ନୂଆଦିଲ୍ଲୀ, ୦୭ ଏପ୍ରିଲ (ହି.ସ.)। ଦିଲ୍ଲୀ-ଏନସିଆରରେ ଆଜି ସକାଳେ ବର୍ଷା ହେବାରୁ
ପାଣିପାଗ ବଦଳିଛି । କିଛି ସ୍ଥାନରେ ଏଯାବତ୍
ମଧ୍ୟ ହାଲୁକା ଝିପିଝିପି ବର୍ଷା ହେଉଛି। ଆକାଶରେ ମେଘ ଛାଇଥିବା ସହିତ ପବନ ଯୋଗୁ ଶୀତ ଅନୁଭବ
ହେଉଛି। ଭାରତୀୟ ପାଣିପାଗ ବିଭାଗ ପୂର୍ବରୁ ହିଁ କହିଥିଲା ଯେ, ଦିଲ୍ଲୀ-ଏନସିଆରରେ
ଆଜି ଏବଂ କାଲି ପଶ୍ଚିମୀ ବିକ୍ଷୋଭର ପ୍ରଭାବରେ ହାଲୁକା ବର୍ଷା ଏବଂ ଜୋର ପବନ ବହିବ।
ଦିଲ୍ଲୀ-ଏନସିଆର ଏକ ପ୍ରମୁଖ ମହାନଗରୀୟ କ୍ଷେତ୍ର, ଯେଉଁଥିରେ ଦିଲ୍ଲୀ
ସହିତ ହରିୟାଣା, ଉତ୍ତର ପ୍ରଦେଶ ଏବଂ
ରାଜସ୍ଥାନର ପଡ଼ୋଶୀ ଜିଲ୍ଲାମାନେ ଅନ୍ତର୍ଭୁକ୍ତ।
ଭାରତୀୟ ପାଣିପାଗ ବିଭାଗ ଏହି ପାଣିପାଗ ପରିବର୍ତ୍ତନର କାରଣ ଭାବେ
ନୂତନ ପଶ୍ଚିମୀ ଝଡର ସକ୍ରିୟତାକୁ ଦର୍ଶାଇଛି। ବିଭାଗ କହିଛି ଯେ, ଆଜି ଏବଂ କାଲି
ହାଲୁକା ବର୍ଷା ସହିତ ୩୦ ରୁ ୫୦ କିଲୋମିଟର ପ୍ରତି ଘଣ୍ଟା ବେଗରେ ପବନ ବହିପାରେ। ସେହିପରି, ତାପମାତ୍ରାରେ ୩ ରୁ
୫ ଡିଗ୍ରୀ ସେଲସିୟସ ପର୍ଯ୍ୟନ୍ତ କମିବାର ସମ୍ଭାବନା ରହିଛି।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା