଯାତ୍ରାର ଶୁଭାରମ୍ଭ ହୋଇଥିଲା।

କପାଟୋଦ୍ଘାଟନରେ ଶହଶହ ସଂଖ୍ୟକ ଶ୍ରଦ୍ଧାଳୁ ସାକ୍ଷୀ ହୋଇଥିଲେ। ବାବା କେଦାରଙ୍କ ପଞ୍ଚମୁଖୀ ଚଳ

ବିଗ୍ରହ ଉତ୍ସବ ଡୋଲୀ ମଙ୍ଗଳବାର ସନ୍ଧ୍ୟା ପ୍ରାୟ 4:30ରେ କେଦାରନାଥ ଧାମରେ ପହଞ୍ଚିଥିଲା।

ଓଂକାରେଶ୍ୱର ମନ୍ଦିର, ଉଖୀମଠରୁ ଚାଲିଥିବା ଡୋଲି 17

କିଲୋମିଟର ପଦଯାତ୍ରା କରି ଜଙ୍ଗଲଚଟ୍ଟି, ରାମବାଡ଼ା, ଛୋଟ-ବଡ଼ ଲିଞ୍ଚୋଲି ଓ ବେସ କ୍ୟାମ୍ପ ହୋଇ ନିଜ ଧାମରେ

ପହଞ୍ଚିଥିଲା। ମନ୍ଦିର ପରିସରରେ ପହଞ୍ଚିବା ସହିତ ହଜାର ଶ୍ରଦ୍ଧାଳୁ “ହର-ହର ମହାଦେବ” ଓ “ଜୟ

ବାବା କେଦାର” ଧ୍ୱନିରେ ଡୋଳୀକୁ ଭବ୍ୟ ସ୍ୱାଗତ କରିଥିଲେ ଏବଂ ପୁଷ୍ପବର୍ଷା କରିଥିଲେ। ଡୋଲି

ମନ୍ଦିରର ପରିକ୍ରମା କରି ଭଣ୍ଡାର ଗୃହକୁ ପ୍ରବେଶ କରିଥିଲା, ଯେଉଁଠାରେ ବିଧିବଦ୍ଧ ପୂଜା-ଅର୍ଚ୍ଚନା କରାଯାଇଥିଲା।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା