କୋଲକାତା, ୩ ଅପ୍ରେଲ (ହି.ସ.)- ପଶ୍ଚିମବଙ୍ଗ ବିଧାନସଭା ନିର୍ବାଚନ ପାଇଁ ଭବାନୀପୁର ଆସନରୁ ଭାରତୀୟ ଜନତା ପାର୍ଟି (ବିଜେପି) ପ୍ରାର୍ଥୀ ତଥା ରାଜ୍ୟ ବିଧାନସଭାରେ ବିରୋଧୀ ଦଳ ନେତା ଶୁଭେନ୍ଦୁ ଅଧିକାରୀ ଗୁରୁବାର ନିଜର ନାମାଙ୍କନ ପତ୍ର ଦାଖଲ କରିଛନ୍ତି । ଏହି ସମୟରେ ସେଠାରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ମଧ୍ୟ ଉପସ୍ଥିତ ଥିଲେ ।
ଶୁଭେନ୍ଦୁ ଅଧିକାରୀଙ୍କ ନାମାଙ୍କନ ସହିତ ଦାଖଲ ହୋଇଥିବା ସତ୍ୟପାଠ ଅନୁଯାୟୀ, ୨୦୨୧ ତୁଳନାରେ ତାଙ୍କର ମୋଟ୍ ସମ୍ପତି ପ୍ରାୟ ୧୯.୬୫ ଲକ୍ଷ ଟଙ୍କା ହ୍ରାସ ପାଇଛି । ଯଦିଓ ତାଙ୍କର ଅସ୍ଥାବର ସମ୍ପତି ବୃଦ୍ଧି ପାଇଛି, କିନ୍ତୁ ତାଙ୍କ ସ୍ଥାବର ସମ୍ପତି ଯଥେଷ୍ଟ ହ୍ରାସ ପାଇଛି । ଏଥର ତାଙ୍କ ବିରୁଦ୍ଧରେ ଦାୟର ମାମଲା ସଂଖ୍ୟା ମଧ୍ୟ ବୃଦ୍ଧି ପାଇଛି ।
ସତ୍ୟପାଠ ଅନୁଯାୟୀ, ଶୁଭେନ୍ଦୁ ଅଧିକାରୀ ବର୍ତମାନ ନଗଦ ୧୨ ହଜାର ରଖିଛନ୍ତି । ତାଙ୍କର ସ୍ଥାବର ସମ୍ପତିର ମୂଲ୍ୟ ୨୪,୫୭,୬୦୦ ଏବଂ ତାଙ୍କର ଅସ୍ଥାବର ସମ୍ପତିର ମୂଲ୍ୟ ୬୧,୩୦,୦୦୦ । ଫଳସ୍ୱରୂପ, ତାଙ୍କର ମୋଟ୍ ସମ୍ପତି ୮୫,୮୭,୬୦୦ ବୋଲି ଆକଳନ କରାଯାଇଛି ।
୨୦୨୧ ଶପଥପତ୍ର ତୁଳନାରେ, ସେତେବେଳକୁ ତାଙ୍କ ପାଖରେ ନଗଦ ୫,୦୦୦ ଥିଲା । ତାଙ୍କର ସ୍ଥାବର ସମ୍ପତି ୫୯,୩୧,୬୪୭ ଏବଂ ତାଙ୍କର ଅସ୍ଥାବର ସମ୍ପତି ୪୬,୨୧,୧୦୨ ଟଙ୍କା ଥିଲା । ଏହିପରି, ଗତ ପାଂଚ ବର୍ଷ ମଧ୍ୟରେ, ତାଙ୍କର ସ୍ଥାବର ସମ୍ପତି ୩୪,୭୪,୦୪୭ ଟଙ୍କା ହ୍ରାସ ପାଇଛି, ଯେତେବେଳେକି ତାଙ୍କର ଅସ୍ଥାବର ସମ୍ପତି ୧୫,୫୮,୮୯୮ ଟଙ୍କା ବୃଦ୍ଧି ପାଇଛି ।
ହିନ୍ଦୁସ୍ଥାନ ସମାଚାର / ପ୍ରଦୀପ୍ତ
