ନୂଆଦିଲ୍ଲୀ, ଜୁନ ୨୫ (ହି.ସ.) - କେନ୍ଦ୍ର ସଡ଼କ ପରିବହନ ଏବଂ ରାଜପଥ ମନ୍ତ୍ରୀ ନିତିନ ଗଡ଼କରୀ ବୁଧବାର ନୂଆଦିଲ୍ଲୀରେ ଆୟୋଜିତ ପୃଥକ ସମୀକ୍ଷା ବୈଠକରେ ତେଲେଙ୍ଗାନାରେ ୪,୯୩୧ କିଲୋମିଟର ଏବଂ କେନ୍ଦ୍ରଶାସିତ ଅଂଚଳ ଜାମ୍ମୁ କାଶ୍ମୀରରେ ୨,୦୩୫ କିଲୋମିଟର ରାସ୍ତାର ଉଦଘାଟନ କରିଛନ୍ତି। ଜାତୀୟ ରାଜପଥ ପ୍ରକଳ୍ପର ଗୁଣବତା, ରକ୍ଷଣାବେକ୍ଷଣ ଏବଂ ଅଗ୍ରଗତିର ସମୀକ୍ଷା କରାଯାଇଥିଲା। ଏହି ସମୀକ୍ଷା ବୈଠକରେ ସଡ଼କ ପରିବହନ ଏବଂ ରାଜପଥ ରାଷ୍ଟ୍ରମନ୍ତ୍ରୀ ହର୍ଷ ମାଲହୋତ୍ରା ମଧ୍ୟ ଉପସ୍ଥିତ ଥିଲେ।

ଗଣମାଧ୍ୟମ ରିପୋର୍ଟ, ସୋସିଆଲ ମିଡିଆ ପ୍ଲାଟଫର୍ମ ମାଧ୍ୟମରେ ମିଳିଥିବା ମତାମତ ଏବଂ ସଡ଼କ ପରିବହନ ଏବଂ ରାଜପଥ ମନ୍ତ୍ରଣାଳୟ, ଭାରତୀୟ ଜାତୀୟ ରାଜପଥ ପ୍ରାଧିକରଣ, ଜାତୀୟ ରାଜପଥ ଏବଂ ଭିତିଭୂମି ବିକାଶ ନିଗମ ଲିମିଟେଡ (ଏନଏଚଆଇଡିସିଏଲ) ଏବଂ ପ୍ରକଳ୍ପ ଠିକାଦାରମାନଙ୍କ ଠାରୁ ମିଳିଥିବା ସୂଚନା ଆଧାରରେ ଏହି ସମୀକ୍ଷା କରାଯାଇଥିଲା ବୋଲି ସଡ଼କ ପରିବହନ ଏବଂ ରାଜପଥ ମନ୍ତ୍ରଣାଳୟ ଗୁରୁବାର ଦିନ ଏକ ବିବୃତିରେ କହିଛି।

ହିନ୍ଦୁସ୍ଥାନ ସମାଚାର / ଭାନୁ ଚରଣ