ନୂଆଦିଲ୍ଲୀ, ୬ ଅପ୍ରେଲ (ହି.ସ.)- ଭାରତୀୟ ଜନତା ପାର୍ଟି (ଭାଜପା)ର ୪୭ତମ ପ୍ରତିଷ୍ଠା ଦିବସ ଅବସରରେ ଦଳର ମୁଖ୍ୟାଳୟରେ ଜାତୀୟ ସଭାପତି ନୀତିନ ନବୀନ ପତାକା ଉତୋଳନ କରିଥିଲେ । ସେ ଡକ୍ଟର ଶ୍ୟାମା ପ୍ରସାଦ ମୁଖାର୍ଜୀ ଏବଂ ପଣ୍ଡିତ ଦୀନଦୟାଲ ଉପାଧ୍ୟାୟଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ଏହି ଅବସରରେ ସେ କହିଥିଲେ ଯେ, ରାଜନୀତି ଆମ ପାଇଁ କ୍ଷମତାର ମାଧ୍ୟମ ନୁହେଁ, ବରଂ ରାଷ୍ଟ୍ର ନୀତିର ମାର୍ଗ ଅଟେ । ଆମର ଯାତ୍ରା ସହଜ ନଥିଲା । ଏହି କାର୍ଯ୍ୟକ୍ରମରେ ଦଳର ଅନେକ ବରିଷ୍ଠ ନେତା ଏବଂ କର୍ମୀ ମଧ୍ୟ ଉପସ୍ଥିତ ଥିଲେ ।
ପତାକା ଉତୋଳନ ସହିତ କାର୍ଯ୍ୟକ୍ରମ ଆରମ୍ଭ କରି ଦଳର ରାଷ୍ଟ୍ରୀୟ ଅଧ୍ୟକ୍ଷ ନୀତିନ ନବୀନ ଡକ୍ଟର ଶ୍ୟାମା ପ୍ରସାଦ ମୁଖାର୍ଜୀ, ପଣ୍ଡିତ ଦୀନଦୟାଲ ଉପାଧ୍ୟାୟଙ୍କ ସହିତ ଅନେକ ପୂର୍ବତନ ଅଧ୍ୟକ୍ଷ ଏବଂ ନେତାମାନଙ୍କର ଉପଲବ୍ଧିକୁ ମନେ ପକାଇଥିଲେ । କର୍ମୀମାନଙ୍କୁ ସମ୍ବୋଧିତ କରି ସେ ସଂଗଠନକୁ ମଜବୁତ କରିବା ଏବଂ ଆଗାମୀ ନିର୍ବାଚନ ପାଇଁ ପ୍ରସ୍ତୁତ ରହିବା ନେଇ ଆହ୍ୱାନ ଦେଇଥିଲେ ।
ବିଜେପି ରାଷ୍ଟ୍ରୀୟ ଅଧ୍ୟକ୍ଷ ନୀତିନ ନବୀନ ଲକ୍ଷ ଲକ୍ଷ ସମର୍ପିତ କର୍ମୀଙ୍କୁ ପ୍ରେରଣା ଦେଇଥିଲେ ଯେଉଁମାନେ ପ୍ରଥମେ ରାଷ୍ଟ୍ରର ଆଦର୍ଶକୁ ଗ୍ରହଣ କରି ଦଳ ଏବଂ ସଂଗଠନକୁ ମଜବୁତ କରିଛନ୍ତି । ସେ କହିଛନ୍ତି ଯେ, ଆମ ପାଇଁ ରାଜନୀତି କ୍ଷମତା ହାସଲ କରିବାର ମାଧ୍ୟମ ନୁହେଁ, ବରଂ ରାଷ୍ଟ୍ର ନୀତିର ମାର୍ଗ ଅଟେ । ଆମର ଯାତ୍ରା ସହଜ ନୁହେଁ । ହଜାର ହଜାର କାର୍ଯ୍ୟକର୍ତା ଆମକୁ ଏହି ସ୍ଥିତିରେ ପହଂଚାଇବା ପାଇଁ କଷ୍ଟ ଏବଂ ତ୍ୟାଗ ସହିଛନ୍ତି । ପଶ୍ଚିମବଙ୍ଗ, କେରଳ ଏବଂ ଜମ୍ମୁ-କାଶ୍ମୀର ସମେତ ଅନେକ ରାଜ୍ୟରେ ଅନେକ କାର୍ଯ୍ୟକର୍ତା ବଳିଦାନ ଦେଇଛନ୍ତି । ମୁଁ ଆଜିର ଏହି ପବିତ୍ର ଦିବସରେ ସେମାନଙ୍କୁ ମୋର ଶ୍ରଦ୍ଧାଞ୍ଜଳି ଜଣାଉଛି ।
ହିନ୍ଦୁସ୍ଥାନ ସମାଚାର / ପ୍ରଦୀପ୍ତ