ୱାଶିଂଟନ/ନୂଆଦିଲ୍ଲୀ, ୨୪ ଏପ୍ରିଲ (ହି.ସି.)। ରାଷ୍ଟ୍ରୀୟ ସ୍ୱୟଂସେବକ ସଂଘର ସରକାର୍ଯ୍ୟବାହ (ମହାସଚିବ)

ଦତ୍ତାତ୍ରେୟ ହୋସବାଲେ କହିଛନ୍ତି ଯେ ପଶ୍ଚିମ ଏସିଆରେ ଚାଲିଥିବା ସଂଘର୍ଷ ସମ୍ପର୍କରେ ଭାରତ

ସରକାରଙ୍କ ନୀତି, ପ୍ରତିକ୍ରିୟା ଏବଂ ଚିନ୍ତାଧାରା ସହିତ ଆମେ ସମ୍ପୂର୍ଣ୍ଣ

ଭାବେ ଏକତ୍ର ଅଛୁ। ଆମର ପୃଥକ କୌଣସି ମତ ନାହିଁ।

ସେ ଏହା ମଧ୍ୟ କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର

ମୋଦିଙ୍କ ପ୍ରତି ଆମକୁ ଗର୍ବ ଅଛି ଏବଂ ସେ ମଧ୍ୟ ଆମ ସଂଗଠନ ସହିତ ଯୋଡ଼ା ହେବାକୁ ନେଇ ଗର୍ବ

କରନ୍ତି।

ୱାଶିଂଟନ (ଡି.ସି.)ର ପ୍ରସିଦ୍ଧ ହଡସନ ଇନ୍ଷ୍ଟିଟ୍ୟୁଟ୍ର

ତତ୍ତ୍ୱାବଧାନରେ ଆୟୋଜିତ ଏକ ଆଲୋଚନା କାର୍ଯ୍ୟକ୍ରମରେ ବରିଷ୍ଠ ସାମ୍ବାଦିକ ଏବଂ ‘ଦ ଓଲ୍

ଷ୍ଟ୍ରିଟ୍ ଜର୍ନାଲ୍’ର ସ୍ତମ୍ଭକାର ୱାଲ୍ଟର ରସେଲ୍ ମିଡ୍ ସହିତ କଥାବାର୍ତ୍ତା ସମୟରେ ସେ ଭାରତୀୟ

ଜନତା ପାର୍ଟି, ସରକାର ଏବଂ ସଂଘ ସମ୍ପର୍କିତ ପ୍ରଶ୍ନଗୁଡ଼ିକର ଉତ୍ତର ଦେଇ

ଏହି କଥା କହିଥିଲେ।

ଦତ୍ତାତ୍ରେୟ ହୋସବାଲେ ସ୍ପଷ୍ଟ କରି କହିଛନ୍ତି ଯେ ୧୯୮୦

ମସିହାରେ ଭାରତୀୟ ଜନତା ପାର୍ଟିର ସ୍ଥାପନା ଠାରୁ ଏହାର ନେତା ଏବଂ ସଂଗଠକମାନେ ଆମ ସହିତ ଯୋଡ଼ି

ହୋଇ ରହିଛନ୍ତି। ସଂଘ ଚିନ୍ତାଧାରାରୁ ପ୍ରେରିତ ୪୦ରୁ ଅଧିକ ସଂଗଠନର ଏକ ଦେଶବ୍ୟାପୀ ତନ୍ତ୍ର

ରହିଛି।

ସେ ଆମେରିକୀୟ ଡାୟାସ୍ପୋରାର କିଛି ପ୍ରଶ୍ନର ଉତ୍ତର ଦେଇ

କହିଛନ୍ତି ଯେ ଆମେରିକାର ଭାରତୀୟ ବଂଶୋଦ୍ଭବର ନାଗରିକମାନଙ୍କର ଦାୟିତ୍ୱ ହେଉଛି ନିଜ ଦେଶ

(ଆମେରିକା)ର ନାଗରିକ କର୍ତ୍ତବ୍ୟ ପାଳନ କରିବା ସହିତ ନିଜ ସାଂସ୍କୃତିକ ପରିଚୟକୁ ସମ୍ମାନ ଦେବା

ପାଇଁ କାର୍ଯ୍ୟ କରିବା।

ଏକ ପ୍ରଶ୍ନର ଉତ୍ତରରେ ସେ ସ୍ୱୀକାର କରିଛନ୍ତି ଯେ କେବଳ

ଆମେରିକୀୟମାନଙ୍କ ମଧ୍ୟରେ ନୁହେଁ, ଭାରତରେ ମଧ୍ୟ ସଂଘ ସମ୍ପର୍କରେ

ବହୁତ ଭ୍ରାନ୍ତି ରହିଛି। ଆମେ ଆମର ଏହି ଶତାବ୍ଦୀ ବର୍ଷରେ “ପଞ୍ଚ ପରିବର୍ତ୍ତନ” କାର୍ଯ୍ୟକ୍ରମ

ମାଧ୍ୟମରେ ସାଧାରଣ ଜନତାଙ୍କ ପାଖକୁ ଯାଉଛୁ।

ସେ କହିଛନ୍ତି ଯେ ଭାରତର ଦର୍ଶନ ସମଗ୍ର ବିଶ୍ୱକୁ ଏକ ପରିବାର

ଭାବେ ଦେଖେ। ଏହି ଆଧ୍ୟାତ୍ମିକ ଚିନ୍ତାଧାରା ଆମ ସାଂସ୍କୃତିକ ମୂଲ୍ୟରେ ରହିଛି। ଏହାକୁ ଆଧାର

କରି ରାଷ୍ଟ୍ରୀୟ ସ୍ୱୟଂସେବକ ସଂଘ ଦେଶ, ସମାଜ ଏବଂ ସମଗ୍ର ମାନବତାର ମଙ୍ଗଳ

ପାଇଁ ଜନଜାଗରଣ କାର୍ଯ୍ୟ କରୁଛି ଏବଂ ଆଗକୁ ମଧ୍ୟ ଏହି କାର୍ଯ୍ୟ ଜାରି ରଖିବ।

ଅମେରିକା ପ୍ରବାସରେ ଯାଇଥିବା ରାଷ୍ଟ୍ରୀୟ ସ୍ୱୟଂସେବକ ସଂଘର

ସରକାର୍ଯ୍ୟବାହ ହଡସନ ଇନ୍ଷ୍ଟିଟ୍ୟୁଟ୍ର ଆଲୋଚନାରେ କହିଛନ୍ତି ଯେ, ଯେତେବେଳେ ଆମେ ଆମର ଗତ ୧୦୦ ବର୍ଷର ଯାତ୍ରାକୁ ଦେଖୁଛୁ ଏବଂ ବୁଝୁଛୁ ଯେ ଆମର ଶକ୍ତି ଦିନକୁ

ଦିନ ବଢ଼ିଛି, ସେତେବେଳେ ଆମ ମନରେ କୌଣସି ଅହଂକାର ଆସେ ନାହିଁ, ବରଂ ନମ୍ରତାର ଭାବ ଉତ୍ପନ୍ନ ହୁଏ। ଆମର ଏହି ଚିନ୍ତା ଆଉ ମଜବୁତ ହୁଏ ଯେ ଆମକୁ ସତ୍ୟ

ମାନବତାର ସେବା ପାଇଁ ନିରନ୍ତର କାର୍ଯ୍ୟ କରିବାକୁ ହେବ।

ସେ କହିଛନ୍ତି ଯେ ୧୦୦ ବର୍ଷ ପୂର୍ବେ କିଛି ବାଳକଙ୍କ ସହିତ

ଆରମ୍ଭ ହୋଇଥିବା ସଂଘ, ଦୈନିକ ଚାଲୁଥିବା ଅନନ୍ୟ ଶାଖା

ପ୍ରଣାଳୀର ଶକ୍ତିରେ ଆଜି ବିଶ୍ୱର ସବୁଠାରୁ ବଡ଼ ସଂଗଠନ ହୋଇପାରିଛି।

ସେ ସ୍ୱୟଂସେବକ ଏବଂ ଭଲ୍ୟୁଣ୍ଟିଅର ମଧ୍ୟରେ ତଫାତ ସ୍ପଷ୍ଟ

କରି କହିଛନ୍ତି ଯେ, କୌଣସି ସଂଗଠନର ଭଲ୍ୟୁଣ୍ଟିଅରମାନେ

କିଛି ଘଣ୍ଟା ପାଇଁ କାମ କରନ୍ତି ଏବଂ ତାହାର ବଦଳରେ କିଛି ଟଙ୍କା, ସମ୍ମାନ କିମ୍ବା ପରିଚିତି ମିଳେ। କିନ୍ତୁ ସଂଘର ସ୍ୱୟଂସେବକମାନଙ୍କ ମଧ୍ୟରେ ଶାଖାର ସେଇ ଏକ

ଘଣ୍ଟାରୁ ଏମିତି ସଂସ୍କାର ଗଢ଼ିଉଠେ ଯାହା ତାଙ୍କ ମନରେ ପ୍ରଥମ ଦିନରୁ ହିଁ ସମାଜ ଏବଂ ରାଷ୍ଟ୍ର

ପ୍ରତି ନିସ୍ୱାର୍ଥ ସେବାର ଭାବ ଜାଗ୍ରତ କରେ। ବାସ୍ତବରେ ସ୍ୱୟଂସେବକ ଏକ ଜୀବନଶୈଳୀ।

ୱାଲ୍ଟର ରସେଲ୍ ମିଡ୍ଙ୍କ ଏକ ପ୍ରଶ୍ନର ଉତ୍ତରରେ ସଂଘର ସରକାର୍ଯ୍ୟବାହ

କହିଛନ୍ତି ଯେ, ଆମେରିକୀୟମାନଙ୍କର କେବଳ ସଂଘ ସମ୍ପର୍କରେ ନୁହେଁ, ଭାରତ ସମ୍ପର୍କରେ ମଧ୍ୟ କିଛି ଭ୍ରାନ୍ତି ରହିଛି। ସେମାନେ ଆଜି ମଧ୍ୟ ଭାରତକୁ ତାହାର

ଜନସଂଖ୍ୟା,

ସଂସ୍କୃତି, ସାମାଜିକ ପ୍ରଥା ଏବଂ ଆଚରଣ ଦେଖି ମଇଳା ଏବଂ ସର୍ପ ଧରା ଦେଶ

ଭାବେ ଭାବନ୍ତି।

କିନ୍ତୁ ଭାରତର ଚିନ୍ତା ଏବଂ ଦର୍ଶନ ସମଗ୍ର ବିଶ୍ୱକୁ ଏକ

ପରିବାର ଭାବେ ଦେଖିବାର ଏକ ମହାନ ଧାରଣା ଦେଇଛି। ଭାରତ ଆଜି ମଧ୍ୟ ନିଜର ମହାନ ସଂସ୍କୃତି ଏବଂ

ଚିନ୍ତାଧାରା ସହିତ ଆଧୁନିକତା ଓ ବିକାଶର ପଥରେ ଚାଲି ବିଶ୍ୱର ଚତୁର୍ଥ ବଡ଼ ଅର୍ଥନୀତି

ହୋଇପାରିଛି ଏବଂ ଚନ୍ଦ୍ରପର୍ଯ୍ୟନ୍ତ ପହଞ୍ଚିଛି।

ସେ କହିଛନ୍ତି ଯେ ଭାରତ ସମ୍ପର୍କରେ, ସେଠାର ଅଳ୍ପସଂଖ୍ୟକମାନଙ୍କ ସମ୍ପର୍କରେ, ପଡ଼ୋଶୀ ଦେଶମାନଙ୍କ ସହିତ ସମ୍ପର୍କ କିମ୍ବା ବିଶ୍ୱ ପରିପ୍ରେକ୍ଷିତରେ ଭାରତର ଭୂମିକା

ସମ୍ପର୍କରେ ଆମର ସ୍ପଷ୍ଟ ମତ ହେଉଛି ଯେ ନିରନ୍ତର ସଂଳାପ ଏବଂ ଲୋକେ-ଲୋକେ ମଧ୍ୟରେ ସମ୍ପର୍କ

ମାଧ୍ୟମରେ ହିଁ ସମସ୍ତ ଭ୍ରାନ୍ତି ଦୂର ହେବ, ସମସ୍ୟା ଶେଷ ହେବ ଏବଂ ସଦ୍ଭାବର ପରିବେଶ ସୃଷ୍ଟି ହେବ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା