ନୂଆଦିଲ୍ଲୀ, ୨୦ ମେ(ହି.ସ) ଜାତି ଜନଗଣନା ବିରୋଧରେ ଦାଖଲ ହୋଇଥିବା ଏକ ଆବେଦନକୁ ସୁପ୍ରିମକୋର୍ଟ ଖାରଜ କରିଦେଇଛନ୍ତି। ପ୍ରଧାନ ବିଚାରପତି ସୂର୍ଯ୍ୟକାନ୍ତଙ୍କ ନେତୃତ୍ୱାଧୀନ ଖଣ୍ଡପୀଠ କହିଛନ୍ତି ଯେ ଏହା ସରକାରଙ୍କ ଏକ ନୀତିଗତ ନିଷ୍ପତ୍ତି ଏବଂ ଏଥିରେ ହସ୍ତକ୍ଷେପ କରିବାର କୌଣସି କାରଣ ନାହିଁ।

ଏହି ଆବେଦନରେ ଦାବି କରାଯାଇଥିଲା ଯେ ଆଗାମୀ ଜନଗଣନାରେ ଜାତି ଭିତ୍ତିକ ଗଣନାକୁ ଅନ୍ତର୍ଭୁକ୍ତ କରାଯିବା ଉଚିତ ନୁହେଁ, କାରଣ ଏହାର ଅପବ୍ୟବହାର ହୋଇପାରେ। ଶୁଣାଣି ସମୟରେ ପ୍ରଧାନ ବିଚାରପତି କହିଥିଲେ ଯେ ପଛୁଆ ବର୍ଗରେ କେତେ ଲୋକ ଅଛନ୍ତି ତାହା ସରକାର ଜାଣିବା ଆବଶ୍ୟକ, ଯାହାଦ୍ୱାରା ସେମାନଙ୍କ କଲ୍ୟାଣ ପାଇଁ ଯୋଜନା ପ୍ରସ୍ତୁତ କରାଯାଇପାରିବ।

କୋର୍ଟ କହିଛନ୍ତି ଯେ ଜନଗଣନା ଜାତି ଭିତ୍ତିକ କି ନୁହେଁ ତାହା ସରକାରଙ୍କ ପାଇଁ ସମ୍ପୂର୍ଣ୍ଣ ନୀତିଗତ ବିଷୟ। ଅଦାଲତ ହସ୍ତକ୍ଷେପ କରିବାର ଆବଶ୍ୟକତା ନାହିଁ, ତେଣୁ ଏହି ପିଆଇଏଲକୁ ଖାରଜ କରାଯାଇଛି। ସୁଧାକର ଗୁମୁଲାଙ୍କ ଦ୍ୱାରା ଏହି ପିଟିସନ ଦାଖଲ କରାଯାଇଥିଲା।

ହିନ୍ଦୁସ୍ଥାନ ସମାଚାର / ସ୍ୱାଗତିକା