ନୂଆଦିଲ୍ଲୀ, 24 ଏପ୍ରିଲ (ହି.ସ.)। ପଶ୍ଚିମ ଏସିଆରେ ଚାଲୁଥିବା ସଂଘର୍ଷ କାରଣରୁ ଆନ୍ତର୍ଜାତିକ ବଜାରରେ

ଆଜି ଲଗାତାର ପଞ୍ଚମ ଦିନ କ୍ରୁଡ୍ ଅଏଲ (ଅଶୋଧିତ ତେଲ) ଦାମରେ ବୃଦ୍ଧିର ଧାରା ଜାରି ରହିଛି।

ବ୍ରେଣ୍ଟ କ୍ରୁଡ୍ ଆଜି 107 ଡଲାର ପ୍ରତି ବ୍ୟାରେଲ୍ ସ୍ତର ପର୍ଯ୍ୟନ୍ତ ବଢ଼ିଛି। ସେହିପରି ଭାବେ

ୱେଷ୍ଟ ଟେକ୍ସାସ୍ ଇଣ୍ଟରମିଡିଏଟ୍ (ଡବ୍ଲ୍ୟୁଟିଆଇ) କ୍ରୁଡ୍ ମଧ୍ୟ ଆଜି 97.60 ଡଲାର ପ୍ରତି

ବ୍ୟାରେଲ୍ ସ୍ତରରେ ପହଞ୍ଚିଛି। ଏହା ପରେ ଅଶୋଧିତ ତେଲ ଦାମରେ ସାମନ୍ୟ ହ୍ରାସ ମଧ୍ୟ

ଦେଖାଯାଇଛି।

ଆମେରିକା ଓ ଇରାନ ମଧ୍ୟରେ ହେବାକୁ ଥିବା ଶାନ୍ତି ଆଲୋଚନା

ସ୍ଥଗିତ ହେବା ଏବଂ ହୋର୍ମୁଜ୍ ପ୍ରଣାଳୀ ମାମଲାରେ ଦୁଇ ଦେଶ ସାମ୍ନାସାମ୍ନି ଆସିବାରୁ ଏହି ମୁଖ୍ୟ

ସମୁଦ୍ରପଥ ମାଧ୍ୟମରେ ହେଉଥିବା ଅଶୋଧିତ ତେଲ ସରବରାହ ପ୍ରାୟ ଠପ୍ ହୋଇପଡ଼ିଛି ଏବଂ ନିକଟ

ଭବିଷ୍ୟତରେ ଏହା ଆରମ୍ଭ ହେବାର ସମ୍ଭାବନା ମଧ୍ୟ ଦେଖାଯାଉନାହିଁ। ଏହି କାରଣରୁ ଅଶୋଧିତ ତେଲ

ଦାମରେ ଲଗାତାର ବୃଦ୍ଧି ହେଉଛି।

ଆଜି ବ୍ରେଣ୍ଟ କ୍ରୁଡ୍ ବୃଦ୍ଧି ଦେଖାଇ 105 ଡଲାର ସ୍ତରରୁ

ଉପରକୁ ଯାଇ 106.12 ଡଲାର ପ୍ରତି ବ୍ୟାରେଲ୍ ସ୍ତରରେ ବ୍ୟବସାୟ ଆରମ୍ଭ କରିଥିଲା। କିଛି ସମୟ ପରେ

ଏହା 107 ଡଲାର ପ୍ରତି ବ୍ୟାରେଲ୍ ସ୍ତରକୁ ପହଞ୍ଚିଥିଲା। ଭାରତୀୟ ସମୟ ଅନୁସାରେ ସକାଳ 10ଟା

ପର୍ଯ୍ୟନ୍ତ ବ୍ୟବସାୟ ପରେ ବ୍ରେଣ୍ଟ କ୍ରୁଡ୍ 0.90 ପ୍ରତିଶତ ବୃଦ୍ଧି ସହ 105.99 ଡଲାର ପ୍ରତି

ବ୍ୟାରେଲ୍ ସ୍ତରରେ ବ୍ୟବସାୟ କରୁଥିଲା।

ସେହିପରି ଭାବେ ଡବ୍ଲ୍ୟୁଟିଆଇ କ୍ରୁଡ୍ ଆଜି 96 ଡଲାର ପ୍ରତି

ବ୍ୟାରେଲ୍ ସ୍ତରକୁ ଅତିକ୍ରମ କରି 96.77 ଡଲାର ପ୍ରତି ବ୍ୟାରେଲ୍ ସ୍ତରରୁ ବ୍ୟବସାୟ ଆରମ୍ଭ

କରିଥିଲା। କିଛି ସମୟ ପରେ ଏହା 97.60 ଡଲାର ପ୍ରତି ବ୍ୟାରେଲ୍ ସ୍ତରକୁ ପହଞ୍ଚିଥିଲା। ତଥାପି

ପରେ ଏହାର ଦାମରେ ସାନା ଗିରାବଟ ମଧ୍ୟ ଦେଖାଯାଇଛି। ଭାରତୀୟ ସମୟ ଅନୁସାରେ ସକାଳ 10ଟାରେ

ଡବ୍ଲ୍ୟୁଟିଆଇ କ୍ରୁଡ୍ 0.55 ପ୍ରତିଶତ ବୃଦ୍ଧି ସହ 96.38 ଡଲାର ପ୍ରତି ବ୍ୟାରେଲ୍ ସ୍ତରରେ

ବ୍ୟବସାୟ କରୁଥିଲା।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା