ଧର୍ମଶାଳା, 30 ଏପ୍ରିଲ (ହି.ସ.)। ଲୋକସଭାରେ ବିରୋଧୀ ଦଳ ନେତା ରାହୁଲ ଗାନ୍ଧୀ

ଗୁରୁବାର ସକାଳେ ହିମାଚଳ ପ୍ରଦେଶର କାଙ୍ଗ୍ରା ପହଞ୍ଚିଛନ୍ତି। ସେ ସକାଳ ପ୍ରାୟ 8ଟାରେ କାଙ୍ଗ୍ରା

ବିମାନବନ୍ଦରରେ ଅବତରଣ କରିଥିଲେ। ଏହାପରେ ସେ ସଡ଼କ ମାର୍ଗରେ ସିଧା କାଙ୍ଗ୍ରାର ଗୁପ୍ତ ଗଙ୍ଗାରେ

ପହଞ୍ଚିଥିଲେ, ଯେଉଁଠାରେ ପଞ୍ଜାବ, ହିମାଚଳ ଓ

ଜମ୍ମୁ-କାଶ୍ମୀରର କଂଗ୍ରେସ ଅଧ୍ୟକ୍ଷମାନଙ୍କର ଟ୍ରେନିଂ କ୍ୟାମ୍ପ ଚାଲିଛି। ଏହି ସମୟରେ

ମୁଖ୍ୟମନ୍ତ୍ରୀ ସୁଖବିନ୍ଦର ସିଂହ ସୁଖୁ ଓ ପ୍ରଦେଶ କଂଗ୍ରେସ ଅଧ୍ୟକ୍ଷ ବିନୟ କୁମାର

ବିମାନବନ୍ଦରରେ ରାହୁଲ ଗାନ୍ଧୀଙ୍କୁ ସ୍ୱାଗତ କରିଥିଲେ ଏବଂ ପରେ ସେମାନେ ଏକାଠି ଗାଡ଼ିରେ

ଟ୍ରେନିଂ ଶିବିର ସ୍ଥଳ ଗୁପ୍ତ ଗଙ୍ଗାକୁ ପହଞ୍ଚିଥିଲେ। ଏଠାରେ ଗତ 10 ଦିନ ଧରି ତିନିଟି ରାଜ୍ୟର

80 ଜିଲ୍ଲା ଅଧ୍ୟକ୍ଷଙ୍କର ଟ୍ରେନିଂ ଚାଲିଥିଲା, ଯାହାର ଆଜି ଶେଷ ଦିନ।

ପ୍ରଦେଶ କଂଗ୍ରେସ ଅଧ୍ୟକ୍ଷ ବିନୟ କୁମାର କହିଛନ୍ତି ଯେ, ଏହି ଶିବିରରେ ରାହୁଲ

ଗାନ୍ଧୀ ସଂଗଠନକୁ ଶକ୍ତିଶାଳୀ କରିବା, ମିଡିଆ ପରିଚାଳନା,

ସୋସିଆଲ

ମିଡିଆର ପ୍ରଭାବଶାଳୀ ବ୍ୟବହାର, ଭୂମିସ୍ତରରେ ମତଦାତାଙ୍କ ସହିତ ସମ୍ପର୍କ

ସୃଷ୍ଟି କରିବା ଓ ବିପକ୍ଷ ଦଳମାନଙ୍କର ନାରେଟିଭ୍କୁ ପ୍ରତିଉତ୍ତର ଦେବା ବିଷୟରେ ପରାମର୍ଶ

ଦେବେ। ଏହି ଶିବିରଟି କଂଗ୍ରେସର ସଂଗଠନ ସୃଜନ କାର୍ଯ୍ୟକ୍ରମ ଅନୁସାରେ ଆୟୋଜିତ ହେଉଛି।

ଅନ୍ୟପଟେ, ରାହୁଲ ଗାନ୍ଧୀଙ୍କ ଦୌରାକୁ ଦୃଷ୍ଟିରେ ରଖି ସୁରକ୍ଷା ବ୍ୟବସ୍ଥା ପାଇଁ

କାଙ୍ଗ୍ରା ପରିବା ମଣ୍ଡୀରେ ଆଜି ଛୁଟି ଘୋଷଣା କରାଯାଇଛି। ଏହା ପୂର୍ବରୁ ବୁଧବାର ଏସପିଜି

କମାଣ୍ଡୋମାନେ କାଙ୍ଗ୍ରା ବିମାନବନ୍ଦରରୁ କାର୍ଯ୍ୟକ୍ରମ ସ୍ଥଳ ପର୍ଯ୍ୟନ୍ତ ଦୁଇଥର ସୁରକ୍ଷା

ଯାଞ୍ଚ ଓ ପାଟ୍ରୋଲିଂ କରିଥିଲେ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା