ନୂଆଦିଲ୍ଲୀ, ୨୬ ମେ(ହି.ସ) ପେଟ୍ରୋଲ ଏବଂ ଡିଜେଲ ମୂଲ୍ୟ ବୃଦ୍ଧି ହେବାର ଗୋଟିଏ ଦିନ ପରେ ଆଜି ସିଏନଜି. ମୂଲ୍ୟ ବୃଦ୍ଧି କରାଯାଇଛି। ଆଜିଠାରୁ ସିଏନଜିର ମୂଲ୍ୟ କିଲୋଗ୍ରାମ ପିଛା 2 ଟଙ୍କା ବୃଦ୍ଧି ପାଇଛି। ମେ 15 ପରଠାରୁ ଏହା ଚତୁର୍ଥ ବୃଦ୍ଧି। ଏହି ପରିବର୍ତ୍ତନ ସହିତ, ଜାତୀୟ ରାଜଧାନୀ ଦିଲ୍ଲୀରେ ସିଏନଜିର ମୂଲ୍ୟ ବର୍ତ୍ତମାନ କିଲୋଗ୍ରାମ ପିଛା 83.09 ଟଙ୍କା ରହିଛି।

ପୂର୍ବରୁ ସିଏନଜି ର ମୂଲ୍ୟ ମେ ୧୫ରେ 2 ଟଙ୍କା, ମେ ୨୩ରେେ 1 ଟଙ୍କା ବୃଦ୍ଧି କରାଯାଇଥିଲା। ଏହାର ପ୍ରଭାବ ଦିଲ୍ଲୀ-ଏନସିଆରରେ ସବୁଠାରୁ ଅଧିକ ଦେଖିବାକୁ ମିଳିଥାଏ। ଅଟୋ, ଟ୍ୟାକ୍ସି, ସ୍କୁଲ ଭ୍ୟାନ୍ ଏବଂ ଘରୋଇ କାରରେ ସି. ଏନ୍. ଜି. ର ସର୍ବାଧିକ ବ୍ୟବହାର କରାଯାଇଥାଏ। ଇନ୍ଧନ ମୂଲ୍ୟରେ କ୍ରମାଗତ ବୃଦ୍ଧି ପରିବହନ ଖର୍ଚ୍ଚ ବୃଦ୍ଧି ଏବଂ ଘରୋଇ ବଜେଟ୍ ଉପରେ ଚାପ ପକାଇବ ବୋଲି ଆଶା କରାଯାଉଛି।

ମଧ୍ୟପ୍ରାଚ୍ୟରେ ଚାଲିଥିବା ଉତ୍ତେଜନା କାରଣରୁ ଏହି ବୃଦ୍ଧି ଦେଖିବାକୁ ମିଳୁଛି। ହରମୁଜ ଷ୍ଟ୍ରେଟରେ ଜାହାଜ ଚଳାଚଳ ପ୍ରଭାବିତ ହୋଇଛି। ମଧ୍ୟପ୍ରାଚ୍ୟରେ ଇରାନ ଏବଂ ଆମେରିକା ମଧ୍ୟରେ ସଂଘର୍ଷ ପ୍ରାୟ 12 ସପ୍ତାହ ଧରି ଚାଲିଛି। ଫଳସ୍ୱରୂପ, ବିଶ୍ୱ ଶକ୍ତି ବଜାରରେ ମୂଲ୍ୟ କ୍ରମାଗତ ଭାବେ ବୃଦ୍ଧି ପାଉଛି। ଅଶୋଧିତ ତୈଳର ମୂଲ୍ୟ ମଧ୍ୟ ବୃଦ୍ଧି ପାଉଛି। ଗତକାଲି ପେଟ୍ରୋଲ-ଡିଜେଲ ମୂଲ୍ୟ ବୃଦ୍ଧି ପାଇବା ପରେ ଚଳିତ ବର୍ଷ ପ୍ରଥମ ଥର ପାଇଁ ମୂଲ୍ୟ 100 ଟଙ୍କା ଅତିକ୍ରମ କରିଛି।

--------

ହିନ୍ଦୁସ୍ଥାନ ସମାଚାର / ସ୍ୱାଗତିକା