କୋଲକାତା, ୭ ଅପ୍ରେଲ (ହି.ସ.)- କେନ୍ଦ୍ର ସାମାଜିକ ନ୍ୟାୟ ଏବଂ ସଶକ୍ତିକରଣ ରାଷ୍ଟ୍ରମନ୍ତ୍ରୀ ରାମଦାସ ଅଠାୱଲେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ନିର୍ବାଚନ କମିଶନ ଏବଂ ଇଲେକ୍ଟ୍ରୋନିକ୍ ଭୋଟିଂ ମେସିନ୍ (ଇଭିଏମ) ବିଷୟରେ ପ୍ରଶ୍ନର ଉତର ଦେଇଛନ୍ତି । ସେ କହିଛନ୍ତି ଯେ ଇଭିଏମ ଏକ ନୂତନ ବ୍ୟବସ୍ଥା ନୁହେଁ ଏବଂ ଏଥିରେ କୌଣସି ତ୍ରୁଟି ନାହିଁ ।
ମଙ୍ଗଳବାର ଦିନ କୋଲକାତାରେ ପହଂଚି ନେତାଜୀ ସୁଭାଷ ଚନ୍ଦ୍ର ବୋଷ ଅନ୍ତର୍ଜାତୀୟ ବିମାନବନ୍ଦରରେ ଗଣମାଧ୍ୟମ ସହିତ କଥାବାର୍ତା କରି ଅଠାୱଲେ କହିଛନ୍ତି ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଇଭିଏମ୍ ବ୍ୟବସ୍ଥା ପ୍ରଚଳନ କରିନଥିଲେ, ବରଂ ଏହି ବ୍ୟବସ୍ଥା ଦେଶରେ ବହୁ ବର୍ଷ ଧରି ପ୍ରଚଳିତ ଏବଂ କଂଗ୍ରେସ ସରକାର ସମୟରେ ଆରମ୍ଭ ହୋଇଥିଲା ।
ସେ କହିଛନ୍ତି ଯେ, ପୂର୍ବରୁ ଭୋଟ୍ ଗଣନା ପାଇଁ ବହୁତ ସମୟ ଲାଗୁଥିଲା, କିନ୍ତୁ ଇଭିଏମ୍ ବ୍ୟବହାର ଗଣନା ପ୍ରକ୍ରିୟାକୁ ଦ୍ରୁତ ଏବଂ ସ୍ୱଚ୍ଛ କରିଛି । ସେ ବିଶ୍ୱାସ ପ୍ରକାଶ କରିଥିଲେ ଯେ ଇଭିଏମ୍ ରେ କୌଣସି ଅନିୟମିତତା ନାହିଁ ଏବଂ ନିର୍ବାଚନ ସମ୍ପୂର୍ଣ୍ଣ ସ୍ୱଚ୍ଛତାର ସହିତ କରାଯିବା ଉଚିତ ।
ଅଠାୱଲେ ଏହା ମଧ୍ୟ କହିଛନ୍ତି ଯେ ମମତା ବାନାର୍ଜୀଙ୍କୁ ୨୦୨୧ ପଶ୍ଚିମବଙ୍ଗ ବିଧାନସଭା ନିର୍ବାଚନରେ ବିପୁଳ ଜନସମର୍ଥନ ମିଳିଥିଲା ଏବଂ ସେହି ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମେତ ସମସ୍ତ ନେତା ତାଙ୍କ ବିଜୟ ପାଇଁ ତାଙ୍କୁ ଅଭିନନ୍ଦନ ଜଣାଇଥିଲେ ।
ହିନ୍ଦୁସ୍ଥାନ ସମାଚାର / ପ୍ରଦୀପ୍ତ