ନୂଆଦିଲ୍ଲୀ, ୨୬ ମଇ (ହି.ସ.)- ଦକ୍ଷିଣ-ପଶ୍ଚିମ ମୌସୁମୀ, ଯାହା ଗତ ଚାରି ଦିନ ଧରି କେରଳରୁ ପ୍ରାୟ ୩୫ କିଲୋମିଟର ଦୂରରେ ଅଟକି ରହିଛି, ଆଗାମୀ ଦୁଇରୁ ତିନି ଦିନ ମଧ୍ୟରେ ଆଗକୁ ବଢ଼ିବା ପାଇଁ ପରିସ୍ଥିତି ଅନୁକୂଳ। ମୈସୁମିର ସମସ୍ତ ଆବଶ୍ୟକୀୟ ପରିସ୍ଥିତିର ଅଭାବ ଯୋଗୁଁ କେରଳରେ ଏହାର ଆଗମନ ଘୋଷଣା କରାଯାଇ ନାହିଁ।

ଭାରତ ପାଣିପାଗ ବିଭାଗ (ଆଇଏମଡି) ମଙ୍ଗଳବାର ଦିନ କହିଛି ଯେ ଦକ୍ଷିଣ-ପଶ୍ଚିମ ମୌସୁମୀ ଆଜି (ମଇ ୨୬) କେରଳରେ ପହଂଚିବ ବୋଲି ପୂର୍ବାନୁମାନ କରାଯାଇଥିଲା। ଏହା ମଧ୍ୟ ପୂର୍ବାନୁମାନ କରାଯାଇଥିଲା ଯେ ଏହା ଚାରି ଦିନ ପୂର୍ବରୁ କିମ୍ବା ପରେ ପହଂଚିବ, କିନ୍ତୁ ଗତ ଚାରି ଦିନ ଧରି ମୌସୁମୀ କେରଳରୁ ପ୍ରାୟ ୩୫ କିଲୋମିଟର ଦୂରରେ ଅଟକି ରହିଛି। ଯଦିଓ କେରଳରେ ବର୍ଷା ହେଉଛି, ମୌସୁମୀ ଆଗମନ ପାଇଁ ସମସ୍ତ ଆବଶ୍ୟକୀୟ ପରିସ୍ଥିତି ପୂରଣ ହୋଇନାହିଁ, ତେଣୁ ପାଣିପାଗ ବିଭାଗ ଏପର୍ଯ୍ୟନ୍ତ କେରଳରେ ମୌସୁମୀର ଆଗମନ ଘୋଷଣା କରିନାହିଁ।

----------------------

---------------

ହିନ୍ଦୁସ୍ଥାନ ସମାଚାର / ଗଗନ