ନୂଆଦିଲ୍ଲୀ, ୦୬ ଏପ୍ରିଲ (ହି.ସ.)। ଭାରତୀୟ ଜନତା ପାର୍ଟି (ବିଜେପି) ଆଜି ନିଜର
ସ୍ଥାପନା ଦିବସ ପାଳନ କରୁଛି। ବିଜେପି ଏବଂ ବରିଷ୍ଠ ପାର୍ଟି ନେତା ଓ କେନ୍ଦ୍ରୀୟ ଗୃହ ଏବଂ
ସହକାରିତା ମନ୍ତ୍ରୀ ଅମିତ ଶାହ କାର୍ଯ୍ୟକର୍ତ୍ତା ଏବଂ ଦେଶବାସୀଙ୍କୁ ପାର୍ଟିର ସ୍ଥାପନା ଦିବସର
ଅବସରରେ ଶୁଭେଚ୍ଛା ଜଣାଇଛନ୍ତି।
ବିଜେପି ଏକ୍ସରେ ଲେଖିଛି, “ରାଷ୍ଟ୍ର ପ୍ରଥମ, ଅନ୍ତ୍ୟୋଦୟର ସଙ୍କଳ୍ପ ଏବଂ ‘ସେବା ହି ସଂଗଠନ’ର ମୂଳ ମନ୍ତ୍ରରେ
ଚାଲୁଥିବା ବିଶ୍ୱର ସବୁଠାରୁ ବଡ଼ ରାଜନୈତିକ ଦଳ ଭାରତୀୟ ଜନତା ପାର୍ଟିର ସ୍ଥାପନା ଦିବସରେ
ସମସ୍ତ କାର୍ଯ୍ୟକର୍ତ୍ତା ଏବଂ ଦେଶବାସୀଙ୍କୁ ଶୁଭେଚ୍ଛା।”
କେନ୍ଦ୍ରୀୟ ଗୃହମନ୍ତ୍ରୀ ଅମିତ ଶାହ ମଧ୍ୟ ସମସ୍ତ କାର୍ଯ୍ୟକର୍ତ୍ତାଙ୍କୁ
ବିଜେପିର ସ୍ଥାପନା ଦିବସର ଶୁଭେଚ୍ଛା ଜଣାଇଛନ୍ତି। ସେ ହ୍ୱାଟସ୍ଆପ୍ ବାର୍ତ୍ତାରେ ଲେଖିଛନ୍ତି, “ଡ଼ା. ଶ୍ୟାମା
ପ୍ରସାଦ ମୁଖର୍ଜୀ ଜୀ ଏବଂ ପଣ୍ଡିତ ଦୀନଦୟାଳ ଉପାଧ୍ୟାୟ ଜୀଙ୍କ ରାଷ୍ଟ୍ରବାଦୀ ଚିନ୍ତାଧାରା ଏବଂ
ବିଚାରଧାରାର ପ୍ରେରଣାରେ ଗଠିତ ଭାରତୀୟ ଜନତା ପାର୍ଟିର ସ୍ଥାପନା କେବଳ ଏକ ରାଜନୈତିକ ଘଟଣା
ନୁହେଁ, ବରଂ ରାଷ୍ଟ୍ର
ପୁନର୍ନିର୍ମାଣର ସଙ୍କଳ୍ପ ଥିଲା। ଶେଷ ଧାଡିର ଲୋକଙ୍କ ମଙ୍ଗଳର ମୂଳ ଭାବନା ସହ ଆରମ୍ଭ ହୋଇଥିବା
ବିଜେପି, ମୋଦୀଜୀଙ୍କ
ନେତୃତ୍ୱରେ ‘ସବକା ସାଥ, ସବକା ବିକାସ, ସବକା ବିଶ୍ୱାସ’
ମନ୍ତ୍ରକୁ ସାକାର କରିଛି।”
ସେ ଲେଖିଛନ୍ତି, “ବିଜେପି ଲୋକତନ୍ତ୍ରର ମୂଳକୁ ମଜବୁତ କରିବା ସହ ଦେଶକୁ ତୁଷ୍ଟିକରଣରୁ
ମୁକ୍ତ କରି ସୁଶାସନ ଏବଂ ପାରଦର୍ଶିତା ସ୍ଥାପନା କରିଛି। ଆଜି ବିଜେପି କେବଳ ଗୋଟିଏ ପାର୍ଟି
ନୁହେଁ, ବରଂ ୧୪୦ କୋଟି
ଦେଶବାସୀଙ୍କ ସ୍ୱପ୍ନ ଏବଂ ଆକାଂକ୍ଷାର ପ୍ରତିନିଧି ହୋଇପାରିଛି।”
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା