ଗୌହାଟୀ, ୧୯ ମଇ (ହି.ସ.) କଂଗ୍ରେସ ସାଧାରଣ ସମ୍ପାଦକ ରଣଦୀପ ସିଂହ ସୁରଜେୱାଲାଙ୍କୁ ଆସାମ ପୋଲିସର ଅପରାଧ ଶାଖା ସମନ କରିଛି ଏବ ମଇ ୨୩ ରେ ପଚରାଉଚରା ପାଇଁ ହାଜର ହେବାକୁ କୁହାଯାଇଛି। ମୁଖ୍ୟମନ୍ତ୍ରୀଙ୍କ ପତ୍ନୀ ରିଙ୍କି ଭୂୟାଁ ଶର୍ମାଙ୍କ ଦ୍ୱାରା ଦାଖଲ ହୋଇଥିବା ଏକ ମାମଲାରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି।

ପୋଲିସ ସୂତ୍ର ଅନୁଯାୟୀ, ରିଙ୍କି ଭୂୟାଁ ଶର୍ମାଙ୍କ ବିରୋଧରେ ମନଗଢ଼ା ଏବଂ ବିଭ୍ରାନ୍ତିକର ସୂଚନା ପ୍ରସାର ଅଭିଯୋଗର ତଦନ୍ତ ସମୟରେ ଏହି ସମନ ଜାରି କରାଯାଇଥିଲା।

କଂଗ୍ରେସ ନେତା ପୱନ ଖେରାଙ୍କୁ କ୍ରାଇମ୍ ବ୍ରାଞ୍ଚ୍ ଦ୍ୱାରା ଦୀର୍ଘ ସମୟ ଧରି ପଚରାଉଚରା କରାଯିବା ପରେ ଏହି କାର୍ଯ୍ୟାନୁଷ୍ଠାନ ନିଆଯାଇଛି। ସୂତ୍ରରୁ ପ୍ରକାଶ ଯେ ପଚରାଉଚରା ସମୟରେ ଖେରା ସ୍ୱୀକାର କରିଛନ୍ତି ଯେ କଂଗ୍ରେସ ସାଂସଦ ଗୌରବ ଗୋଗୋଇଙ୍କ ଦ୍ୱାରା ଏହି ସୂଚନା ପ୍ରଦାନ କରାଯାଇଥିଲା। ଅପରାଧ ଶାଖା ବର୍ତ୍ତମାନ କଥିତ ମିଥ୍ୟା ସୂଚନା ଏବଂ ଏହା ସହିତ ଜଡିତ ଯୋଗାଯୋଗ ନେଟୱାର୍କ ସମ୍ପର୍କରେ ବିସ୍ତୃତ ଅନୁସନ୍ଧାନ କରୁଛି।

--------

ହିନ୍ଦୁସ୍ଥାନ ସମାଚାର / ସମନ୍ୱୟ