ଜମ୍ମୁ, 30 ଏପ୍ରିଲ (ହି.ସ.)। ଜମ୍ମୁ-କାଶ୍ମୀରର ଶୀତକାଳୀନ ରାଜଧାନୀ ଜମ୍ମୁ

ଓ ଗ୍ରୀଷ୍ମକାଳୀନ ରାଜଧାନୀ ଶ୍ରୀନଗର ଆଜି ସିଧାସଳଖ ରେଳ ସେବା ଦ୍ୱାରା ଯୋଡ଼ାଯାଇଛି। ଏହା ସହିତ

ଶ୍ରୀନଗର ପାଇଁ ବନ୍ଦେ ଭାରତ ଏକ୍ସପ୍ରେସ ଟ୍ରେନର କ୍ଷମତା ଅଢେଇଇଗୁଣା ବଢ଼ାଯାଇଛି,

ଯାହା

ଫଳରେ ପର୍ଯ୍ୟଟକ, ତୀର୍ଥଯାତ୍ରୀ ଓ ସ୍ଥାନୀୟ ଲୋକମାନଙ୍କ ପାଇଁ ସହଜରେ ଟିକେଟ୍ ଉପଲବ୍ଧ ହେବ।

ଜମ୍ମୁ-କାଶ୍ମୀରର ମୁଖ୍ୟମନ୍ତ୍ରୀ ଉମର ଅବ୍ଦୁଲ୍ଲା, କେନ୍ଦ୍ରୀୟ ରେଳ,

ସୂଚନା

ଓ ପ୍ରସାରଣ, ଇଲେକ୍ଟ୍ରୋନିକ୍ସ ଓ ସୂଚନା ପ୍ରଯୁକ୍ତିମନ୍ତ୍ରୀ ଅଶ୍ୱିନୀ ବୈଷ୍ଣବ,

ପ୍ରଧାନମନ୍ତ୍ରୀ

କାର୍ଯ୍ୟାଳୟର ରାଜ୍ୟମନ୍ତ୍ରୀ ଡ଼ା. ଜିତେନ୍ଦ୍ର ସିଂହ ଏବଂ ସ୍ଥାନୀୟ ଜନପ୍ରତିନିଧିମାନେ ଜମ୍ମୁ

ରେଳୱେ ଷ୍ଟେସନରେ ଆୟୋଜିତ କାର୍ଯ୍ୟକ୍ରମରେ ଶ୍ରୀନଗର ବନ୍ଦେ ଭାରତ ଏକ୍ସପ୍ରେସ ଟ୍ରେନକୁ ସବୁଜ

ପତାକା ଦେଖାଇ ପ୍ରସ୍ଥାନ କରିଥିଲେ।

ପରେ ବୈଷ୍ଣବ ଓ ସିଂହ ଏହି ଟ୍ରେନରେ ଶ୍ରୀମାତା ବୈଷ୍ଣୋ ଦେବୀ କଟ୍ରା ପର୍ଯ୍ୟନ୍ତ ଯାତ୍ରା

କରିଥିଲେ ଏବଂ ସେଠାରୁ ସଡ଼କ ମାର୍ଗରେ ଅଞ୍ଜି ଖଣ୍ଡ ରେଲୱେ ସେତୁ ଓ ଚିନାବ ସେତୁର ନିରୀକ୍ଷଣ

ପାଇଁ ଯାଇଥିଲେ। ପୂର୍ବବର୍ଷ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦ୍ୱାରା ଶ୍ରୀମାତା ୱୈଷ୍ଣୋ

ଦେବୀ କଟ୍ରାରୁ ଶ୍ରୀନଗର ମଧ୍ୟରେ ଆରମ୍ଭ ହୋଇଥିବା 26401/26402 ଏବଂ 26403/26404 ବନ୍ଦେ

ଭାରତ ଏକ୍ସପ୍ରେସ ଟ୍ରେନଗୁଡ଼ିକୁ ବର୍ତ୍ତମାନ ଜମ୍ମୁରୁ ଆରମ୍ଭ କରାଯାଇଛି। ପ୍ରାୟ 266

କିଲୋମିଟର ଦୈର୍ଘ୍ୟର କରିଡୋରରେ ଏହି ଟ୍ରେନମାନଙ୍କର ନିୟମିତ ସେବା 2 ମଇ 2026ରୁ ଆରମ୍ଭ ହେବ।

ସେତେବେଳେ ଦୁଇଟି ଟ୍ରେନରେ 8ଟି କୋଚ୍ର ରେକ୍ ବ୍ୟବହାର ହେଉଥିଲା। ବର୍ତ୍ତମାନ 20-20 କୋଚ୍ର ରାକ୍

ଆଣାଯାଇଛି। ଅର୍ଥାତ୍ ବନ୍ଦେ ଭାରତ ଏକ୍ସପ୍ରେସ ଟ୍ରେନର କ୍ଷମତା ଅଢେଇଗୁଣା ବଢ଼ାଯାଇଛି।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା