ଚେନ୍ନାଇ, 13 ମଇ (ହି.ସ.)। ତାମିଲନାଡୁ ବିଧାନସଭାରେ ମୁଖ୍ୟମନ୍ତ୍ରୀ ବିଜୟଙ୍କ

ନେତୃତ୍ୱାଧୀନ ତାମିଲଗା ଭେଟ୍ରି କଡଗମ୍ (ଟିଭିକେ) ସରକାର ଆସ୍ଥା ଭୋଟ୍ ହାସଲ କରିଛି। ବିଜୟଙ୍କୁ

ନିଜର ବହୁମତ ସାବ୍ୟସ୍ତ କରିବା ପାଇଁ 117 ଜଣ ବିଧାୟକଙ୍କ ସମର୍ଥନ ଆବଶ୍ୟକ ଥିଲା,

କିନ୍ତୁ

ସେ ସଦନରେ 144 ଜଣ ବିଧାନସଭା ସଦସ୍ୟଙ୍କ ସମର୍ଥନ ପାଇଥିଲେ। ସରକାରଙ୍କ ପକ୍ଷରେ ଏଆଇଏଡିଏମକେର

27 ଜଣ ସଦସ୍ୟ ମଧ୍ୟ ଭୋଟ୍ ଦେଇଥିଲେ।

ତାମିଲନାଡୁରେ ରାଜନୈତିକ ଚଞ୍ଚଳତା ମଧ୍ୟରେ ଆଜି ସକାଳ 9:30ରେ ବିଧାନସଭାର କାର୍ଯ୍ୟବିଧି

ଆରମ୍ଭ ହୋଇଥିଲା। ତାମିଲଗା ଭେଟ୍ରି କଡଗମ୍ ପାର୍ଟି ପାଇଁ ଆଜିର ଦିନ ବହୁତ ଗୁରୁତ୍ୱପୂର୍ଣ୍ଣ

ଥିଲା। ପ୍ରଥମ ଥର ପାଇଁ ରାଜ୍ୟରେ ନିର୍ବାଚନ ଲଢ଼ୁଥିବା ଟିଭିକେ ରାଜ୍ୟରେ ସରକାର ଗଠନ କରିଛି।

ଆଜି ଟିଭିକେ ସରକାରଙ୍କୁ ବିଧାନସଭାରେ ବହୁମତ ସାବ୍ୟସ୍ତ କରିବାକୁ ଥିଲା। ବିଧାନସଭା ଅଧ୍ୟକ୍ଷ

କାର୍ଯ୍ୟବିଧି ଆରମ୍ଭ କରିଥିଲେ। ଏହାପରେ ଟିଭିକେ ସରକାରଙ୍କ ଆସ୍ଥା ଭୋଟ୍ ପାଇଁ ଭୋଟିଂ

କରାଯାଇଥିଲା। ତାମିଲନାଡୁର ଟିଭିକେ ସରକାରକୁ କ୍ଷମତାରେ ରହିବା ପାଇଁ କମ୍ ସେ କମ୍ 118 ଜଣ

ବିଧାୟକଙ୍କ ସମର୍ଥନ ଆବଶ୍ୟକ ଥିଲା। ଆସ୍ଥାଭୋଟ୍ ସମୟରେ ସରକାରଙ୍କୁ 144 ଜଣ ସଦସ୍ୟଙ୍କ ସମର୍ଥନ

ମିଳିଥିଲା ଏବଂ ସେମାନେ ବହୁମତ ହାସଲ କରିଥିଲେ।

ଟିଭିକେ ସରକାରଙ୍କ ପକ୍ଷରେ ପାର୍ଟିର 106 ଜଣ ବିଧାୟକଙ୍କ ସହ କଂଗ୍ରେସର 5 ଜଣ,

ବିଦୁଥଲାଇ

ଚିରୁଥାଇଗଲ୍ କାଚିର 2 ଜଣ, ମାର୍କ୍ସବାଦୀ କମ୍ୟୁନିଷ୍ଟ ପାର୍ଟିର 2

ଜଣ, ଭାରତୀୟ କମ୍ୟୁନିଷ୍ଟ ପାର୍ଟିର 2 ଜଣ ଏବଂ ଇଣ୍ଡିଆନ୍ ୟୁନିୟନ୍

ମୁସଲିମ୍ ଲିଗ୍ର 2 ଜଣ ବିଧାୟକ ମଧ୍ୟ ଭୋଟ୍ ଦେଇଥିଲେ। ଏହାସହ ସ୍ୱାଧୀନ ବିଧାୟକ କାମରାଜ ମଧ୍ୟ

ସରକାରଙ୍କୁ ସମର୍ଥନ କରିଥିଲେ। ଏହାଛଡ଼ା ଏଆଇଏଡିଏମକେର 27 ଜଣ ସଦସ୍ୟ ମଧ୍ୟ ସରକାରଙ୍କ ପକ୍ଷରେ

ଭୋଟ୍ ଦେଇଥିଲେ। ଏହିପରି ମୁଖ୍ୟମନ୍ତ୍ରୀ ବିଜୟ ଗୃହରେ ବହୁମତ ସାବ୍ୟସ୍ତ କରିଛନ୍ତି।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା