ବଲାଙ୍ଗିର, ୧୪ ମଇ (ହି.ସ.)- ବଲାଙ୍ଗିର ଜିଲ୍ଲା ଆଗଲପୁର ବ୍ଲକ ଅନ୍ତର୍ଗତ ଐତିହାସିକ ଗ୍ରାମ କୁଟାସିଂହାରେ ଶବ୍ଦ ନୃତ୍ୟର ଆଦି ଗୁରୁ ଭଜମନ ଦାସ କଳା ପରିଷଦ ଆନୁକୂଲ୍ୟରେ ପଶ୍ଚିମ ଓଡ଼ିଶା ଭାଷା କଳା ସଂସ୍କୃତିର ପ୍ରଚାରକ ଗୁରୁ ଭଗବାନ ସାହୁଙ୍କ ଉପରେ ଆଲୋଚନାଚକ୍ର ଏବଂ କବିତା ଆସର ଅନୁଷ୍ଠିତ ହୋଇଯାଇଛି l ସୁରେଶ ଚନ୍ଦ୍ର ଦାସଙ୍କ ଆବାହକତ୍ବରେ ଅତିଥିଙ୍କ ଦ୍ୱାରା ଦ୍ବୀପ ପ୍ରଜ୍ଜ୍ୱଳନ ପରେ ଅଧିକାରୀ ପାତ୍ର ଅତିଥି ପରିଚୟ ପ୍ରଦାନ ଓ ସଭା କରିଥିଲେ। ଅନୁଷ୍ଠାନର ସଭାପତି ତଥା ସରପଞ୍ଚ ଡିଗ୍ରୀ ମେହେରଙ୍କ ସଭାପତିତ୍ବରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୂଖ୍ୟ ଅତିଥି ଆଶୁ କବି ବିପ୍ର ଚରଣ ସାହୁ, ମୁଖ୍ୟବକ୍ତା ସାହିତ୍ୟିକ ଉମାକାନ୍ତ ହୋତା, ସ୍ଵତନ୍ତ୍ର ଅତିଥି ଡଃ. ସୁବାସ ଚନ୍ଦ୍ର ପାତ୍ର, ସମ୍ମାନିତ ଅତିଥି ଭାବେ ସାଲେଭଟା ସମ୍ବାଦ ପ୍ରତିନିଧି ସନ୍ତୋଷ ବିଶି, ଆଗଲପୁର ବ୍ଲକ ବିଜେପି ମଣ୍ଡଳ ସଭାପତି ତଥା ସ୍ଵାସ୍ଥ୍ୟ ମନ୍ତ୍ରୀଙ୍କ କୁଟାସିଂହା ପଞ୍ଚାୟତ ନୋମିନି ନିରଞ୍ଜନ ଦେହେରି ପ୍ରମୁଖ ଯୋଗଦାନ କରି ଗୁରୁ ଭଗବାନ ସାହୁଙ୍କୁ ବାଦ୍ ଦେଇ ପଶ୍ଚିମ ଓଡ଼ିଶା ଭାଷା କଳା ସଂସ୍କୃତି ଉପରେ ଆଲୋଚନା ଅସମ୍ପୂର୍ଣ୍ଣ ବୋଲି ମତପ୍ରକାଶ କରି ଶବ୍ଦ ନୃତ୍ୟର ପ୍ରଚାର ଏବଂ ପ୍ରସାର ଉପରେ ଗୁରୁତ୍ୱାରୋପ କରିବା ସହ ଶବ୍ଦ ନୃତ୍ୟର ଆଦି ଗୁରୁ ଭଜମନ ଦାସଙ୍କ ସ୍ମୃତି ସ୍ତମ୍ଭ ଖୁବଶୀଘ୍ର କୁଟାସିଂହାରେ ସ୍ଥାପନା ପାଇଁ ପଦକ୍ଷେପ ନେବାକୁ ମତାମତ ପ୍ରକାଶ କରିଥିଲେ |

ଅନିରୁଦ୍ଧ ପାତ୍ର କାର୍ଯ୍ୟକ୍ରମକୁ ସଂଯୋଜନା କରିଥିବା ବେଳେ ଆନନ୍ଦ ପଶାୟତ ଧନ୍ୟବାଦ ଅର୍ପଣ କରିଥିଲେ। କାର୍ଯ୍ୟକ୍ରମ ପରିଚାଳନାରେ ପବିତ୍ର ମୋହନ ବେହେରା, ସରୋଜ କୁମାର ଦାସ, ପ୍ରଦୀପ ପାତ୍ର, ଗଣେଶ ପାଣ୍ଡେ, ମୂରଲୀଧର ସେଠୀ, ବିନାୟକ ବେହେରା, ଅଚ୍ୟୁତ ପଧାନ, କାର୍ତ୍ତିକ ପଧାନ, ରାଧେଶ୍ୟାମ ମେହେର,ସନମତ ସାହୁ, କୁନୁ ପାତ୍ର,ଜନ୍ମଜୟ ସାହୁ, ସୁଶିଲ କୁମାର ପଧାନ, କ୍ଷୀରୋଦ୍ର ପାତ୍ର,ତପନ ବେହେରା, ଦଶରଥ ପଧାନ, ରବିନ୍ଦ୍ର ପାତ୍ର, ଯୁଗୀନ୍ଦ୍ର ବେହେରା ପ୍ରମୁଖ ସହଯୋଗ କରିଥିଲେ।

ହିନ୍ଦୁସ୍ଥାନ ସମାଚାର / ଗୋପବନ୍ଧୁ