ନୂଆଦିଲ୍ଲୀ, ୨୯ ଜୁନ୍ (ହି.ସ.)- ଭାରତୀୟ ଜନତା ପାର୍ଟି (ବି. ଜେ. ପି.) ର ଜାତୀୟ ସାଧାରଣ ସମ୍ପାଦକ ତରୁଣ ଚୁଗ୍ ସୋମବାର ଦିନ ରାଜ୍ୟସଭାର ସଦସ୍ୟ ଭାବେ ଶପଥ ଗ୍ରହଣ କରିଛନ୍ତି । ଗୃହରେ ରାଜ୍ୟସଭା ଅଧ୍ୟକ୍ଷ ସି. ପି. ରାଧାକ୍ରିଷ୍ଣନ ତାଙ୍କୁ ପଦ ଓ ଗୋପନୀୟତାର ଶପଥ ପାଠ କରାଇଥିଲେ । ମଧ୍ୟପ୍ରଦେଶରୁ ନିର୍ଦ୍ୱନ୍ଦ୍ୱରେ ନିର୍ବାଚିତ ହେବା ପରେ ସେ ଉଚ୍ଚ ସଦନର ସଦସ୍ୟ ଭାବେ ଦାୟିତ୍ୱ ଗ୍ରହଣ କରିଥିଲେ । ତାଙ୍କ ସହିତ ଅନ୍ୟ ଛଅ ଜଣ ନବ ନିର୍ବାଚିତ ସଦସ୍ୟ ମଧ୍ୟ ଶପଥ ଗ୍ରହଣ କରିଥିଲେ ।

ଶପଥ ଗ୍ରହଣ କରିବା ପୂର୍ବରୁ ତରୁଣ ଚୁଗ୍ ସଂସଦ ଭବନର ପ୍ରବେଶ ଦ୍ୱାରରେ ପ୍ରଣାମ କରିଥିଲେ ଏବଂ ଗଣତନ୍ତ୍ରର ସର୍ବୋଚ୍ଚ ମନ୍ଦିର ପ୍ରତି ନିଜର ଶ୍ରଦ୍ଧା ବ୍ୟକ୍ତ କରିଥିଲେ । ଏହା ପୂର୍ବରୁ ସେ ନୂଆଦିଲ୍ଲୀ ସ୍ଥିତ ଗୁରୁଦ୍ୱାର ରକାବଗଞ୍ଜ ସାହିବରେ ପ୍ରାର୍ଥନା କରିଥିଲେ ଏବଂ ଆଶୀର୍ବାଦ ପ୍ରାପ୍ତ କରିଥିଲେ ।

ଏଠାରେ ଉଲ୍ଲେଖଯୋଗ୍ୟ, ମଧ୍ୟପ୍ରଦେଶରୁ ରାଜ୍ୟସଭାକୁ ନିର୍ଦ୍ୱନ୍ଦ୍ୱରେ ନିର୍ବାଚିତ ହୋଇଛନ୍ତି ତରୁଣ ଚୁଗ୍ । ସେ ୨୦୨୬ ଜୁନ୍ ୧୧ ତାରିଖରେ ତାଙ୍କର ନିର୍ବାଚନ ପ୍ରମାଣପତ୍ର ପ୍ରାପ୍ତ କରିଥିଲେ । ରାଜ୍ୟସଭାର ସଦସ୍ୟ ଭାବେ ଶପଥ ଗ୍ରହଣ କରିବା ସହିତ ସେ ଆନୁଷ୍ଠାନିକ ଭାବେ ନିଜର ସଂସଦୀୟ କର୍ତବ୍ୟ ନିର୍ବାହ କରିବା ଆରମ୍ଭ କରିଛନ୍ତି ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ