ଗୌହାଟି, ୭ ଏପ୍ରିଲ (ହି.ସ.)- ମଙ୍ଗଳବାର ଅପରାହ୍ନରେ ଆସାମରେ ଭୂମିକମ୍ପ ଅନୁଭୂତ ହୋଇଥିଲା। ଅପରାହ୍ନ ୨:୧୮:୩୧ ରେ ଏହି ଭୂକମ୍ପ ଅନୁଭୂତ ହୋଇଥିଲା।

ଭାରତୀୟ ଭୂକମ୍ପ ବିଜ୍ଞାନ କେନ୍ଦ୍ର ଅନୁଯାୟୀ, ଭୂମିକମ୍ପର ମାପ ରିକ୍ଟର ସ୍କେଲରେ ୪.୮ ଥିଲା। ଏହାର କେନ୍ଦ୍ରସ୍ଥଳ ଆସାମର ହାଇଲାକାଣ୍ଡି ଜିଲ୍ଲାରେ ଭୂତଳରୁ ପ୍ରାୟ ୫ କିଲୋମିଟର ଗଭୀରତାରେ ଅବସ୍ଥିତ ଥିଲା। ଭୂମିକମ୍ପର କେନ୍ଦ୍ରସ୍ଥଳ ୨୪.୮୨୩ ଉତର ଅକ୍ଷାଂଶ ଏବଂ ୯୨.୬୩୪ ପୂର୍ବ ଦ୍ରାଘିମାରେ ରେକର୍ଡ କରାଯାଇଛି।

ଭୂମିକମ୍ପ ଅନୁଭବ କରିବା ମାତ୍ରେ ଲୋକମାନେ ଭୟଭୀତ ହୋଇ ଘରୁ ବାହାରକୁ ବାହାରି ଆସିଥିଲେ। ତଥାପି, ଏହା ଆଶ୍ୱସ୍ତିର ବିଷୟ ଯେ ବର୍ତମାନ କୌଣସି ଜୀବନ କିମ୍ବା ସମ୍ପତି କ୍ଷୟକ୍ଷତିର ରିପୋର୍ଟ ନାହିଁ।

ପ୍ରଶାସନ ପରିସ୍ଥିତି ଉପରେ ନଜର ରଖିଛି ଏବଂ ଲୋକଙ୍କୁ ସତର୍କ ରହିବାକୁ ଅନୁରୋଧ କରାଯାଇଛି।

--------

---------------

ହିନ୍ଦୁସ୍ଥାନ ସମାଚାର / ଗଗନ