ମାଲଦା, 3 ଏପ୍ରିଲ (ହି.ସ) ପଶ୍ଚିମବଙ୍ଗର

କାଲିଆଚକରେ ଘଟିଥିବା ହିଂସାତ୍ମକ ଘଟଣାକୁ ନେଇ ପୁଲିସ କୋର୍ଟରେ ତାର ବିସ୍ତୃତ ରିପୋର୍ଟ ଦାଖଲ

କରିଛି, ଯେଉଁଥିରେ କିଛି ଗୁରୁତ୍ୱପୂର୍ଣ୍ଣ ଓ ଆଶ୍ଚର୍ଯ୍ୟଜନକ ଖୁଲାସା ହୋଇଛି।

ରିପୋର୍ଟ ଅନୁସାରେ, ଏହି ଘଟଣା ହଠାତ୍ ଘଟିନଥିଲା, ବରଂ ପୂର୍ବ ଯୋଜନା ଅନୁଯାୟୀ କରାଯାଇଥିଲା, ଯେଉଁଥିରେ ନ୍ୟାୟିକ ଅଧିକାରୀ, ପୁଲିସ ଓ କେନ୍ଦ୍ରୀୟ ବଳକୁ ଟାର୍ଗେଟ କରାଯାଇଥିଲା।

ମୋଥାବାଡ଼ି ଥାନା ପୁଲିସ

ଦ୍ୱାରା ଶୁକ୍ରବାର ଦାଖଲ କରାଯାଇଥିବା ରିପୋର୍ଟରେ କୁହାଯାଇଛି ଯେ, ବିଡିଓ କାର୍ଯ୍ୟାଳୟରୁ ବାହାରୁଥିବା ସମୟରେ ନ୍ୟାୟାଧୀଶମାନଙ୍କର

କାଫିଲା ଉପରେ ଆକ୍ରମଣ ହୋଇଥିଲା। ଆକ୍ରମଣକାରୀମାନେ ବ୍ୟାରିକେଡ୍ ଲଗାଇ କାଫିଲାକୁ ଅଟକାଇଥିଲେ ଓ

ପଥରମାଡ଼ ଆରମ୍ଭ କରିଥିଲେ। ଏହି ସମୟରେ କେବଳ ଜଜମାନଙ୍କର କାଫିଲା ନୁହେଁ, ପୁଲିସ ଓ କେନ୍ଦ୍ରୀୟ ଅର୍ଧସେନା ବଳର ଗାଡ଼ିମାନଙ୍କୁ ମଧ୍ୟ ଲକ୍ଷ୍ୟ

କରାଯାଇଥିଲା।

ରିପୋର୍ଟ ଅନୁସାରେ, ଯେତେବେଳେ କେନ୍ଦ୍ରୀୟ ବଳର ଯବାନମାନେ ଅଂଚଳରେ ରକ୍ଷା କରିବା ପାଇଁ

ପହଞ୍ଚିଥିଲେ,

ସେମାନଙ୍କୁ ମଧ୍ୟ ଆକ୍ରମଣ କରାଯାଇଥିଲା। ସିଆରପିଏଫଗାଡ଼ିର କାଚ ଭାଙ୍ଗି ଦିଆଯାଇଥିଲା ଓ ସେଥିରେ ପଥରମାଡ଼ କରାଯାଇଥିଲା।

ଏହି ଘଟଣାରେ ଜଣେ ଚାଳକ ଆହତ ହୋଇଥିଲେ, ଯେଉଁଥିରେ ସିଆରପିଏଫର ଜଣେ

ସବ୍-ଇନ୍ସପେକ୍ଟର ଓ ଅନ୍ୟ ଜଣେ କର୍ମଚାରୀ ମଧ୍ୟ ଆହତ ହୋଇଥିଲେ। ସମୁଦାୟ ଭାବେ ଦୁଇରୁ ତିନି ଜଣ

କେନ୍ଦ୍ରୀୟ ବଳର ଯବାନ ଆହତ ହୋଇଥିବା ସୂଚନା ମିଳିଛି।

ପୁଲିସ ତାର ରିପୋର୍ଟରେ ଦାବି

କରିଛି ଯେ, ବିଡିଓ କାର୍ଯ୍ୟାଳୟ ସମ୍ମୁଖରେ ପୂର୍ବରୁ ହିଁ ଭିଡ଼ ଜମା

କରାଯାଇଥିଲା। ଏପ୍ରିଲ 1 ତାରିଖ ସନ୍ଧ୍ୟା ପ୍ରାୟ 100 ଅଜଣା ଲୋକ ସେଠାରେ ଏକତ୍ରିତ ହୋଇଥିଲେ ଓ

ପୂର୍ବ ଯୋଜନା ଅନୁଯାୟୀ କାଫିଲା ଉପରେ ଆକ୍ରମଣ କରିଥିଲେ। ଏହି ସମୟରେ ରାସ୍ତାକୁ ଅବରୋଧ

କରାଯାଇଥିଲା ଓ ଲଗାତାର ପଥରମାଡ଼ ହୋଇଥିଲା।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା