ନୂଆଦିଲ୍ଲୀ, ଜୁନ୍ 25(ହି.ସ)-ରଷ୍ଟ୍ରୀୟ ଯାଞ୍ଚ ଏଜେନ୍ସି (ଏନଆଇଏ)ପଶ୍ଚିମବଙ୍ଗର ମାଲଦା ଜିଲ୍ଲାରେ ବିଧାନସଭା ନିର୍ବାଚନ ପୂର୍ବରୁ ସ୍ୱତନ୍ତ୍ର ସଘନ ସଂଶୋଧନ(ଏସଆଇଆର)ଅଭିଯାନ ସମୟରେ ହିଂସା, ରାସ୍ତା ଅବରୋଧ ଏବଂ ନ୍ୟାୟିକ ଅଧିକାରୀଙ୍କୁ ବନ୍ଧକ ରଖିବା ଘଟଣାରେ ଜଣେ ଅଭିଯୁକ୍ତଙ୍କୁ ଗିରଫ କରାଯାଇଛି।ଗିରଫ ଅଭିଯୁକ୍ତଙ୍କୁ ମାଲଦାର ମୋଥବାଡି ଅଞ୍ଚଳର ସ୍ଥାନୀୟ ରାଜନୈତିକ ନେତା ସାୟେମ୍ ଚୌଧୁରୀ ଓରଫ ବାବୁ ଚୌଧୁରୀ ଭାବରେ ଚିହ୍ନଟ କରାଯାଇଛି।ଏନଆଇଏ ଗୁରୁବାର କହିଛି ଯେ ସାୟେମ୍ ଚୌଧୁରୀଙ୍କୁ କୋଲକାତା ସ୍ଥିତ ଜେନ୍ସି ଶାଖା କାର୍ଯ୍ୟାଳୟରେ ପଚରାଉଚରା ପରେ ଅଟକ ରଖାଯାଇଛି। ଏହି ମାମଲାରେ ଏପର୍ଯ୍ୟନ୍ତ ମୋଟ 30 ଜଣ ଅଭିଯୁକ୍ତଙ୍କୁ ଗିରଫ କରାଯାଇଛି।ଏଜେନ୍ସି ଅନୁଯାୟୀ, ବିଧାନସଭା ନିର୍ବାଚନ ପୂର୍ବରୁ ମାଲଦା ଜିଲ୍ଲାରେ ଭୋଟର ତାଲିକାର ସ୍ୱତନ୍ତ୍ର ସଘନ ସଂଶୋଧନ (ଏସଆଇଆର ) ଅଭିଯାନ ସମୟରେ ଭିଡ଼ ପ୍ରତିବାଦ, ହିଂସା ଏବଂ ନ୍ୟାୟିକ ଅଧିକାରୀମାନଙ୍କୁ ଅବୈଧ ବନ୍ଦୀ କରିବା ସହିତ ଜଡିତ ଏକ ଡଜନରୁ ଅଧିକ ମାମଲାର ତଦନ୍ତ କରୁଛି।ତଦନ୍ତରୁ ଜଣାପଡିଛି ଯେ ସାୟେମ ଚୌଧୁରୀ ଏପ୍ରିଲ ୧ ତାରିଖରେ ବିଡିଓ କାର୍ଯ୍ୟାଳୟରେ ନ୍ୟାୟିକ ଅଧିକାରୀମାନଙ୍କୁ ବେଆଇନ ଭାବରେ ଅଟକ ରଖିବା ଘଟଣାରେ ମୁଖ୍ୟ ଅଭିଯୁକ୍ତ ଥିଲେ।ସେ ଆଇନ ଶୃଙ୍ଖଳା ବିପର୍ଯ୍ୟସ୍ତ କରୁଥିବା ଏବଂ ଡ୍ୟୁଟିରେ ଥିବା ପୋଲିସ ଅଧିକାରୀମାନଙ୍କୁ ଆକ୍ରମଣ କରୁଥିବା ଏକ ଭିଡ଼ର ଅଂଶ ଥିଲେ। ଏହି ଆକ୍ରମଣରେ ୯ ଜଣ ପୋଲିସ ଅଧିକାରୀ ଆହତ ହୋଇଥିଲେ

---------------

ହିନ୍ଦୁସ୍ଥାନ ସମାଚାର / ରଶ୍ମିତା