ଝାରସୁଗୁଡ଼ା, 15 ମେ (ହି.ସ.) ଡିଏଭି ସେଣ୍ଟର ଫର ଏକାଡେମିକ ଏକ୍ସଲେନ୍ସ, ନୂଆଦିଲ୍ଲୀର ନିର୍ଦ୍ଦେଶ ଓ ଓଡ଼ିଶା ଡିଏଭି ଅନୁଷ୍ଠାନସମୂହଙ୍କ ରିଜିଓନାଲ ଟ୍ରେନିଂ ସେଣ୍ଟରର ସହଯୋଗରେ ଝାରସୁଗୁଡ଼ା ଡିଏଭି ପବ୍ଲିକ ସ୍କୁଲ ପରିସରରେ ୧୨ ତାରିଖରୁ ଚାଲୁଥିବା ରାଜ୍ୟସ୍ତରୀୟ ମାଧ୍ୟମିକ ଇଂରାଜୀ ଶିକ୍ଷକ ଶିକ୍ଷୟିତ୍ରୀମାନଙ୍କ ତ୍ରିଦିବସୀୟ ଶିକ୍ଷକ ଦକ୍ଷତା ବିକାଶ କର୍ମଶାଳା ଉଦଯାପିତ ହୋଇଯାଇଛି । ଉଦଯାପନୀ ଅଧିବେଶନରେ ଆୟୋଜକ ତଥା ଝାରସୁଗୁଡ଼ା ଡିଏଭି ଅଧ୍ୟକ୍ଷ ଲକ୍ଷ୍ମୀକାନ୍ତ ଦେବତା, ବନହରପାଲି ଡିଏଭି ଅଧ୍ୟକ୍ଷା ଅନିତା ଭାଗ୍ୟରାଜ, ଲାଞ୍ଜିଗଡ଼ ଡିଏଭି ଅଧ୍ୟକ୍ଷା ମନଭିନ କୌର ଓ ବ୍ରଜରାଜନଗର ଇବ ଭ୍ୟାଲି ଡିଏଭି ଅଧ୍ୟକ୍ଷ ସୁଶାନ୍ତ କୁମାର ପ୍ରଧାନ ଉପସ୍ଥିତ ରହି ତ୍ରିଦିବସୀୟ କର୍ମଶାଳାକୁ ସଫଳତାର ସହିତ ଉଦଯାପନ କରିଥିଲେ । ଉଦଯାପନୀ ଅଧିବେଶନରେ ସମସ୍ତ ଅଧ୍ୟକ୍ଷ ତଥା ନିରୀକ୍ଷକ ଶିକ୍ଷାର୍ଥୀଶିକ୍ଷାର୍ଥିନୀମାନଙ୍କୁ କର୍ମଶାଳାରେ ଲଗାତାର ତିନି ଦିନ ଧରି ଆହରଣ କରିଥିବା ସମସ୍ତ ଅଭିନବ ଜ୍ଞାନ ଓ କଳା କୌଶଳର ସଦବିନିଯୋଗ କରିବା ଓ ଆଗାମୀ ସମୟରେ ଅଧିକ ଉନ୍ନତ ପ୍ରଦର୍ଶନ କରିବା ପାଇଁ ନିର୍ଦ୍ଦେଶ ଦେଇଥିଲେ । ଜାତୀୟ ଶିକ୍ଷାଗତ ଅନୁସନ୍ଧାନ ଓ ପ୍ରଶିକ୍ଷଣ ପରିଷଦ (ଏନ.ସି.ଇ.ଆର.ଟି)ଦ୍ଵାରା ନବ ପ୍ରଚଳିତ ଇଂରାଜୀ ପୁସ୍ତକ 'କାବେରୀ'ର ନୂତନ ବିଷୟବସ୍ତୁ, ଶିକ୍ଷଣ ପଦ୍ଧତି, କ୍ରିୟାମୂଳକ ଅଭିଗମ ଓ କୌଶଳଭିତ୍ତିକ ଅଧ୍ୟୟନକୁ ଅଧିକ ବୋଧଗମ୍ୟ ଓ ରୁଚିକର କରିବା ଲାଗି ଶିକ୍ଷକଶିକ୍ଷୟିତ୍ରୀମାନେ ସଂକଳ୍ପ ନେଇଥିଲେ ।
---------------
ହିନ୍ଦୁସ୍ଥାନ ସମାଚାର / ସଞ୍ଜୟ
