ନୂଆଦିଲ୍ଲୀ, 26

ମଇ (ହି.ସ.) ଅସ୍ବାଭାବିକ ଜନସାଂଖିକୀୟ ପରିବର୍ତ୍ତନ ଏବଂ ବେଆଇନ ଅନୁପ୍ରବେଶର

ଅଧ୍ୟୟନ ପାଇଁ କେନ୍ଦ୍ର ସରକାର ଏକ ଉଚ୍ଚସ୍ତରୀୟ

କମିଟି ଗଠନ କରିଛନ୍ତି। ଅବସରପ୍ରାପ୍ତ ବିଚାରପତି ପ୍ରକାଶ ପ୍ରଭାକର ନାଓଲେକରଙ୍କ ନେତୃତ୍ୱରେ

ଗଠିତ ଏହି କମିଟି ଜାତୀୟ ସୁରକ୍ଷା ଏବଂ ସାମାଜିକ ପ୍ରଭାବକୁ ମୂଲ୍ୟାଙ୍କନ କରିବ।

ମଙ୍ଗଳବାର ଦିନ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଏ ସମ୍ପର୍କରେ ଘୋଷଣା କରି କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହା

କହିଛନ୍ତି ଯେ ଅନୁପ୍ରବେଶ ଏବଂ ଅନ୍ୟାନ୍ୟ କାରଣରୁ ଅସ୍ୱାଭାବିକ ଜନସାଂଖିକୀୟ ପରିବର୍ତ୍ତନ ଦେଶର

ବର୍ତ୍ତମାନ ଏବଂ ଭବିଷ୍ୟତ ପାଇଁ ଏକ ପ୍ରମୁଖ ଆହ୍ୱାନ। ଏହାର ମୁକାବିଲା ପାଇଁ କେନ୍ଦ୍ର ସରକାର 'ଜନସାଂଖିକୀୟ ପରିବର୍ତ୍ତନ ଉପରେ ଏକ ଉଚ୍ଚସ୍ତରୀୟ କମିଟି ଗଠନ

କରିଛନ୍ତି।

ସେ କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ 2025 ଅଗଷ୍ଟ 15

ତାରିଖ ଦିନ ଏହି ଉଚ୍ଚସ୍ତରୀୟ କମିଟି ଗଠନ କରିବାକୁ ଘୋଷଣା କରିଥିଲେ । ଅବସରପ୍ରାପ୍ତ ବିଚାରପତି

ପ୍ରକାଶ ପ୍ରଭାକର ନାଓଲେକରଙ୍କ ନେତୃତ୍ୱରେ ଗଠିତ ଏହି କମିଟିରେ ଦୁର୍ଗା ଶଙ୍କର ମିଶ୍ର

(ଅବସରପ୍ରାପ୍ତ ଆଇଏଏସ୍), ବାଲାଜୀ ଶ୍ରୀବାସ୍ତବ (ଅବସରପ୍ରାପ୍ତ ଆଇପିଏସ୍) ଏବଂ

ଡକ୍ଟର ଶାମିକା ରବି ସଦସ୍ୟ ଭାବେ ରହିବେ। ଗୃହ ମନ୍ତ୍ରଣାଳୟର ଯୁଗ୍ମ ସଚିବ (ଫରେନର୍ସ-1) କମିଟିର ସଦସ୍ୟ ସଚିବ ଭାବେ କାର୍ଯ୍ୟ କରିବେ।

ସ୍ୱରାଷ୍ଟ୍ର ମନ୍ତ୍ରୀ କହିଛନ୍ତି ଯେ ଜନସଂଖ୍ୟାଗତ ପରିବର୍ତ୍ତନ ହେଉଛି ଜାତୀୟ

ସାର୍ବଭୌମତ୍ୱ, ଜାତୀୟ ସୁରକ୍ଷା, ଆଇନ ଶୃଙ୍ଖଳା, ସାମାଜିକ ଢାଞ୍ଚା ଏବଂ ଆଦିବାସୀ ସମାଜର ସୁରକ୍ଷା ସହ ଜଡ଼ିତ ଏକ

ଗମ୍ଭୀର ସମସ୍ୟା। ବେଆଇନ ସ୍ଥାନାନ୍ତରଣ ଏବଂ ଅନ୍ୟାନ୍ୟ ଅସ୍ୱାଭାବିକ କାରଣରୁ ସାରା ଦେଶରେ

ଘଟୁଥିବା ଜନସଂଖ୍ୟା ପରିବର୍ତ୍ତନର ବିସ୍ତୃତ ଆକଳନ ଏହି କମିଟି କରିବ । ସେ ସୂଚନା ଦେଇଛନ୍ତି ଯେ କମିଟି ଧାର୍ମିକ ଏବଂ

ସାମାଜିକ ସମ୍ପ୍ରଦାୟ ସ୍ତରରେ ଅସ୍ୱାଭାବିକ ଜନସଂଖ୍ୟା ପରିବର୍ତ୍ତନର ଢାଞ୍ଚାକୁ ବିଶ୍ଳେଷଣ କରିବ

ଏବଂ ଏହାର ବ୍ୟବସ୍ଥିତ ଏବଂ ସମୟବଦ୍ଧ ସମାଧାନ ପରାମର୍ଶ ଦେବ।

ହିନ୍ଦୁସ୍ଥାନ ସମାଚାର / ସମନ୍ୱୟ