ନୂଆଦିଲ୍ଲୀ, ଏପ୍ରିଲ 8 (ହି.ସ) ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ) ରେପୋ ହାରକୁ

5.25 ପ୍ରତିଶତରେ ଅପରିବର୍ତ୍ତିତ ରଖିଛି। ଆରବିଆଇ ଗଭର୍ଣ୍ଣର ସଞ୍ଜୟ ମଲହୋତ୍ରା ବୁଧବାର ଚଳିତ

ଆର୍ଥିକ ବର୍ଷ 2026-27 ର ପ୍ରଥମ ମୁଦ୍ରା ନୀତି କମିଟି (ଏମପିସି) ର ତିନି ଦିନିଆ ସମୀକ୍ଷା

ବୈଠକ ପରେ ଏହି ସୂଚନା ଦେଇଛନ୍ତି।ଏମପିସି ବୈଠକରେ ନିଆଯାଇଥିବା ନିଷ୍ପତ୍ତି ଘୋଷଣା କରି ଆରବିଆଇ

ଗଭର୍ଣ୍ଣର ସଞ୍ଜୟ ମଲହୋତ୍ରା କହିଛନ୍ତି ଯେ ରେପୋ ହାରକୁ 5.25 ପ୍ରତିଶତରେ ଅପରିବର୍ତ୍ତିତ

ରଖାଯାଇଛି। ମଲହୋତ୍ରା କହିଛନ୍ତି ଯେ ଆରବିଆଇର ମୁଦ୍ରା ନୀତି କମିଟି 2026-27 ଆର୍ଥିକ ବର୍ଷର

ପ୍ରଥମ ମୁଦ୍ରା ସମୀକ୍ଷାରେ ସର୍ବସମ୍ମତିକ୍ରମେ ନୀତିଗତ ରେପୋ ହାରକୁ 5.25 ପ୍ରତିଶତରେ

ଅପରିବର୍ତ୍ତିତ ରଖିଛି।ଚଳିତ ଆର୍ଥିକ ବର୍ଷର ପ୍ରଥମ ଦ୍ୱିମାସିକ ମୁଦ୍ରା ନୀତି ସମୀକ୍ଷା

ଉପସ୍ଥାପନ କରି ସଞ୍ଜୟ ମଲହୋତ୍ରା କହିଛନ୍ତି ଯେ ପଶ୍ଚିମ ଏସିଆ ସଙ୍କଟ ଯୋଗାଣ ଶୃଙ୍ଖଳାକୁ

ପ୍ରଭାବିତ କରିଛି, କିନ୍ତୁ ଅନ୍ୟ ଅନେକ

ଦେଶ ତୁଳନାରେ ଭାରତର ଅର୍ଥନୈତିକ ମୌଳିକତା ଦୃଢ ରହିଛି। ଗଭର୍ଣ୍ଣର କହିଛନ୍ତି ଯେ ଇରାନ ସଙ୍କଟ

କାରଣରୁ ମୁଦ୍ରାସ୍ଫୀତି ପୁଣି ଥରେ ବିପଦ ସୃଷ୍ଟି କରିଛି। ଏଭଳି ସ୍ଥିତିରେ ନୀତିଗତ ସୁଧ ହାର

ହ୍ରାସ କରିବା ଅପେକ୍ଷା ଆର୍ଥିକ ପଦକ୍ଷେପକୁ ସମର୍ଥନ କରିବା ଏବଂ ଅଭିବୃଦ୍ଧି ହାର ବଜାୟ ରଖିବା

ଅଧିକ ଗୁରୁତ୍ୱପୂର୍ଣ୍ଣ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା